Fréttablaðið - 18.08.2010, Blaðsíða 38
30 18. ágúst 2010 MIÐVIKUDAGUR
1
6 7 8
10
13
119
12
15
16
18
21
20
17
14
19
2 3 4 5
MORGUNMATURINN
LÁRÉTT
2. kornstrá, 6. úr hófi, 8. sæ, 9. gifti,
11. belti, 12. laust bit, 14. nasl, 16.
klafi, 17. hlaup, 18. fálm, 20. guð, 21.
traðkaði.
LÓÐRÉTT
1. kjaft, 3. hæð, 4. lukt, 5. mæli-
eining, 7. svikull, 10. kelda, 13. iðn,
15. útungun, 16. margsinnis, 19.
eldsneyti.
LAUSN
LÁRÉTT: 2. hálm, 6. of, 8. sjó, 9. gaf,
11. ól, 12. glefs, 14. snakk, 16. ok, 17.
gel, 18. fum, 20. ra, 21. tróð.
LÓÐRÉTT: 1. gogg, 3. ás, 4. ljósker,
5. mól, 7. falskur, 10. fen, 13. fag, 15.
klak, 16. oft, 19. mó.
„Ég fæ mér Weetabix á morgn-
ana áður en ég mæti í vinnuna.
Reyni að ná því á hverjum
morgni en þar sem ég mæti í
vinnuna klukkan sjö er stundum
lítill tími. Ég fæ mér líka Weeta-
bix um helgar.“
Jóhanna Eva Gunnarsdóttir vörubílstjóri
sem tekur þátt í fatahönnunarkeppni á
vegum Iceland Fashion Week í byrjun
september.
VEISTU SVARIÐ?
Svör við spurningum á síðu 10.
1 Orð skulu standa.
2 Tvisvar, nú síðast í plastdúk á
vesturhlið hússins á mánudag.
3 Robert Gates.
Indía Salvör Menuez er hálfíslensk stúlka sem
ætlar að klæðast sama kjólnum daglega í heil-
an mánuð til styrktar skóla í New Orleans.
Verkefnið nefnist The uniform project og er
upphafsmaður þess stúlka að nafni Sheena sem
ákvað árið 2009 að klæðast sama kjólnum í
heilt ár til styrktar skólabörnum á Indlandi.
„Ég kynntist Sheenu í gegnum tískublogg
sem kallast Stylelikeu, þar sem mismunandi
fólk opnar fataskápa sína fyrir lesendum.
Þessi síða vann með Uniform project og fékk
ólíka einstaklinga til að klæðast sama kjól og
Sheena hafði klæðst yfir árið til að sýna fram
á notagildi kjólsins. Ég var með í þessu verk-
efni og þannig kynntist ég Sheenu og hún bað
mig í framhaldi af því að taka þátt í þessu nýja
verkefni,“ útskýrir Indía Salvör sem er aðeins
sautján ára gömul.
Indía hannaði kjólinn í samráði við hönn-
uð og óskaði meðal annars eftir því að kjóllinn
væri með vösum og hálsmáli sem hægt væri að
breyta eftir geðþótta. Hún klæðist kjólnum út
ágúst en í september tekur ný stúlka við og nýr
kjóll. Aðspurð segir Indía ekki erfitt að þurfa
að klæðast sama kjólnum dag eftir dag. „Mér
finnst erfiðara að blogga um þetta og að þurfa
að mynda mig daglega, en það er víst hluti af
þessu,“ segir hún og brosir. Peningarnir sem
Indía Salvör safnar yfir mánuðinn renna til
Blair Grocery-skólans í New Orleans. „Ég var í
sjálfboðavinnu í New Orleans eftir að fellibyl-
urinn skall á borginni og það hafði mikil áhrif
á mig því fólk var ekki að fá þá aðstoð sem það
þurfti. Blair Grocery-skólinn er eini skólinn í
9. hverfi borgarinnar og þar er unnið mikið og
þarft starf sem mig langaði að styrkja.“
Verkefnið hefur vakið verskuldaða athygli í
Bandaríkjunum og hefur tímaritið Teen Vogue
meðal annars viljað fjalla um það. „Öll athygli
hjálpar. Mér hefur þótt mjög skemmtilegt að
taka þátt í þessu, enda er alltaf gaman þegar
maður getur látið gott af sér leiða,“ segir hún
að lokum. Hægt er að fylgjast með verkefninu
á síðunni www.theuniformproject.com. - sm
Klæðist einum kjól í mánuð
AÐEINS EINN KJÓLL Indía Salvör Menuez tekur þátt í
verkefni til styrktar skóla í New Orleans. Hún þarf að
klæðast sama kjólnum daglega út ágúst.
