Fréttablaðið - 18.08.2010, Blaðsíða 20

18. ágúst 2010 MIÐVIKUDAGUR4
„Okkur fannst að betur þyrfti að
huga að börnum á ferðalögum um
landið, því þau verða oft útundan
þegar fjölskyldan ferðast saman.
Ef börn eiga að ferðast um landið
þvert og endilangt og kynnast landi
sínu vel þarf líka að koma til móts
við þeirra þarfir,“ segir Heba Soffía
Björnsdóttir, framkvæmdastjóri
Markaðsstofu Vesturlands, sem í
sumar gaf út Krakkakort Vestur-
lands þar sem ungir ferðalangar
feta í fótspor Sögu og Jökuls sem
einmitt kynntust á ferðalagi um
vestanvert landið.
„Saga er hressileg hnáta sem
ferðast með mömmu sinni og pabba
um Vesturland, en þar birtist henni
álfastrákurinn Jökull sem enginn
sér nema hún og saman lenda þau í
óvæntum ævintýrum,“ segir Heba
um einstakan vinskap þeirra Sögu
og Jökuls, en ævintýrin má rekja á
krakkakortinu góða.
„Á Krakkakortinu eru merktir
inn tíu staðir þar sem sérstaklega
vel er tekið á móti kátum krökkum.
Á hverjum þeirra fá þau sögu um
ævintýri Sögu og Jökuls í sérstaka
ævintýramöppu, ásamt stimpli sem
sannar að þau voru þar líka. Þegar
fimm stimplum er náð fá börnin
gjöf, og svo aðra gjöf þegar þeir
eru orðnir tíu,“ segir Heba og tekur
fram að ekki þurfi að heimsækja
staðina á kortinu í réttri röð og því
sé hægt að byrja hvar sem er.
„Þótt sumri fari að halla eru flest-
ir staðanna á kortinu opnir áfram
fram á haust og sumir í allan vetur.
Því er ekkert því til fyrirstöðu að
halda leiknum áfram, enda ferðalög
um Vesturland tilvalin helgarferð
fyrir fjölskylduna og í stuttu færi
frá höfuðborginni,“ segir Heba.
Meðal ævintýralenda Sögu og
Jökuls eru Eiríksstaðir í Dölum og
Landnámssetrið í Borgarnesi, þar
sem hægt er að kynnast lífi víkinga,
og í Reykholti fær fjölskyldan inn-
sýn í verk og starf Snorra Sturlu-
sonar. Náttúran er í aðallhlutverki
í Þjóðgarðinum Snæfellsjökli og í
ævintýrasiglingum Sæferða kynn-
ast börn lifandi kröbbum, ígul-
kerjum og fleiru skringilegu úr
sjónum. Á Bjarteyjarsandi í Hval-
firði er farið á alvöru sveitabæ, og
þá er ekki lítið ævintýri að heim-
sækja Grýlu og tröllin í Fossatúni,
sjá brúður lifna við í Brúðuheim-
um Borgarness og skoða leik-
fangasafn með fimmtíu ára göml-
um leikföngum í Sögumiðstöðinni
í Grundarfirði, en sé haldið í vest-
ur frá Reykjavík hefst ævintýra-
förin á heimili Halldórs Laxness
að Gljúfrasteini.
„Saga og Jökull er fyrsta afurð
vöruþróunarverkefnis í menning-
artengdri ferðaþjónustu sem kall-
ast „Krakkar ráða för“ og þar er
markmiðið að Vesturland standi
sig sérstaklega vel í að taka á móti
fjölskyldum á ferð. Næsta sumar
verður afraksturinn svo enn meiri
því nú er unnið að vöruþróun fyrir
hópa barna og unglinga um Vestur-
land.“
Nánari upplýsingar á www.vest-
urland.is, þar sem einnig er hægt
að prenta út kortið heima.
thordis@frettabladid.is
Ævintýri Sögu og Jökuls
Það er skemmtileg tilbreyting að leyfa börnum að ráða för þegar lagt er af stað í ferðalag um landið, og
nú geta þau vísað veginn með spennandi ævintýrakorti sem lóðsar fjölskylduna um einstakt Vesturland.
Svona lítur Krakkakort Vesturlands út, en
það má prenta út heima af vesturland.is.
Heba Soffía Björnsdóttir og tíkin Freyja á Hafnarfjalli. Hún gekk tæplega sjö mánaða upp á fjallstoppinn og var kölluð Hafnarfjall
af samferðafólki sínu þann afreksdag. Í baksýn er Borgarnes. MYND/ÞORKELL ÞORKELSSON
Barnasáttmáli Samein-
uðu þjóðanna, sem var
samþykktur árið 1989,
er helsti samningurinn
sem gerður hefur verið
með barnavernd að
markmiði. Jafnframt er
hann sá fyrsti sinnar teg-
undar og markaði vatna-
skil þar sem sértæk
réttindi barna voru sett
fram. Með sáttmálanum
var nú litið á börn sem
einstaklinga fremur en
“eign” foreldra sinna.
humanrights.is
Jóna María Hafsteinsdóttir
jmh@365.is
sími 512 5473
Henný Árnadóttir
henny@365.is
sími 512 5427
Þórdís Hermannsdóttir
thordish@365.is
sími 512 5447
Fimmtudaga
ENSKUNÁMSKEIÐ fyrir börn niður í 5 ára
eru í boði bæði hjá Mími-símenntun og Fullorðins-
fræðslunni. Upplýsingar á mimir.is og namskeid.is.
Sendum um land allt
Frí heimsending á höfuðborgarsvæðinu
leikfangaland.is S. 587 3215 leikfangaland@simnet.is
www.krumma.is
Þroskandi og falleg leikföng fyrir flotta krakka.
Gylfaflöt 7,112 Reykjavík 587-8700
krumma@krumma.is www.krumma.is