Fréttablaðið - 25.01.2010, Blaðsíða 38

22 25. janúar 2010 MÁNUDAGUR
sport@fretta-
EM Í AUSTURRÍKI
EIRÍKUR STEFÁN ÁSGEIRSSON
skrifar frá Vín
eirikur@frettabladid.is
> Allir leikirnir eru klukkan 15.00
Allir leikir Íslands í milliriðlakeppninni í Vínarborg verða
klukkan 15 að íslenskum tíma. Ísland mætir strax í
fyrsta leik í dag liði Króatíu sem var sigurvegari í A-riðli
og eina liðið í allri keppninn sem vann alla þrjá leiki
sína í riðlakeppninni. Á morgun mæta strákarnir okkar
liði Rússa og að síðustu Norðmönnum á fimmtudag-
inn. Leikið er í Stadthalle í Vín en hún tekur ellefu
þúsund áhorfendur í sæti. Búist er við miklum áhuga í
borginni vegna góðs árangurs
austurríska landsliðsins í
riðlakeppninni í Linz.
HANDBOLTI Ísland vann um helg-
ina í fyrsta sinn sigur á ríkjandi
meisturum í titilvörn á stórmóti í
handbolta.
Fyrir leikinn hafði Ísland leik-
ið tólf sinnum gegn slíkum and-
stæðingi og tapað ellefu sinnum.
Besti árangur liðsins var jafn-
tefli gegn Ólympíumeisturum
Júgóslavíu í Seoul árið 1988.
Danir urðu sem kunnugt er
Evrópumeistarar í Noregi fyrir
tveimur árum. - óój
Sigurinn á Dönum:
Sögulegur
árangur
HANDBOLTI Íslenska landsliðið í
handbolta hafði í gær vistaskipti
á Evrópumeistaramótinu í hand-
bolta og fór frá Linz til höfuð-
borgarinnar Vínar í Austurríki.
Í dag hefst keppni í milliriðli
Íslands og fara leikirnir fram
í hinni veglegu Stadthalle sem
tekur ellefu þúsund áhorfendur
í sæti.
Fyrsta verkefni Íslands er ekki
í léttari kantinum. Andstæðing-
urinn verður hið geysisterka lið
Króatíu sem er það eina í öllu mót-
inu sem afrekaði að fara með fullt
hús stiga upp úr sínum riðli.
Ísland er þó ósigrað á mótinu til
þessa og Guðmundur Guðmunds-
son sagði eftir æfingu liðsins í
gær að hann hefði góða tilfinn-
ingu fyrir leiknum.
„Verkefnin gerast varla stærri
eða meira spennandi en þetta,“
sagði Guðmundur og bætti við að
hann hefði ekki áhyggjur af því
að leikmenn verði ekki búnir að
ná aftur einbeitingu eftir leikinn
glæsilega gegn Dönum á laugar-
daginn.
„Við þurfum að halda áfram
ótrauðir og það má alls ekki halda
að af því að við unnum Dani þá
þurfum við ekki að gera neitt
gegn Króötum. Ég lagði áherslu
á það í æfingaleikjum okkar fyrir
mótið að fara í hvern leik á fullu
og því hef ég trú á að þetta verði
í lagi hjá okkur nú.“
Lykilatriði í leik dagsins er að
viðhalda þeim góða varnarleik
sem liðið sýndi gegn Dönum.
„Vörnin var að virka jafn vel
og hún gerði á Ólympíuleikunum.
Þetta var einnig fyrsti leikurinn
á mótinu þar sem 6-0 vörnin gekk
mjög vel upp. Við þurfum að vera
mjög ákveðnir og klókir gegn
Króötum og passa okkur á að ein-
blína ekki bara á [Ivano] Balic.
Það vill oft verða þannig að lið
taka bara hann fyrir og þá losnar
um alla aðra leikmenn í kringum
hann,“ sagði Guðmundur.
„Það verða því fullt af verkefn-
um út um allan völl hjá okkur. Við
notuðum til að mynda æfinguna í
dag til að rifja upp nokkur atriði
í sóknarleiknum ef þeir skyldu
spila 3-2-1 vörn. Við vitum ekki
hvort þeir gera það eða stilla upp
í 6-0 vörn. Við þurfum að vera
klárir í hvort sem er.“
Ísland hefur ekki spilað oft við
Króatíu á undanförnum en Guð-
mundur óttast þann þátt ekki.