FRÉTTABLAÐIÐ/ANTON
„Ég er ekki að fara vinna með RÚV,
allavega ekki laugardagsþáttinn. Ég
er bara á fullu að gera Gauragang.
Hún verður frumsýnd um jólin og
ég er bundinn í þeirri vinnu þang-
að til,“ segir Gunnar Björn Guð-
mundsson kvikmyndaleikstjóri.
Sigrún Stefánsdóttir, dagskrár-
stjóri RÚV, lýsti því yfir í samtali
við Fréttablaðið fyrir viku að hún
hefði hug á því að falast eftir kröft-
um Gunnars til að stjórna þætti á
þeim dagskrártíma sem Spaugstof-
an var áður sýnd á. En hún er, eins
og flestum ætti að vera kunnugt
um, hætt í Efstaleitinu.
Einhverjar hugmyndir voru á
kreiki um að fá fólkið á bak við síð-
asta Skaup til að koma að gerð nýs
skemmtiþáttar og Gunnar kann-
ast vel við þær pælingar. Þau hafi
sett fram hugmynd um skemmti-
þátt fyrir allnokkru síðan en sá
hafi verið sleginn út af borðinu
þar sem hann þótti of dýr. Síðan þá
hafi lítið sem ekkert gerst og Gunn-
ar hefur raunar engan tíma fyrir
sjónvarpsstarfið, er þrælbundinn
í kvikmyndagerð sinni. Hann vildi
þó ekki útiloka neitt eða loka nein-
um dyrum, hann væri samt sem
áður ekki að taka við laugardags-
þætti RÚV.
Sigrún Stefánsdóttir, dagskrár-
stjóri RÚV, hafði ekki heyrt af
afsvari Gunnars þegar Fréttablað-
ið hafði samband við hana. „Ég
hefði mjög gjarnan viljað vinna
með honum, hann stóð sig vel
í tengslum við áramótaskaup-
ið og er af þeirri kynslóð sem
við þurfum að einblína á. En
það er til mikið af hæfileika-
ríku fólki og ég er með fleiri í
sigtinu,“ segir Sigrún. - fgg
Skarð Spaugstofunnar ófyllt
BUNDINN GAURAGANGI
Gunnar Björn segir það ekki hafa
staðið til að fara að vinna
á RÚV á þessum vetri;
hann sé á fullu við
að gera bíómyndina
Gauragang. Sigrún
Stefánsdóttir segist
hafa fleiri í sigtinu.
„Það var kominn tími til að reyna
sig við gamanleik, eftir að hafa
verið í svona „léttmeti“ eins og
Hamskiptunum og Fást,“ segir Gísli
Örn Garðarsson, leikari og leik-
stjóri. Vesturport í samstarfi við
Borgarleikhúsið hyggst setja upp
sýningu sem verður í eilítið öðru-
vísi dúr en aðrar sýningar hóps-
ins. Um er að ræða farsakenndan
gamanleik um húsmóðurhlutverkið
á Íslandi. Verkið er glænýtt, skrif-
að af þeim Víkingi Kristjánssyni,
Birni Hlyni Haraldssyni, Nínu
Dögg Filippusdóttur, Jóhanni Níels
Sigurðssyni og Gísla Erni.
