Búnaðarrit - 01.01.1969, Qupperneq 24

14
BÚNAÐARKIT
af þeirri ástæðu (eftir því sem mér var sagt), að verk-
fræðingar óttuðust, að melarnir mundu gleypa vatnið,
sem leiða átti eftir skurðinum. Kristján var vanur raf-
magni frá Veisu, og þótti honum ótækt, að staðurinn
væri án rafmagns. Réðst hann því í að sameina nokkra
litla læki neðan við Hólahyrðu og leiða þá eftir einum
farvegi ofan á milli heimatúns og Geitagerðis. Hafði eng-
um komið þetta ráð áður í hug. Var svo reist lítil rafstöð
sunnan við túnið, norður og upp af Skeiðmel, árið 1937.
Nægði hún að vísu litlu meir en til ljósa og þótti því á
skorta, að til fullra nota væri. Stóð svo húið nokkur ár,
unz Kristjáni tókst að endurvekja draumiim um virkjun
vatns úr Víðinesá. Komst það áliugamál lians til fram-
kvæmda, og var rafstöð reist á Kollugerði árið 1951.
Nægði þá raforkan til Ijósa, suðu og hitunar að mestu.
Þá er súgþurrkun á heyi kom til sögu, varð Kristján
fljótur til að liagnýta það. Hlaða mikil Iiafði verið reist
á Hólum við fjósið árið 1914. Hún var gípa mikil og fór
illa með liey. Hafði hún oft ógnað og storkað Hólabænd-
um og valdið áhyggjum og skaða. Kristján setti í liana
súgþurrkunarkerfi svo fljótt sem því varð við komið.
Kom ég eitt sinn til lians seint á degi eftir að vinnutíma
var lokið. Var hann þá sjálfur enn í starfi að smíða
leiðslukerfið og leggja það um hlöðugólfið. Undraðist ég,
með hve miklum hagleik og hagsýni honum liafði tekizt
sú framkvæmd. Árangur þessa starfs varð hinn bezti.
Hiti í heyjum olli ekki lengur áhyggjum og skaða.
Margar aðrar merkar framkvæmdir urðu á Hólum
með atbeina Kristjáns, meðan hann var þar skólastjóri.
Skólastjórabústaður var reistur og einnig tveir kennara-
bústaðir. Var þess auðsæ þörf. Áður hafði allt kennaralið
skólans hlotið að búa í skólahúsinu við þrengsli og
óhægð. Reist voru fjárhús á Skeiðmel yfir 200 fjár ásamt
heyhlöðu, sem rúmaði 800—1000 liesta. Fjósið var stækk-
að úr 19 kúa fjósi í 64ra kúa fjós. Reistir voru tveir vot-
heysturnar, sem rúmuðu allt að 800 hestum. Þá var reist