Búnaðarrit - 01.01.1948, Page 251
BÚNAÐARRIT
245
Hallsteinsnesi, frá Fremri Gufudal, voru vænstu hrút-
arnir í hreppnum. Tafla I. Þeir eru báðir hraustlegir,
sterkbyggðir og framúrskarandi holdmiklir á bak.
Sama má segja um G,ufsa frá Hallsteinsnesi, vetur-
gamlan son Gufa.
Prúður og Kollur í Djúpadal hafa báðir verið ágætir
hrútar en liafa lifað sitt fegursta, þó enn sé mikið eftir
af þeim. Spakur í Múla, frá Sturlaugi í Múla við ísa-
fjarðardjúp, er ágætur hrútur, en aðeins of léttur.
Óðinn Óskars á Eyri er sömuleiðis prýðilega vel gerð-
ur. Þessir hrútar eru báðir gamlir og líklega byrjaðir
að fella af.
Reykhólasveit. Þar voru sýningar ágætlega sóttar.
Sýndir voru 66 hrútar, 26 l'ullorðnir, er vógu 89.5 kg
að meðaltali, og 40 veturgamlir, sem vógu 77.0 kg til
jafnaðar. Veturgömlu hrútarnir voru hlutfallslega
þyngri en þeir fullorðnu. 15 þessara hrúta hlutu I.
verðlaun, 9 fullorðnir og 6 veturgamlir. Sjá töflu I.
A Kinnarstöðum eru tveir hrútar, sem hlutu I. verð-
laun, Skógar 6 vetra og Snarfari 2ja vetra. Sá fyrr-
nefndi er metfé. Hann er hyrndur, framúrskarandi
réttvaxinn, holdgóður og ræktarlegur. Hann er ætt-
aður út af gamla Kinnarstaðafénu í aðra ættina, en í
hina ættina er hann frá Skógum, en Gottorpskyn
mun standa að honum í þá ætt. Sá síðarnefndi er koll-
óttur, vel gerður og fagur hrútur.
Bjartur Snæbjarnar á Stað, frá Sturlaugi í Múla í
Nauteyrarhreppi, er framúrskarandi hrútur. Hann er
mjög þungur af lcollóttum hrút að vera og lýtalaus
á vöxt og þar eftir holdmikill. Hann er einhver bezti
kollótti hrúturinn á Vestfjörðum. Frændi á Stað frá
Sigurði á Laugabóli er mjög góður hrútur, en ekki
jafngóður Bjarti. Draupnir Játvarðar Jökuls í Miðja-
nesi frá Sturlaugi í Múla er framúrskarandi mikill og
vel gerður hrútur og gefur lítið eftir Bjarti á Stað.