Þetta verður í fyrsta skipti sem
hópurinn tekst á við verk eftir sjálf-
an sig. „Undantekningin er náttúru-
lega söngleikurinn Ást en við lékum
ekki í honum. Núna er annað uppi
á teningnum.“ Gísli segir að þetta
sé í takt við stefnu leikhópsins, þau
í hópnum vilji ögra sjálfum sér og
virkja leikhúsformið í botn. „Núna
ætlum við að setja húsmóðurhlut-
verkið í farsakenndan stíl og ýta
sjálfum okkur út á ystu nöf,“ segir
Gísli en sýningar Vesturports hafa
hingað til ekki beint verið fyrir
lofthrædda. Og ef marka má lýs-
ingar Gísla verður engin breyting-
ar þar á, fólk mun jafnvel falla á
milli hæða. „Ég veit ekki hvað þetta
er, við erum skíthrædd við þetta,
þetta er einhver sjálfseyðingar-
hvöt, að vera ung og hugsa að þá sé
um að gera að þenja sig í botn. Ég
er eiginlega alveg með hnút í mag-
anum yfir þessu.“
Gísli segir hugmyndina hafa
kviknað í kringum fréttir af man-
sali og vændi á Íslandi. „Þetta var
á þeim tíma þar sem við veltum
því fyrir okkur hvað við ættum
að gera næst. Og í kjölfarið vild-
um við fjalla um húsmóður sem er
ekki öll þar sem hún er séð og hvað
það þýðir að vera húsmóðir. Þetta
er kannski það starf sem við heyr-
um hvað minnst um,“ útskýrir Gísli
og bætir því við að verkið bjóði upp
á mikla karaktersköpun en áætluð
frumsýning er í apríl 2011.
En þangað til þessi sýning fer á
fjalir Borgarleikhússins er hópur-
inn í óða önn að undirbúa afmæl-
issýningu á Fást í Young Vic-leik-
húsinu sem fagnar fjörutíu ára
afmæli í ár. Gísli segir þau vera
að undirbúa sig andlega undir
gullna reglu þegar kemur að svona
ferðalögum; að allt sem geti farið
úrskeiðis fari yfirleitt úrskeiðis.
„Það á eftir að kosta mikla vinnu
til að þetta verði í lagi og það er
að mörgu að huga.“
freyrgigja@frettabladid.is
GÍSLI ÖRN GARÐARSSON: Í SAMRÆMI VIÐ STEFNU HÓPSINS
VESTURPORT HELLIR SÉR
ÚT Í GAMANLEIK OG FARSA
MEÐ HNÚT Í MAGANUM Vesturport hyggst næst reyna sig við gamanleik en nýjasta
sýning hópsins fjallar um húsmóðurhlutverkið á Íslandi. Gísli Örn segist vera með
hnút í maganum yfir þessu en þetta sé bæði ögrandi og nýtt fyrir þau. FRÉTTABLAÐIÐ/VALLI
Fyrsta stiklan úr kvikmyndinni
Dylan Dog hefur litið dagsins
ljós á erlendum kvikmynda-
vefsíðum. Aðalhlut-
verkið er í höndum
Brandons Routh
sem er hvað þekkt-
astur sem síðasta
Ofurmennið. Anita
Briem leikur stórt
hlutverk í myndinni
og í stiklunni má
meðal annars sjá
hana berjast við
varúlfa og vampírur
auk þess sem gefið
er í skyn að persónur
Anitu og Brandons eigi í eldheitu
ástarsambandi. Myndin verður
heimsfrumsýnd á Ítalíu þaðan sem
Dylan Dog er ættaður.
Fréttablaðið hefur fylgst
grannt með gangi mála
hjá Friðriki Weiss-
happel en hann stóð
sem kunnugt er
fyrir söfnun í tilefni
af afmæli Ómars
Ragnarssonar.
Sú söfnun gekk
vonum framar en
hið sama verður
ekki sagt um áætl-
un Friðriks að opna
þriðja Laundrom-
at-staðinn við
Reykjavikbrygge
í Kaupmannahöfn. Friðrik fékk
ekki húsnæðið eins og hann hafði
vonast eftir en hann gerir sér engu
að síður vonir um að hann finni
fljótlega nýtt húsnæði.
Rokkarinn og smiðurinn Ragnar
Páll Steinsson á von á sínu öðru
barni nú í haust með unnustu
sinni. Fyrir á hann dóttur með
söngkonunni Urði Hákonardóttur,
fyrrverandi meðlim
hljómsveitarinnar
GusGus. Urður
sagði skilið við
hljómsveitina
fyrir nokkru og
hefur síðan
þá verið að
vinna að eigin
plötu sem
lítur vonandi
dagsins ljós
á næstunni.
- fgg
FRÉTTIR AF FÓLKI
Leikbrúðusafn - Brúðuleikhús
Veitingar - Gjafavara
www.bruduheimar.is
Sími 530 5000
Opið í Borgarnesi alla
daga frá 10:00 til 22:00
L E I K S Ý N I N G
á sunnudaginn kl 14:00