Búnaðarrit - 01.01.1948, Page 58
52
BÚNAÐARRIT
alls 60183, þar af munu hafa verið um 6000 börn inn-
an 12 ára aldurs. Þessi háa tala sýningargesta stafar
að sjálfsögðu af þvi, að mjög margir komu oftar en
einu sinni á sýninguna. Þess munu vera dæmi, að
sumir fóru allt að því 5 sinnum. Það er ómögulegt að
vita hve margir einstaklingar sóttu sýninguna heim.
Sennilega munu þeir hafa verið nálægt 30 þúsundum.
Miðvikudagskvöldið 16. júlí, næsta dag eftir að sýn-
ingunni var lokað, hélt framkvæmdanefndin öllu
starfsfólki sýningarinnar veizlu. Rutt var svo til í að-
alsýningarskálanum, að þar var hægt að koma fyrir
borðum. Þótti fara bezt á því, að það fólk, sem bar
hita og þunga erfiðisins, svo að segja dag og nótt
meðan sýningin stóð yfir, héldi skilnaðarveizlu á sama
stað. Hóf þetta sátu um 100 manns. Var þar setið all-
lengi undir borðum. Voru margar ræður fluttar, sem
allar hnigu að því sama, að betur hefði tekizt til með
sýningu þessa, en þeir bjartsýnustu og hugrökkustu
hefðu látið sig dreyma um. Var hóf þetta hið ánægju-
legasta á allan hátt. Eftir borðhaldið skemmti fólk sér
við söng og dans til kl. 4 að nóttu.
Næsta dag var svo farið að vinna að því að taka
sýningarmuni niður og koma þeim til réttra aðila.
Þetta var mikið verk og vandasamt, en furðanlega
mun þó hafa tekizt að koma öllu til slcila. Varla er
hægt að telja að nokkrir munir hyrfu á sýningunni.
Bar það vitni um góða hegðun sýningargesta, og að
eftirlit og regla var i góðu lagi af hálfu sýningar-
stjórnarinnar.
Fjárhagsafkoma sýningarinnar.
Þess hefur áður verið getið, að sýningarstjórninni
var strax frá upphafi ljóst, að sýningin varð að bera
sig að mestu leyti fjárhagslega. Ýmsar leiðir voru
farnar til þess að afla tekna, svo að hægt væri að