„Vissulega höfum við spilað
lítið á móti þeim en óvissan er
jafn mikil þeirra megin. Það er
ekkert síður skemmtilegra að tak-
ast á við þetta en að mæta liðum
sem við þekkjum vel. Staðreynd
málsins er einfaldlega sú að það
þarf að spila mjög vel til að vinna
sigur á Króötum. Þannig er það
í þessari keppni og verður einn-
ig í hinum leikjum okkar í riðlin-
um.“
Ísland mun spila alla leiki sína
í milliriðlakeppninni klukkan
15.00 að íslenskum tíma og þótti
Guðmundi sú ákvörðun mótshald-
ara furðuleg.
„Aðallega finnst mér það verst
fyrir íslenska áhorfendur. Þetta
skiptir minna máli fyrir okkur þó
svo að þetta geri það að verkum
að við getum ekki tekið morgun-
æfingu. Ég játa að ég hefði frek-
ar viljað hafa leikinn klukkan sex
eða átta.“
Hann útilokar ekki að markaðs-
öfl ráði þarna för. „En ég þekki
þetta ekki og get svo sem ekk-
ert sagt um það. Ég vona bara að
það verði hægt að hafa sjónvarp
í gangi á vinnustöðum svo allir
sem vilja geti fylgst með.“
Þurfum að vera ákveðnir og klókir
Ísland leikur í dag sinn fyrsta leik í milliriðlakeppninni á EM í handbolta í Austurríki. Þá mæta strákarnir
okkar sterku liði Króata í Vínarborg. Landsliðsþjálfarinn hefur góða tilfinningu fyrir leiknum í dag.
BJART YFIR ÞJÁLFARANUM Guðmundur Guðmundsson er bjartsýnn fyrir leikinn mikilvæga gegn Króötum í dag.
MYND/DIENER/LEENA MANHART
HANDBOLTI Eitt af lykilatriðum að
velgengni á stórmótum eins og EM
í handbolta er að leikmenn hvílist
vel á milli leikja, sér í lagi þegar
spilað er jafn ört eins og nú. Ísland
á fyrir höndum gríðarlega erfiða
leiki gegn Króötum í dag og svo
gegn Rússum á morgun.
Í gær yfirgaf íslenska landslið-
ið hótelið sitt í Linz og fór til Vín-
arborgar þar sem keppni í riðli
Íslands fer fram. Leikmenn voru
þó ekki nógu ánægðir með nýja
hótelið.
„Þetta eru lítil herbergi og sumir
okkar voru settir saman í hjóna-
rúm ef hjónarúm skyldi kalla,“
sagði Snorri Steinn Guðjónsson við
Fréttablaðið í gær. „Það er varla
hægt að snúa sér yfir á hina hlið-
ina.“
Þó var hægt að fá einhverju
breytt á hótelinu og Snorri segir
að dvölin sé þó alls ekki slæm.
„Við látum þetta ekki fara í taug-
arnar á okkur. Þetta er pirrandi í
fyrstu en svo hrista menn það af
sér. Hin liðin eru líka á hótelinu
og við ættum svo sem að lifa þetta
af enda verið á verri hótelum en
þetta,“ sagði hann og brosti.
„Hins vegar mætti maturinn
vera aðeins skárri. Hann er orð-
inn svolítið þreyttur og það er
orðið langt síðan að maður fékk
kjöt þar sem það sem hefur verið
á boðstólum getur varla talist vera
í betri kantinum.“
Sverre Jakobsson tók í svipaðan
streng. „Hótelið sem við vorum á
í Linz var í öðrum og betri gæða-
flokki hvað aðbúnað og stærð her-
bergja varðar. Ég er viss um að
það eru til mörg hótel í þessari
borg sem eru betri en þetta sem
við erum á núna,“ sagði hann. „Við
látum svona lagað ekki hafa áhrif
á okkur - það er öruggt.“ - esá
Strákarnir okkar lentu ekki á neinu glæsihóteli í Vínarborg í gær:
Varla hægt að snúa sér í rúminu
ÞRÖNGT Á ÞINGI Snorri Steinn og félagar
gista við lítinn íburð í Vínarborg. Menn
þurfa jafnvel að deila litlu hjónarúmi.
