Heilbrigðismál - 01.09.1988, Blaðsíða 13

HEÍLBRIGÐISMÁL / Jónas Ragnar
Ástandið í umferðinni:
Verra gaeti það verið
Óvenju mörg banaslys hafa orð-
ið í umferðinni það sem af er þessu
ári. Hvað veldur? Um það eru
skiptar skoðanir en allir eru sam-
mála um að viðhorf fólks til um-
ferðarinnar þurfi að breytast, eins
og nýlegt átak miðar að. Rétt er að
vekja athygli á því að þrátt fyrir allt
benda tölur Umferðarráðs til að
færri hafi slasast í umferðinni í ár
en í fyrra, þó að tilviljun kunni að
hafa ráðið því að banaslysin séu
fleiri.
Síðustu fimmtán árin hafa 19 til
39 íslendingar látist á ári í umferð-
arslysum, fæst hafa þau orðið árið
1976 en flest árin 1975 og 1977. Yfir
lengri tíma litið hefur banaslysum í
umferðinni fækkað nokkuð síðasta
áratuginn, þrátt fyrir verulega
fjölgun bíla (sjá Heilbrigðismál
3/1987, og 4/1987).
Samanburður á dánartíðni úr
umferðarslysum í fimmtíu löndum
sýnir að víða er ástandið mun
verra en hér. Ef miðað er við sam-
bærilegar tölur (svonefnda staðl-
aða dánartíðni) kemur í ljós að
dánartíðni hjá körlum er hærri en
hér í 42 af þessum löndum og hjá
konum er hún hærri í 30 af þessum
löndum. Venesúela í Suður-Amer-
íku er efst á listanum með nær fjór-
um sinnum hærri dánartíðni meðal
karla en hér. Ekki er mikill munur
á Norðurlöndunum en hlutfalls-
lega fæst slys eru þó í Svíþjóð og á
íslandi. Af Evrópuríkjum er
ástandið verst í Portúgal en lang-
best á Möltu. Alls staðar er körlum
mun hættara en konum, enda
munu þeir vera meira á ferðinni.
Þrátt fyrir þokkalega stöðu ís-
lands í þessum samanburði verð-
um við að gera enn betur og ætt-
um að geta það, ef við viljum. -jr.
Dánartíðni úr umferðarslysum
í nokkrum löndum
Aldursstöðluð dánartíðni miðað við 100.000 íbúa.
Heimild: World Health Statistics Annual 1986.
Karlar Konur
Venesúela 53,3 (1.) 12,2 (1.)
Kúvæt 52,3 (2.) 114 (2.)
Súrínam 48,2 (3.) 6,4 (23.)
Portúgal 39,9 (5.) 8,2 (10.)
Frakkland 27,3 (14.) 9,3 (7.)
Ítalía 25,3 (16.) 7,1 (20.)
Bandaríkin 25,0 (17.) 9,4 (5.)
Spánn 23,7 (18.) 7,3 (18.)
Kanada 21,0 (23.) 8,1 (14.)
Vestur- Þýskaland 17,2 (30.) 6,2 (26.)
Danmörk 16,0 (32.) 7,6 (16.)
Japan 15,0 (35.) 4,2 (43.)
Noregur 14,7 (38.) 4,5 (38.)
Finnland 13,9 (42.) 5,2 (33.)
ísland 13,5 (43.) 5,4 (31.)
England og Wales 13,5 (44.) 4,6 (37.)
Svíþjóð 13,3 (45.) 4,3 (41.)
Malta 3,8 (49.) 0,7 (50.)
Máritíus 3,1 (50.) 0,8 (49.)
HEILBRIGÐISMAL 3/1988 13