Fréttablaðið - 04.05.2010, Page 24

„Þegar ég var í sérnámi úti í
Ameríku og krakkarnir mínir
voru að stíga sín fyrstu spor í fót-
bolta sá ég að þar var ávallt boðið
upp á fótbolta fyrir krakka með
sérþarfir líka,“ segir Ýr Sigurðar-
dóttir barnataugalæknir. Hún kom
því til leiðar nýlega að fótbolta-
námskeið yrði haldið fyrir börn
með sérþarfir hjá íþróttafélaginu
Stjörnunni í Garðabæ.
Hugmyndina fékk hún í raun frá
sjúklingum sínum. „Þau hafa mörg
hver áhuga á knattspyrnu eins og
gengur, koma jafnvel í fótbolta-
treyjum og eiga sér uppáhaldsleik-
menn,“ segir Ýr glaðlega en sjálf
hefur hún mikinn áhuga á fót-
bolta og á dætur í boltanum. „Mér
datt í hug að það vantaði æfingar
fyrir minn sjúklingahóp,“ segir
Ýr sem þó telur að boðið sé upp
á svipaða þjónustu hjá KR og ÍA
og einnig Öspinni en alltaf megi
gera betur.
Ýr fékk með sér þjálfara úr
meistaraflokki kvenna í Stjörn-
unni sem einnig hafa áhuga á
þessu málefni. „Ein er í sálfræði,
önnur í íþróttafræði og sú þriðja
hefur unnið mikið með fötluðum,“
segir hún og tekur fram að hug-
myndinni hafi hvarvetna verið
vel tekið. Þær eru í samstarfi
við Garðabæ og Stjörnuna og fá
afnot af húsnæði íþróttafélagsins
á laugardögum. Þá fékk hún einn-
ig styrk frá velferðarsjóði barna
til að kaupa búninga og halda
námskeiðsgjöldum í lágmarki.
Námskeiðið stendur í átta
skipti, en fyrsta æfingin fór fram
laugardaginn 24. apríl. „Krakk-
arnir voru mjög glaðir og tóku sig
vel út í búningunum sem þeir fá
að klæðast á æfingunum,“ segir
Ýr sem fær hjálp frá fjórða flokki
kvenna enda þarf marga aðstoðar-
menn á svona námskeið.
Ýr býst við að haldið verði eitt
vikunámskeið í sumar og ef nægur
áhugi skapast verður haldið áfram
með námskeið í haust. „Síðan sé
ég fyrir mér að það þurfi að koma
slíkum námskeiðum af stað á fleiri
stöðum í framtíðinni,“ segir Ýr en
námskeiðin eru opin öllum börnum
á höfuðborgarsvæðinu sem ekki
geta nýtt sér hefðbundið barna- og
unglingastarf sinna félaga vegna
fötlunar og/eða þroskafrávika.
solveig@frettabladid.is
Allir höfðu gaman af
Fótboltaæfingar fyrir börn með sérþarfir eru í gangi hjá Stjörnunni í Garðabæ. Ýr Sigurðardóttir, barna-
taugalæknir og fótboltaáhugamaður, fékk hugmyndina út frá fótboltaáhuga sjúklinga sinna.
Fyrsta æfingin gekk vel. Að sitja og hlusta á þjálfarann þótti krökkunum skemmtilegt.
MYND/ÚR EINKASAFNI
TANNÞRÁÐ skal nota daglega til að hreinsa á milli tanna ef viðhalda
á góðri tannheilsu. Börn geta ekki séð um tannhirðu sína fyrr en á aldr-
inum tíu til tólf ára. Sum þurfa aðstoð með tannþráðinn lengur.
Kókosolía er tilvalin til að þrífa burtu augn-
farða eftir daginn. Bleytið bómullar-
hnoðra og vætið með nokkrum drop-
um af kókosolíu en þannig rennur
málningin af.
Grensásvegi 8 - 108 Reykjavík - 517-2040
LAGERSALA
Góðir skór - gott verð
Mikið úrval af nýrri vöru á alla fjölskylduna
Opið virka
daga 12-18
laugardag
12-16
Takkaskór
besta verði
ð
í bænum ?
Stærðir 31-46
kr. 5.495.-