Búnaðarrit - 01.01.1948, Page 46
40
BÚNAÐARRI T
bílum lil þess að geta flutt gripi á sýninguna og ann-
azt aðra nauðsynlega flutninga í sambandi við hana.
Þá er eitt ótalið enn, sem bitnaði mjög hastarlega
á sýningunni. Afgreiðslubann var á öllum skipum,
sem til Reykjavíkur komu. í skipum á Reykjavíkur-
höfn og í birgðaskemmum var mikið af vélum og
verkfærum, sem átti að sýna á sýningunni. Sumar af
þessum vélum komu á sýninguna síðustu dagana sem
hún var opin, en mest af þeim kom þangað aldrei.
Þetta varð til þess að sum innflutningsfyrirtæki, sem
ætluðu að sýna landbúnaðarvélar, urðu að liælta við
þátttöku í sýningunni, en hjá öðrum varð færra og
fátæklegra, það sem sýnt var, en ella hefði orðið.
Sýningin beið einnig allmikið beint fjárhagslegt tjón
við það að ýmis innflutningsfyrirtæki hættu við að
sýna á síðustu stundu og var þá varla unnt að inn-
Iieimta leigugjald af þvi rúmi, sem búið var að semja
um leigu á. Fjárhagslegt tjón af þessum ástæðum mun
hafa orðið fleiri tugir þúsunda króna.
Vinnustöðvunin setti því á ýmsan hált mark sitt á
sýninguna. Samkvæmt yfirliti, sem framkvæmda-
stjórinn hefur gert, telur hann að beinn aukakostn-
aður við undirbúning sýningarinnar liafi numið að
minnsta kosti 100 þúsund krónum, aðeins í dýrari og
óhagkvæmari vinnu, kostnaði við henzínflutning o. fl.
Er þá allt óbeint tjón ótalið, svo sem sýningarmunir,
flýtislegri frágangur svo að sýningin naut sin ver,
minni aðsókn sýningargesta úr nærsveilum Reykja-
víkur vegna örðugleika með benzínafgreiðslu á bíla
og margt fleira mætti telja, sem allt stefndi í sömu átt.
Allar þær tafir, sem vinnustöðvunin leiddi af sér,
urðu þess valdandi, að þegar leið að hinum ákveðna
opnunardegi, sá framkvæmdanefndin sér ekki annað
fært en fresta opnun sýningarinnar um tvo daga. Var
þá ákveðið að sýningin skyldi opnuð laugardaginn 28.
júní kl. 2 síðdegis.