Samtíðin - 01.11.1970, Blaðsíða 18

14
SAMTÍÐIN
Rithöfutidurinn
HAROLD ROBBINS hugsar í milljónum
HAROLD ROBBINS er óvenju umsvifa-
mikill bandarískur rithöfundur. Hann tal-
ar aldrei um minna en milljónir eintaka
af bókum sínum. Eftirfarandi frásögn um
þennan óvenjulega mann er inntak úr
grein, sem við rákumst nýlega' á í Inter-
national Herald Tribune.
„Ég hef selt 71 milljón eintaka af bók-
um mínum,“ segir Harold Robbins. „Ég
hlýt að hafa haft upp úr þeim 25 milljón-
ir dollara, en örðugt er að segja um, hvað
fæst fyrir kvikmyndunarréttindin. Eitt er
þó víst: Ég er eini rithöfundur í heim-
inum, sem græðir meira á bókasölu, en
kvikmyndunarréttindum. Joe Levine (ó-
háði kvikmyndaframleiðandinn í Holly-
wood) borgaði mér nýlega 1 milljón doll-
ara fyrir bók, sem er væntanleg frá mér
og heitir „The Inheritor". Éyrir handritið
að henni hefur útgefandi minn þegar greitt
mér 2,5 millj. dollara."
Auk þess hefur ABC sjónvarpsfélagið
tryggt Robbins 1 millj. dollara fyrir sjón-
varpsleikrit, sem nefnist „The Survivors"
og er í 26 þáttum. Áætlað er, að mynda-
taka þess muni kosta 9,5 millj. dollara.
Myndin hefur þegar verið seld til Eng-
lands, Þýzkalands og Niðurlanda. Ef vel
tekst til, fær Robbins helming ágóðans af
henni eftir tvö ár.
Kvikmyndafélög hafa keypt réttindin
að öllum 10 bókunum, sem Robbins hefur
skrifað, og hafa 7 af þeim þegar verið
kvikmyndaðar. „Ég hataði þær allar,“
segir Robbins og hlær við, „en þær gáfu
mér drjúgan skilding, svo ég get verið
ánægður."
Þær bækur hans, sem bezt hafa selzt:
„The Adventurers“, „The Carpet-bagg-
ers“, „Stiletto“ og „Where Love Has
Gone“ hafa verið þýddar á 27 tungumál
og orðið einkar vinsælar í Þýzkalandi og
Skandínavíu, „þar sem bækur mínar selj-
ast meira en nokkurs annars höfundar,"
segir hann.
Harold Robbins er 54ra ára, með'almað-
ur á hæð, þrekvaxinn með velgengnibros
á vörum. Þessi grein var hripuð um borð
í skemmtisnekkju hans, sem heitir „Sunny
Day“ og er knúin elektrónskri vél.
„Ég hef alla ævi heyrt, að rithöfundar
lepji dauðann úr skel,“ segir Robbins með
kuldalegri ró fjármálamannsins, sem hef-
ur komið ár sinni vel fyrir borð.
Enginn þarf að óttast, að Robbins lendi
á þurfamannahæli. Hann fékk ást á Blá-
ströndinni skömmu eftir lok heimsstyrj-
aldarinnar 1940—’45 og hefur látið reisa
sér þar viðhafnarsetur fyrir 300 000 doll-
ara á hæð einni skammt frá Cannes, við
hlið húss Aga Khans. Þar dvelst hann
helming ársins ásamt Grace konu sinni
og Adriane dóttur þeirra. Hinn helming
ársins búa þau á Beverly Hills í Banda-
ríkjunum. Robbins geymir 125 000 dollara
lystisnekkjuna sína allt árið í Frakklandi,
en lætur árlega flytja Rolls-Royce bíl konu
sinnar þangað flugleiðis frá Los Angeles
fyrir 2 800 dollara og bílinn sinn fyrir
1 700 dollara. „Annars yrðum við að bíða
5 vikur eftir þeim,“ segir hann. „Það gæti
virzt heppilegra og væri örlítið ódýrara að
kaupa bíla í Frakklandi, en ég á 8 bíla
heima.“
Fyrsta bók Robbins, ævisaga hans í
skáldsöguformi, heitir: „Never Love a
Stranger". Hún lofar það góðu um, að
hann muni verða auðugur um síðir, að les-
andinn trúir því. Robbins kveðst hafa haf-
izt úr algerri örbirgð og munaðarleysi i