Búnaðarrit - 01.01.1948, Page 113
B Ú N A Ð A R R I T
107
iðnað úr íslenzkum gærum og íslenzkri ull, að nota það
bezta af hvorutveggja, en framleiðendum verði greitt
hlutfallslega hærra verð fyrir úrvalið úr ullinni og
gærunum, sem notað verður í innlenda iðnaðiim, en
fyrir ull og gærur upp og ofan, sem flutt yerður úr
landi og selt við því verði, sem fáanlegt er á hverjum
tíma. Þetta mundi skapa traustan grundvöll, til þess að
byggja á kvnbætur fjárins með tilliti til ullar og gæru,
en það er víst að bændur hirða ekki um að bæta mjög
ullina á fénu eða rækta þau afbrigði fjárins, sem gefa
hezta gæru, nema framkvæmt verði strangt gæðamat
á ull og gærum, og úrvals varan greidd mun hærra
verði en lakari flokkarnir.
Tillögur um ull og gærur.
1. Atvinnumálaráðherra beiti sér fyrir liið bráðasta,
að samdar verði og staðfeslar reglur um, hvernig
meta skuli óþvegna ull, áður en hún er vélþvegin.
2. Allt verði gert, sem hægt er, til þess að stækkun
Gefjunar og bygging ullarþvottastöðvarinnar tefj-
ist ekki að óþörfu.
3. Þegar farið verður að vélþvo ullina og flokka
liana eftir gæðum, þá verði stuðlað að því, að
bændum verði greitt mun hærra verð fyrir eftir-
sóknarverðustu flokka ullarinnar fyrir innlenda
iðnaðinn, heldur en þá flokka, sem verra er að
nota til iðnaðar hér, svo einhvern árangur beri, að
hvetja bændur ti! þess að rækta fé ineð ákjósan-
legri ull.
4. Búnaðarfélag íslands bjóði hingað ríkisráðunaut
Finna í sauðfjárrækt og fái hann til þess að skoða
hér fé og láta álit sitt í ljósi, um hvort reynandi
myndi fyrir okkur að rækta hér fé með heppilegar
gærur til loðfeldaframleiðslu. Einnig verði hann
fenginn, til þess að leiðbeina um mat á gærum o. fl.