Búnaðarrit - 01.01.1948, Page 257
BÚNAÐARRIT
251
Haukadalshreppur. Þar voru sýndir 14 hrútar, 10
fullorðnir og 4 veturgamlir. Þeir fullorðnu vógu að
meðaltali 91.2 kg en þeir veturgömlu 83.3 kg. Bezti
hrúturinn var Hnifill Jóns á Smyrlhóli, 6 vetra, frá
Leikskálum, og hlaut þar I. verðlaun 1945. Hnifill
Jiessi er afburða vel gerður hrútur og hefur gefið
ágæta raun. Má því telja það illa farið, að því nær ekk-
ert af hrútum hefur verið alið upp undan honum.
Köttur á Giljalandi, frá Gillastöðum i Laxárdals-
hreppi, er vænn hrútur en varla nógu þéttholda. Vet-
urgömlu hrútarnir, sem hlutu fyrstu verðlaun, Hnífli
á Leikskálum og Þór á Smyrlhóli, eru báðir vænir og
vel gerðir.
Miðdalahreppur. Þar var sýningin fremur illa sótt.
Sýndir voru 16 hrútar, 12 fullorðnir og 4 veturgamlir.
I'ullorðnu hrútarnir vógu 96.4 kg að meðaltali og
hlutu 5 þeirra I. verðlaun. Einn þeirra, Spakur Ósk-
ars Jóhannessonar á Svínhóli, frá Ásgarði í Hvamms-
sveit, er metfé. Veturgömlu hrútarnir voru allir illa
gerðir en sæmilega vænir.
Hörðudalshreppur. Þar voru sýndir 20 hrútar, 8
fullorðnir og 12 veturgamlir. 4 hlutu I. verðlaun.
Blettur Baldvins á Álfatröðum frá Hólmlátri á Skóg-
arströnd er ágætlega gerður og vænn. Iíleifur Einars
á Dunki er einnig ágætur hrútur en léltari en skyldi.
Hann er ættaður frá Kleifum í Gilsfirði. Bjartur Ey-
steins á Ketilsstöðum er vel gerður hrútur og sömu-
leiðis Toppur i Blönduhlið, ættaður frá Vörðufelli.
Féð í Hörðudalnum er ekki jafn vænt og kosta-
mikið og fé Haukdæla, enda munu landkostir vera
betri í Haukadal.
Snæfellsness- og Ilnappadalssijsla.
Þar voru sýndir 98 hrútar, 67 fullorðnir og 31 vet-
gamlir. Þeir fullorðnu vógu að meðaltali 83.0 kg eða
6.1 kg meira en 1931, en þeir veturgömlu 74.4 kg eða