Fréttablaðið - 23.08.2010, Blaðsíða 16

Fréttablaðið - 23.08.2010, Blaðsíða 16
16 23. ágúst 2010 MÁNUDAGUR FRÁ DEGI TIL DAGS greinar@frettabladid.is FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is HELGAREFNI: Anna Margrét Björnsson amb@frettabladid.is og Sigríður Björg Tómasdóttir sigridur@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. Issn 1670-3871 Þ jóðkirkjan hefur að undanförnu verið harðlega gagnrýnd fyrir að taka ekki nógu hart og ákveðið á grun um kyn- ferðisbrot innan stofnunarinnar. Vilji kirkjunnar manna til að bæta um betur hefur þó ekki farið á milli mála og á síðustu dögum hafa verið tilkynntar aðgerðir og gefnar upplýsingar, sem benda eindregið til að kirkjan vilji gera hreint fyrir sínum dyrum. Biskup Íslands, Karl Sigur- björnsson, skrifaði grein hér í blaðið síðastliðinn föstudag þar sem hann ítrekaði afstöðu kirkj- unnar og rifjaði meðal annars upp siðareglur fyrir starfsfólk kirkj- unnar, sem kirkjuþing samþykkti í fyrra. Í grein biskups segir: „Í siðareglunum er og skýrt kveðið á um upplýsingaskyldu skv. barna- lögum þar sem segir að starfsfólk og vígðir þjónar kirkjunnar skuli „vera ávallt upplýst um lög og reglur sem gilda um börn og unglinga og að skylt sé að tilkynna barnaverndaryfirvöldum ef ætla má að barn búi við óviðunandi aðstæður eða er þolandi ofbeldis.“ Þessar siðareglur voru samþykktar á Kirkjuþingi 2009 og gilda fyrir alla presta og starfsmenn þjóðkirkjunnar undantekningarlaust.“ Eins og stundum áður hefur séra Geir Waage, sóknarprestur í Reykholti, ekki reynzt mjög hjálplegur við að útskýra að kirkjan hugsi í takt við þjóðina. Í grein í Morgunblaðinu á laugardag seg- ist hann í raun ekki geta lotið ákvæðum barnaverndarlaga um að skylda embættismanna til að tilkynna um brot gegn börnum, þar með talin kynferðisbrot, gangi framar ákvæðum laga eða siðareglna um þagnarskyldu viðkomandi starfsstétta. Prestar eru sérstaklega nefndir í lögunum, ásamt fleiri stéttum. Séra Geir segir í grein sinni að trúnaður prests og þess, sem skriftar fyrir honum, sé „algjör eða enginn“. Séra Geir skrifar: „Vitaskuld er enginn maður yfir lög hafinn og heldur engin stofnun, svo fremi að lög geri ekki þá kröfu til manns að hann breyti gegn samvizku sinni, allra sízt styðjist hún við Guðs orð. Þær aðstæður geta komið upp og eru raunar algengar í harðræðisríkjum að menn verði að gera það upp við samvizku sína hvort þeir treysti sjer til þess að hlýða lögunum þegar það fer í bága við samvizkuna.“ Þeir sem þetta lesa, hljóta að spyrja: Neiti skjólstæðingur prests, sem hefur játað fyrir honum kynferðisbrot, að gefa sig fram sjálf- ur, getur þá samvizka prestsins leyft honum að þegja og þar með jafnvel að hindra það að glæpunum linni? Hvernig má það yfirleitt vera að prestar telji sig geta þagað yfir slíku? Karl biskup brást skjótt við og sendi frá sér yfirlýsingu, þar sem segir að landslög og kirkjuréttur hafi um langan aldur gengið út frá því að skriftabarnið geti ekki bundið samvizku prests: „Presti sem verður áskynja í skriftum að lífi eða heill annarra er ógnað er skyldugt að leiða viðkomandi fyrir sjónir að honum beri skylda til að koma í veg fyrir það og að prestinum sé skylt að tilkynna slíkt ef viðkomandi geri það ekki sjálfur.“ Þá liggur afstaða biskups skýrt fyrir. En eftir stendur spurningin: Hvað ætlar hann að gera við kirkjunnar þjón sem segist hvorki geta farið að siðareglum kirkjunnar né landslögum? HALLDÓR Ólafur Þ. Stephensen olafur@frettabladid.is SKOÐUN Ákveðinn sjarmi er alltaf yfir skóla-byrjun á hverju hausti. Börnin fara af stað að morgni dags með tösku á baki, komast í sína rútínu, hitta félagana og fara yfir sumarið. Að mörgu er þó að hyggja til að allt fari rétt og örugglega fram. Umferðin er stór þáttur þar. Í raun skiptir ekki öllu hvort um byrjendur í skólagöngu er að ræða eða börn sem eru búin að vera lengur í skóla. Þau