Fréttablaðið - 23.08.2010, Blaðsíða 6
6 23. ágúst 2010 MÁNUDAGUR
Eyjarslóð 5 101 Reykjavík S: 511 2200 www.seglagerdin.is
Tilboð kr. 690.000
ÆGISVAGN
(fullt verð kr. 1.190.000)
Erum að selja 2010 árgerð
af Ægisvögnum okkar sem
voru í leigu hjá okkur í sumar.
ÆGIR
690.000,- kr.
TILBOÐ
2 vagnar efti
r!
SKIPULAGSMÁL Stefnt er að því að
ný heilsulind verði opnuð í júní á
næsta ári á reit gamla gufubaðsins
á Laugarvatni. Framkvæmdir við
heilsulindina hófust í sumar en hafa
tafist í tvö ár eftir að bankahrunið
setti áætlanirnar í uppnám.
„Framkvæmdirnar mjakast,
þetta gekk aðeins hægt í byrjun
en er komið á góðan rekspöl núna,“
segir Jónas Jónasson verkefnastjóri
framkvæmdanna.
Fyrsta skóflustungan að nýja
gufubaðinu var tekin 9. júní síðast-
liðinn en fullbúið verður það 750
fermetra náttúruleg heilsulind. Í
heilsulindinni munu gestir geta
notið sömu aðstöðu og var að finna
í gömlu gufunni en náttúruleg gufa
úr iðrum jarðar stígur upp á reitn-
um. Auk gufubaða verða laugar og
heitir pottar á svæðinu ásamt úti-
aðstöðu.
Gamla gufubaðið var rifið árið
2007 en þar til í júní fóru engar
framkvæmdir fram á svæðinu.
Nokkuð hefur borið á óánægju
meðal heimamanna vegna taf-
anna og frágangs verkefnisins en
gamla gufubaðið var fastur punkt-
ur í tilveru Laugvetninga um ára-
tugaskeið. Spurður um töfina segir
Hafþór Birgir Guðmundsson, sem
er í varastjórn Gufu ehf. sem stend-
ur að baki framkvæmdinni: „Þegar
við vorum tilbúin að fara í gang
skall bankakreppan á okkur og sem
betur fór vorum við ekki farnir af
stað því þá hefðum við sennilega
verið búnir að taka stór gjaldeyris-
lán og allt hefði farið til fjandans,
þannig að þetta lagðist í smá bið.“
Upphaflegar áætlanir gerðu ráð
fyrir 1.200 fermetra byggingu en
Hafþór segir að ýmsir þættir hafi
verið skornir niður. „Útlitslega séð
er húsið mjög svipað en það var
farið í miklar aðhaldsaðgerðir,“
segir Hafþór.
Valtýr Valtýsson, sveitarstjóri
Bláskógabyggðar, segir alla á
svæðinu spennta fyrir fram-
kvæmdunum. „Það sáu margir
eftir gamla gufubaðinu og fannst
eitthvað vanta en það er nú samt
meiri eftirvænting eftir því að
hitt komi núna.“
magnusl@frettabladid.is
FRÉTTABLAÐIÐ 9. JÚLÍ 2008 Frétta-
blaðið fjallaði um málið þegar ljóst
þótti að töf yrði á framkvæmdunum.
Á LAUGARVATNI Eftir tveggja ára hlé eru hafnar framkvæmdir við nýja heilsulind á
Laugarvatni. Vatnið er vinsæll áfangastaður ferðamanna. FRÉTTABLAÐIÐ/VILHELM
Töf forðaði stórum
gjaldeyrislánum
Framkvæmdir við heilsulind á reit gamla gufubaðsins við Laugarvatn eru
komnar ágætlega af stað. Gamla gufubaðið var rifið árið 2007. Í kjölfar banka-
hrunsins var framkvæmdum frestað á ný. Í sumar var hafist handa aftur.
AFGANISTAN, AP Fjórir bandarískir hermenn féllu
í austur- og suðurhluta Afganistan í gær, að sögn
NATO. Þrír þeirra létust í átökum við uppreisnar-
menn en einn lést þegar hann varð fyrir heima-
gerðri sprengju. Þá varð fyrrum skæruliða-
leiðtoginn Slaam Pahlawan fyrir bílsprengju í
Faryab-héraði í norðurhluta landsins.
Pahlawan var í bíl ásamt sonum sínum, fimm og
tíu ára, og tveimur lífvörðum þegar uppreinsnar-
menn sprengdu bíl þeirra í loft upp með fjarstýrðri
sprengju. Hann barðist við sovéskan innrásarher á
níunda áratugnum en margir eftirlifandi hermenn
frá þeim tíma hafa verið skotmörk talibana vegna
samvinnu þeirra og ríkistjórnarinnar í Kabul.
Það sem af er þessum mánuði hafa 42 hermenn
verið drepnir í Afganistan, en þar af eru 28 banda-
rískir hermenn. Sextíu og sex bandarískir hermenn
létu lífið í júlí en þeir hafa ekki verið fleiri frá því
ráðist var inn í landið árið 2001.
Nákvæm staðsetning átakanna í gær er ekki ljós
en þó hafa borist fréttir af hörðum átökum í Jaji-
umdæmi í austurhluta Paktiya-héraðs, um 12 kíló-
metra frá landamærum Pakistan. Afganski herinn
og landamæralögreglan komu bandarískum her-
mönnum til aðstoðar á jörðu niðri og þyrlur gerðu
árás úr lofti, að sögn afganska hersins. Ekki er vitað
hve margir vígamenn féllu. -ve
Hörð átök stóðu í gær í austur- og suðurhluta Afganistan:
Fjórir bandarískir hermenn drepnir
Í AFGANISTAN Hermanni bandaríkjahers hjálpað inn í sjúkra-
þyrlu í Zhari héraði í Kandahar í Afganistan á föstudag.
