Sunna - 01.02.1933, Blaðsíða 15
S U N N A
143
Og nú er eg með skilaboð til ykkar allra, íslenzkra barna
og unglinga, frá framkvæmdanefnd íslenzku vikunr.ar í Rvík.
Þið eruð beðin að hjálpa fullorðna fólkinu til þess að auka
þekkingu á öllu því, sem íslenzkt er, hlutum, sem búnir eru
til af íslenzkum höndum og úr ísl. efnum, fæðutegundum, sem
við getum framleitt í landinu og fl.
»íslenzka vikan* var fyrst haldin 3.—10. apríl 1932. Þetta
var gert til þess, að minna íslendinga á það, sem þjóðlegt er.
íslendingar voru hvattir til þess að nota helzt það, sem unnið
er af íslenzkum höndum eða sprottið úr ísl. jarðvegi og á
annan hátt framleitt af þjóðinni.
Mörg börn í Reykjavík og vafalaust víðar á landinu unnu
í þágu íslenzku vikunnar í fyrra.
Gaman var að sjá blossandi áhugann hjá börnunum, þegar
þau fengu þessi verkefni. Þau lásu, skrifuðu og töluðu um
þetta, reiknuðu, teiknuðu og smíðuðu, mótuðu í leir og skáru
út myndamót, prjónuðu og saumuðu, gerðu skýrslur og töflur
yfir hitt og þetta, bjuggu til skrautlegar auglýsingar um ísl.
vörur o. fl., til dæmis: »Gangið í fötum úr íslenzkri ull, unn-
um á íslandi*, »notið ísl. skip*, »styðjið innlendan iðnað*.
Sumar deildir í barnaskólanum lögðu stund á landbúnað aðrar
sjávarútveg, enn aðrar iðnað.
Sýning var haldin á verkum barnanna, sem flestum, er sáu,
þótti ánægjuleg þátttaka í ísl. vikunni.
Aðra ísl. viku á að halda í vor 30. apríl. —
Nú skuluð þið biðja um verkefni og skal hér bent á starfskrá:
Landbúnaðurinn. Deild í skóla getur skipt verkum með
börnum, þannig, að einhver skrifar um byggingar og teiknar
eða býr til hús t. d. úr pappa. Upplýsinga verður að leita,
hvaða íslenzk byggingarefni eru nothæf. — Nokkrir búa til
áhöld utan bæjar og innan bæjar, lýsa þeim og teikna þau
líka.— Sum börnin afla sér fróðleiks um þær nytjajurtir, sem
ræktaðar eru hér til manneldis eða skepnufóðurs. — Enn
önnur afla sér þekkingar um þær jurtir útlendar, sem gætu
orðið íslendingum til gagns, en eru ekki ræktaðar hér enn
þá. Gæti upp úr þeim fróðleik sprottið mikill árangur. — Þá