Fréttablaðið - 23.08.2010, Blaðsíða 46
30 23. ágúst 2010 MÁNUDAGUR
sport@frettabladid.is
FÓTBOLTI Draumur íslenska kvenna-
landsliðsins um að komast á HM í
Þýskalandi er úti. Eftir verðskuld-
að tap gegn sterku liði Frakka er
ljóst að Ísland lendir í öðru sæti
riðilsins. Lokaleikur Íslands er
gegn Eistum á miðvikudag.
Stelpurnar mættu ofjörlum
sínum í Laugardalnum á laug-
ardaginn. Þar hafði liðið hvorki
tapað né fengið á sig mark í fjögur
ár, síðan það tapaði þar 0-4 gegn
Svíum. Sá glæsilegi árangur var
þurrkaður út af flottum Frökkum
sem réðu lengst af gangi leiksins.
Íslensku stelpurnar byrjuðu vel
og pressuðu Frakkana stíft. Hólm-
fríður kom sér í færi á fyrstu mín-
útu en sparkaði í jörðina þegar hún
var í dauðafæri. Pressa íslenska
liðsins kom Frökkum í opna skjöldu
en það tók þær þó aðeins nokkrar
mínútur að átta sig og næsta hálf-
tímann stýrðu þær leiknum.
Liðið heldur boltanum eink-
ar vel innan liðsins, nokkuð sem
íslenska liðið þarf að tileinka sér
betur. Okkar stelpur voru of langt
frá Frökkunum og skynsemi og
yfirvegun skorti á síðasta þriðj-
ungi vallarins. Ákvörðunartökur
liðsins voru kolrangar á stundum.
Til að mynda þegar Margrét Lára
splundraði vörn Frakka með frá-
bærri sendingu, Hólmfríður var í
dauðafæri en í stað þess að skjóta
reyndi hún að gefa boltann.
Frakkar fengu dauðafæri undir
lok hálfleiksins, fyrst skutu þær
yfir og svo varði Guðbjörg glæsi-
lega í markinu. Staðan var marka-
laus í hálfleik og Frakkar betri.
Seinni hálfleikur byrjaði svip-
að og sá fyrri, okkar stelpur voru
hættulegar en Frakkarnir minntu
á sig líka. Sigurmarkið kom eftir
klukkustundarlangan leik, löng
sending innfyrir vörnina stoppaði
fullkomlega með mótvindinum og
Guðbjörg var í skógarhlaupi. Hún
ætlaði út í boltann en hætti við og
franski framherjinn Gaëtane Thin-
ey átti ekki í erfiðleikum með að
vippa yfir hana. Guðbjörg virkaði
fremur óörugg í leiknum, vind-
urinn hafði líklega áhrif, en hún
varði nokkrum sinnum mjög vel.
Okkar stelpur reyndu hvað þær
gátu, meðal annars var Sara Björk
í dauðafæri og vildi meina að brot-
ið hefði verið á sér en ekkert var
dæmt. Hólmfríður komst ein í
gegn en eins og stundum áður tók
hún ranga ákvörðun og var alltof
lengi að athafna sig. Í stað þess að
skjóta ætlaði hún að rekja boltann
áfram og leika á varnarmenn sem
endaði með því að hún tapaði bolt-
anum. Hornspyrna Eddu fór svo í
stöngina og út.
Frakkar drógu sig aðeins til
baka eftir markið en fengu nokk-
ur algjör dauðafæri undir lokin, í
það minnsta þrjú, og hefðu getað
bætt við. Það gerðu þær ekki og
lokatölur 0-1.
Rakel var frábær sem hægri
bakvörður en fór af velli í hálfleik.
Varnarleikur Íslands var ágæt-
ur en þær frönsku voru klaufar
að skora ekki meira. Miðjuspilið
hefði getað verið betra og lítið sást
til Dóru Maríu. Margrét Lára er
greinilega ekki í mikilli leikæfingu
en Dagný var dugleg í framlínunni.
Liðið spilaði alls ekki illa en hefði
klárlega getað spilað betur.