MYND/DIENER/LEENA MANHART
Einn af lykilmönnum íslenska landsliðsins er
Sverre Jakobsson og kom mikilvægi hans ber-
sýnilega í ljós þegar að Ísland vann glæsilegan
sigur á Danmörku. Sverre er í stóru hlutverki í
íslensku vörninni sem skóp sigurinn á laugardaginn
og átti svo ríkan þátt í Ólympíusilfrinu fræga árið
2008.
Landsliðið æfði í Vínarborg í gær og sagði hann við
Fréttablaðið eftir æfinguna að ekki þýddi að dvelja lengi
við leikinn gegn Danmörku.
„Við lifum ekki á Danaleiknum lengur. Hann var bara til að bjarga
andlitinu og koma okkur í þægilega stöðu fyrir milliriðilinn. Það
eina sem gildir er að nota það jákvæða úr þeim leik og snúa
sér svo að nýjum andstæðingi. Þeir eru hver öðrum sterkari
í þessum milliriðli og aðeins með því að ná stöðugleika í
leik liðsins og sömu grimmd og gegn Dönum munum
við eiga einhvern möguleika.“
Liðið hefur þó sýnt sínar veiku hliðar og segir
Sverre að það megi ekki gerast aftur. „Ef
við munum aftur falla á svipað plan og við vorum á í leiknum gegn
Austurríki þá verður róðurinn mjög þungur.“
Hann hefur þó mikla trú á liðinu og þeim verkefnum sem eru
framundan. „Ég tel að við höfum það í okkur að halda út
næstu þrjá leiki enda er ekki ástæða til að hræðast neinn á
þessu móti - hvorki lið né leikmann. Við höfum í gegnum
tíðina spilað við öll bestu lið Evrópu og staðið í þeim
öllum eða unnið þau.“
Sverre á von á erfiðum leik gegn Króatíu. „Þarna
eru heimsklassaleikmenn í hverri stöðu. Þeir
hafa unnið allt og eru alltaf við toppinn. En þeir
hafa sína veikleika og við ætlum að keyra á
þá. Þeir eru með öflugt sóknarlið og við þurfum
því að vera heldur betur á tánum og fljótir að brjóta
þeirra aðgerðir á bak aftur,“ Sverre meiddist á löngutöng á
hægri hönd gegn Dönum og á erfitt með að grípa bolta. Hann
hafði þó ekki miklar áhyggjur af því.„Þetta verður í góðu lagi á
morgun,“ sagði hann og brosti. „Puttinn verður bara „teipaður“
og svo gleymir maður öllu svona löguðu í hita leiksins.“
SVERRE ANDREAS JAKOBSSON: ENGIN ÁSTÆÐA TIL AÐ ÓTTAST NEITT LIÐ
Leikurinn gegn Dönum bara til að bjarga andlitinu
HANDBOLTI Óvíst er hvar Arnór
Atlason mun spila á næsta ári
eftir að danska félagið AG Hånd-
bold keypti og tók yfir FC Kaup-
mannahöfn. „Þetta var eins og
að Þór hefði keypt KA og nú á
maður bara að spila með Þór,“
sagði hann og hló. „Við fyrstu sýn
er ég ekki nógu hrifinn af þessu.“
Arnór gerði nýlega tveggja
ára samning við FCK og forráða-
menn nýja félagsins vilja halda
honum. „Við höfum val um að
vera áfram eða fara. Ég hef enga
ákvörðun tekið um framhaldið.
Ég mun ræða fyrst við AG.“
Arnór var orðaður við spænsk
og þýsk lið í dönskum fjölmiðl-
um. „Ég sagði bara að ég gæti séð
fyrir mér að spila í þessum lönd-
um en lengra er það ekki komið.“
- esá
Arnór Atlason:
Mun ræða
fyrst við AG
ARNÓR ATLASON Hefur blómstrað í
Austurríki og vakið mikla athygli.
MYND/DIENER/LEENA MANHART