sem eldri eru taka oft meiri áhættu t.d. með því að stytta sér leið, sem er oftast ekki öruggasta leiðin. Mikilvægt er að gefa sér tíma til að fara yfir öruggustu leiðina í skólann með barninu. Hún er yfirleitt leiðin þar sem sjaldnast er farið yfir götu. Ef barnið er byrjandi í skólanum er gott að ganga fyrstu dagana með því í skólann. Ef fara þarf yfir götu ítrekaðu við barnið að það noti gangbraut ef hún er til staðar, stoppi, líti vel til beggja hliða og hlusti áður en það fer yfir. Upplýsa þarf barnið um það að ekki sé víst að ökumaður sjái það þó svo að það hafi séð bílinn og að best sé að gera alltaf ráð fyrir því að ökumaður hafi ekki séð það. Benda þarf barninu á að ganga ekki yfir bílastæði skólans heldur meðfram því og að bílastæði sé ekki leik- völlur. Gott er að kynna sér hvort skólinn er með reglur um hjólreiðar barna úr og í skóla. Ef barnið fer hjólandi tryggðu að barnið sé með hjálm og gangi vel um hann þegar það geymir hann í skólanum. Í allmörgum skólum eru skólarútur not- aðar. Farðu yfir helstu öryggisatriði m.a. að barnið standi ekki of nærri rútunni þegar hún kemur, fari í röð en troðist ekki og spenni beltin. Ef foreldrar aka barninu í skólann þá er barnið öruggast í aftursætinu fram að 12 ára aldri. Þau sem ekki hafa náð 36 kg þyngd eiga að vera í sérstökum örygg- isbúnaði umfram bílbelti eins og sessu, með eða án baks. Þegar barnið fer úr bílnum er alltaf öruggast að barnið fari út gangstéttarmegin, en ekki umferðar- megin. Barn með endurskinsmerki sést fimm sinnum fyrr heldur en barn sem ekki er með endurskinsmerki. Tryggðu að barn- ið þitt sjáist í umferðinni þegar rökkva tekur. Sem ökumaður virtu hraðatakmarkan- ir í kringum skóla, sýndu varkárni, vertu með hreinar rúður og stoppaðu fyrir gangandi vegfarendum. Mundu jafnframt að þú ert fyrirmynd barna í umferðinni. Skólabyrjun Umferðarmál Sigrún A. Þorsteinsdóttir forvarnafulltrúi VÍS SÉRHÆFING Í VIÐHALDI GÓLFA Við sérhæfum okkur í slípun og olíuburði á sólpöllum, gerum gamla pallinn flottari en nýjan. Fjalirnar verða rennisléttar og timbrið nær aftur sínum náttúrulega lit. GERUM SÓLPALLINN EINS OG NÝJAN info@golfthjonustan.is | golfthjonustan.is S: 897 2225 Dagbækurnar horfnar Matthías Johannessen, fyrrverandi ritstjóri Morgunblaðsins, virðist vera búinn að loka dagbókum sínum á vefnum, þær voru alltént ekki aðgengilegar í gær. Það er miður því þar gætti ýmissa grasa. Til dæmis var athyglisverð frásögnin úr afmæli Davíðs Oddssonar árið 1998. Þar sat Matthías meðal annars til borðs með Ólafi heitnum Skúlasyni biskupi. Matthías lýsir því hvernig hann og aðrir sessunautar göntuðust með ásakanir um kynferðisofbeldi á hendur biskupnum. „Ég var raunar undrandi hvað hann leyfði okkur að gantast með sín mál og fór það vel í mig,“ skrifar Matthías. Gott svar Matthías segir einnig að sér hafi líkað vel svar biskups við þeirri spurningu hvernig manni liði „sem þyrfti að ganga í gegnum þann eld sem á sr. Ólafi hefði brunnið.“ Biskupinn svaraði á þá leið að það væri ekki hægt að ganga í gegnum slíkt „nema vera annað hvort idjót eða sak- laus – og ég er ekki idjót!“ bætti hann við. „Það þótti mér gott svar,“ skrifar Matthías. En nú er annað komið á daginn. Vonandi verða dagbækur Matthíasar aftur aðgengilegar á vefnum sem fyrst. Lög og regla Sagt var frá því í fjölmiðlum í gær að þrátt fyrir líkamsárásir, mikla ölvun og frekju í umferðinni telji lögreglan menningarnótt hafa tekist vel. Það vekur upp spurningu um hvað þarf að ganga á til að lögreglan telji að menningarnótt hafi tekist illa. bergsteinn@ frettabladid.is Kirkjan reynir að gera hreint fyrir sínum dyrum: Hvernig er hægt að þegja?
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Fréttablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttablaðið
https://timarit.is/publication/108

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.