Liðið hefur náð frábærum
árangri með að komast svona
langt og á hrós skilið. Stelpurn-
ar þurfa nú að klára riðilinn með
sæmd og bíða svo eftir næstu und-
ankeppni. Leikurinn gegn Frökk-
um bar þess merki að liðið getur
vel staðið í bestu þjóðum heims.
hjalti@frettabladid.is
Sterkir Frakkar brutu vígi Íslands
Íslenska kvennalandsliðið tapaði fyrir Frökkum í undankeppni HM á laugardag. Franska liðið var betra í
leiknum og átti sigurinn skilinn. Íslenska liðið á ekki lengur möguleika á því að komast á HM í Þýskalandi.
ÁKVEÐNAR Það skorti ekkert upp á baráttuna eða ákveðni íslensku stelpnanna á
laugardag. Hér lætur Sara Björk Gunnarsdóttir Frakkana heyra það. FRÉTTABLAÐIÐ/DANÍEL
Tölfræði leiksins:
0-1 Gaëtane Thiney (60.)
Áhorfendur: 3.710
Skot (á mark): 9-12 (3-6)
Varið: Guðbjörg 4 - Sapowicz 3
Horn: 4-5
Rangstöður: 1-4
Aukaspyrnur fengnar: 11-12
Lið Íslands:
Guðbjörg Gunnarsdóttir
Sif Atladóttir
Ólína Viðarsdóttir
Katrín Jónsdóttir
Rakel Hönnudóttir (46. Guðný Óðinsd.)
Edda Garðarsdóttir
Sara Björk Gunnarsdóttir
Dóra María Lárusdóttir
Margrét L. Viðarsdóttir (78. Hallbera
Gísla.)
Hólmfríður Magnúsdóttir
Dagný Brynjarsdóttir (68. Kristín Bjarnad.)
Staðan í riðlinum:
1. Frakkland 9 8 0 1 42-0 27
2. Ísland 9 8 0 1 29-3 21
3. Eistland 8 3 0 5 6-38 9
FÓTBOLTI „Ég er nokkuð ánægð-
ur með leikinn,“ sagði landsliðs-
þjálfarinn Sigurður Ragnar Eyj-
ólfsson. „Við höfum oft spilað
við Frakka en aldrei verið svona
mikið inni í leiknum. Það gekk
reyndar illa að spila boltanum
í vindinum í fyrri hálfleik en
það stórbatnaði í seinni hálfleik.
Stelpurnar lögðu sig 100 prósent
fram og ég get ekki farið fram á
meira en það,“ sagði þjálfarinn.
„Mér fannst það sem við lögð-
um upp með ganga nokkuð vel
upp. Við pressuðum þær framar-
lega og reyndum að koma þeim á
óvart. Við tókum áhættu með að
spila framar en vanalega og við
misstum þær á bakvið okkur einu
sinni þegar þær skoruðu,“ sagði
Sigurður sem segir að íslenska
liðið þurfi fleiri framherja.
„Við vorum í smá basli. Mar-
grét Lára er ekki í sínu besta
formi og var að spila sem sóknar-
tengiliður. Dagný er framherji
en hennar besta staða er sem
sóknartengiliður. Kristín Ýr
kom ágætlega inn í leikinn en
við þurfum að eignast fleiri góða
framherja til að klára færin.
Margrét Lára og Hólmfríður hafa
skorað meira en helminginn af
mörkunum okkar,“ sagði þjálfar-
inn. - hþh
Sigurður Ragnar Eyjólfsson:
Þurfum fleiri
sóknarmenn
RÆÐA Sigurður Ragnar ræðir við stelp-
urnar eftir leikinn. FRÉTTABLAÐIÐ/DANÍEL
Hressandi
Tilboð 1
Vinaklúbbsáskrift kr. 4.990.-
Tilboð 2
Árskort á kr. 48.990.-
+ 3 x Hresshristingar*
Tilboð 3
Þrír mánuðir á kr. 19.990.-
+ Bolur + 3 x Hresshristingar *
Skráning og nánari upplýsingar
í síma 565-2212/565-2712 mottaka@hress.is
Tilboðskort veita aðgang að:
Fjórum stöðvum- sundi- Hot yoga -Tabata - Les Mills tímum-
Hjólatímum- STOTT pilates - Stöðvaþjálfun - Boxi - Yoga - tækjasölum ofl. ofl.
