Heilbrigðismál - 01.06.1984, Blaðsíða 13

Hús Krabbameinsfélagsins
verður vígt í lok ágúst
Föstudaginn 31. ágúst mun hið
nýja hús Krabbameinsfélagsins að
Skógarhlíð 8 í Reykjavík verða vígt.
Daginn eftir verður aðalfundur
Krabbameinsfélags íslands haldinn,
og sunnudaginn 2. september er gert
ráð fyrir að húsið verði til sýnis fyrir
almenning.
í kjölfar landssöfnunar undir kjör-
orðinu „Þjóðarátak gegn krabba-
meini“ festi félagið kaup á þessu
húsi, tilbúnu undir tréverk. í des-
ember 1983 var samið við Erlend
Pétursson verktaka frá Vestmanna-
eyjum um innanhúsfrágang (fastar
innréttingar o.fl.). Síðan var einnig
samið við Erlend um smíði lausra
innréttinga, og nýlega hefur verið
leitað tilboða í húsgögn. Verkið hef-
ur gengið samkvæmt áætlun og mun
verktakinn skila öllum þremur aðal-
hæðum hússins fullbúnum í ágúst.
Á fyrstu hæð verður almenn af-
greiðsla (happdrætti, minningarkort
o.fl.) og skrifstofur Krabbameinsfé-
lags íslands og Krabbameinsfélags
Reykjavíkur. Þar verður einnig
fræðslu- og útgáfustarfsemi, fundar-
salir, kaffistofa starfsfólks og að-
staða fyrir Stómasamtökin, Sam-
hjálp kvenna og Nýja rödd.
Á annarri hæð verður Leitarstöð
Krabbameinsfélagsins til húsa, en
hún fæst við leit að krabbameini í
leghálsi og brjóstum kvenna. Eins
og um var getið í síðasta tölublaði
eru áform um breytingu á brjósta-
skoðunum hér á landi, en húsrými til
slíkra skoðana er á annarri hæðinni.
Á þriðju hæð verður Frumurann-
sóknastofa Krabbameinsfélagsins,
Krabbameinsskráin og bókasafn. Ef
farið verður af stað með leit að ristil-
krabbameini mun hún í upphafi fá
inni á þessari hæð.
Ljóst er að flutningur Krabba-
meinsfélagsins úr 700 fermetrum á
Suðurgötu 22—24 í 1650 fermetra á
hæðunum þremur í Skógarhlíðinni
(gatan var áður nefnd Reykjanes-
braut) hefur í för með sér mikla
breytingu á starfsemi félagsins. í því
sambandi má geta þess að félagið
mun taka tölvutæknina í þjónustu
sína í auknum mæli, bæði til að
skipuleggja innkallanir og upplýs-
ingasöfnun, en ekki síður til rann-
sókna og úrvinnslu. Megin tölvubún-
aðurinn mun verða á jarðhæð húss-
ins en útstöðvar á öllum hæðum. Að
öðru leyti verður jarðhæðin og risið
ekki nýtt að sinni. Þess má geta að
frá septemberbyrjun mun Krabba-
meinsfélagið fá ný símanúmer,
62 14 14 (aðalsími) og 62 15 15 (tíma-
pantanir).
Það var ístak hf sem byggði húsið.
Vilhjálmur Þorláksson verkfræðing-
ur hefur verið byggingastjóri, Sturla
Már Jónsson innréttingaarkitekt
teiknaði innréttingar, Gunnar H.
Pálsson verkfræðingur hefur teiknað
lagnir og Sigurður H. Oddsson raf-
lagnir. Umsjón með öllu verkinu
hefur verið í höndum byggingar-
nefndar Krabbameinsfélagsins. For-
maður hennar er Gunnlaugur Geirs-
son yfirlæknir en aðrir nefndarmenn
eru Þórður Þ. Þorbjarnarson borgar-
verkfræðingur og Sigurjón Péturs-
son framkvæmdastjóri, sem kom í
stað Magnúsar Gústafssonar for-
stjóra sem var í nefndinni frá 1981
og fram á þetta ár. -jr.
HEILBRIGÐISMAL 2/1984 13
HEILBRIGÐISMÁL / Jóhannes Long