FRÉTTABLAÐIÐ/AP
SAMFÉLAGSMÁL Tólf daga hring-
ferð Hjólað til heilla lauk á laug-
ardag. Margmenni tók á móti
þeim félögum Haraldi Hregg-
viðssyni hjólreiðakappa og Har-
aldi Helgasyni aðstoðarmanni
hans í húsakynnum Styrktarfé-
lags krabbameinssjúkra barna
sem þeir styrktu með ferðinni.
„Við erum mjög ánægðir með
viðtökurnar,“ segir Haraldur
Helgason og bætir við að söfnun-
in standi til mánaðamóta. „Ferða-
lagið gekk frábærlega vel. Við
lentum í alls kyns veðri en náðum
samt að vera degi á undan upp-
haflegri áætlun.“ - mmf
Hjólað til heilla lokið:
Ánægðir með
viðtökurnar
GEKK VEL Tíu manns hjóluðu með félög-
unum síðasta spölinn. MYND/ÚR EINKASAFNI
EGYPTALAND, AP Málverkinu Blómavasanum
eftir Vincent van Gogh, sem er metið á um 6
milljarða króna, var stolið af Mahmoud Kha-
lil safninu í Kaíró á laugardag. Það var skor-
ið úr ramma sínum og komust ræningjarnir
undan.
Abdel-Meguid Mahmoud, aðalsaksóknari
Egyptalands, kennir öryggisgæslu safnsins
um en engar viðvörunarbjöllur og aðeins sjö
af 43 eftirlitsmyndavélum voru virkar á laug-
ardag. Málverkinu var stolið af sama safni
árið 1978 en var endurheimt frá Kúveit áratug
síðar.
Faruq Hosni, menningarmálaráðherra
Egyptalands, sagði á laugardag að lögreglan
hefði handtekið ítalskt par á flugvellinum í
Kaíró og hefði það málverkið í fórum sínum.
Hann dró það síðan til baka og sagðist hafa
fengið rangar upplýsingar.
Lögreglan hefur aukið
eftirlit sitt á flugvöllum
og á landamærum í
Egyptalandi í von um að
stöðva ræningjana.
Blómavasinn er talinn
marka tímamót á ferli
Vincents van Gogh en
hann málaði það nýkom-
inn frá Frakklandi, þar
sem hann hafði orðið fyrir
miklum hughrifum, árið
1886. -ve
Blómavasanum eftir Vincent van Gogh var stolið í Kaíró um helgina:
Öryggisgæslan á safninu sögð vera léleg
VIÐ SAFNIÐ Lögreglumaður stendur vörð við
hliðið að Mahmud Khalil nútímalistasafnið í
Kaíró í Egyptalandi. FRÉTTABLAÐIÐ/AP
Sex óku ölvaðir
Sex voru teknir fyrir ölvun við akstur á
menningarnótt. Fimm voru stöðvaðir í
Reykjavík og einn í Mosfellsbæ, fimm
karlar og ein kona. Einn hafði þegar
verið sviptur ökuleyfi.
Ósiðlegur dans
Kona um þrítugt var handtekin í
miðborginni á menningarnótt eftir
kvartanir sem lögreglu bárust, en hún
var sögð iðka ósiðlegan dans.
Fíkniefni á menningarnótt
Nokkur fíkniefnamál komu til kasta
lögreglu á menningarnótt. Fjórir
karlar voru handteknir grunaðir um
fíkniefnamisferli en á þremur þeirra
fundust fíkniefni, bæði amfetamín og
marijúana.
LÖGREGLUMÁL
PAKISTAN Tugir þúsunda flýja
heimili sín í Suður-Pakistan vegna
yfirvofandi flóðbylgju. Þrjár vikur
eru síðan miklar monsúnrigningar
hófust segir BBC.
Talið er að nú þegar hafi fjórar
milljónir yfirgefið borgina Sukkar,
sem er þriðja stærsta borg Sindh
héraðs í Suður-Pakistan. Íbúar
Sindh héraðs hafa orðið hvað verst
úti í flóðunum og embættismenn
segja að í það minnsta tvö hundruð
þúsund manns hafi flúið svæðið á
síðasta sólarhring.
Alþjóðaheilbrigðisstofnunin,
WHO, óttast útbreiðslu sjúkdóma á
svæðinu. - mmf
Flætt hefur í fjórar vikur:
Fjórar milljónir
yfirgefa Sukkar
ÍÞRÓTTIR Björn Margeirsson kom
fyrstur í mark í Reykjavíkur-
maraþoni Íslandsbanka. Þetta
er í fyrsta sinn frá árinu 1984
sem íslenskur
karlmaður
sigrar í
Reykjavíkur-
maraþoni.
Rannveig
Oddsdóttir
kom fyrst í
mark í mara-
þoni kvenna
á tólfta besta
tíma kvenna
hingað til og
besta tíma síðustu fimm hlaupa.
Fjöldi Íslendinga sem tóku
þátt í maraþoninu var 9.427 og
útlendingar voru 1.017. Góð-
gerðarfélögin sem tóku þátt í
söfnuninni voru 96 og seinni
part laugardags höfðu safnast
28,5 milljónir en áheitasöfnun
verður opin til miðnættis í
kvöld. - mmf
Reykjavíkurmaraþon vel sótt:
Íslenskur karl
sigraði í fyrsta
sinn síðan 1984
BJÖRN
MARGEIRSSON
Hefur þú gaman af kórsöng?
Já 60,1%
Nei 39,9%
SPURNING DAGSINS Í DAG:
Sóttir þú atburði á menningar-
nótt?
Segðu þína skoðun á vísir.is
KJÖRKASSINN