*Meðan byrgðir endast, átt er við próteinhristinga. Tilboð gilda til 31.8.2010.
FÓTBOLTI „Þetta eru mikil von-
brigði,“ segir Hólmfríður Magn-
úsdóttir um leikinn gegn Frökk-
um. „Mér fannst við samt eiga
góðan leik og þær ekkert mikið
betri en við. Við hefðum þurft að
nýta færin betur, meðal annars
ég. Frakkar eru með frábært lið
en þetta eru samt vonbrigði. Við
vorum óheppnar nokkrum sinn-
um en ég var allan tímann á því
að við myndum vinna þennan
leik,“ sagði Hólmfríður. - hþh
Hólmfríður Magnúsdóttir:
Mér fannst þær
ekkert betri
VINSÆL Hólmfríður gefur eiginhandar-
áritanir eftir leikinn. FRÉTTABLAÐIÐ/DANÍEL
> Sigurður vill vera áfram með landsliðið
Samningur Sigurðar Ragnars Eyjólfssonar með
íslenska kvennalandsliðið rennur út eftir
undankeppni HM sem lýkur á miðvikudag.
Sigurður vill framlengja samning sinn.
„Ég hef ekki hugmynd um það hvort
samningurinn verði framlengdur, það
á eftir að ræða þau mál. Ég hef fullan
hug á að vera áfram með liðið ef KSÍ vill
semja aftur. Ég er stoltur af því að taka þátt
í þessari uppbyggingu og er mjög ánægður
í starfi. Ég held að ég geti komið liðinu enn
lengra,“ sagði Sigurður.
Íslensku stelpurnar voru súrar eftir tapið gegn Frökkum
og vonbrigðin leyndu sér ekki. Guðbjörg Gunnarsdóttir
spilaði í markinu og fannst leikurinn nokkuð góður.
„Við lögðum upp með að spila hápressu og það
var óheppni að byrja með vindinum. Hann var
mjög stífur en svo lægði nánast í seinni hálf-
leik. Auðvitað hafði það áhrif. Við ætluðum að
reyna að skora þrjú mörk en skoruðu ekkert og
auðvitað eru það vonbrigði. Þó að við hefðum
haldið hreinu hefði það ekki skipt máli. Ég veit
ekki hvort það sé hægt að tala um að við höfum
brugðist, Frakkar eru með svo gott lið. En auðvitað
bregðumst við ef við töpum heima, hér á enginn
að vinna okkur,“ sagði Guðbjörg.
Hún fékk á sig mark þegar Frakkar fundu hana í
einskinsmannslandi. „Ég átti að spila mjög framar-
lega, sem aftasti varnarmaður í rauninni. Það gerði
ég. Þegar svona bolti kemur innfyrir stoppar vindurinn hann stund-
um og það gerðist þegar þær skoruðu. Ég ætlaði í boltann en hætti
við og þá var ég bara of framarlega,“ sagði markmaðurinn.
Rakel Hönnudóttir fór af velli í hálfleik eftir að hafa spilað vel
sem hægri bakvörður. „Auðvitað eru þetta vonbrigði fyrir okkur. Við
vorum að spila nokkuð vel og þetta var bara ágætt hjá okkur. Við
fengum hálffæri sem við hefðum getað nýtt betur,“ sagði Rakel sem
kann ágætlega við sig í „nýju“ stöðunni. „Þetta er ágætt, þetta er
fjórði leikurinn sem ég spila þarna svo ég er ekkert rosalega reynd.
En þetta voru ekki sterkustu andstæðingarnir sem ég hef mætt.”
Sif Atladóttir fannst íslenska liðið spila mjög vel. „Markmaður
þeirra varði nokkrum sinnum frábærlega. Það vantaði herslumun-
inn hjá okkur og þetta er alveg ógeðslega leiðinlegt. En svona er
fótboltinn. Stuðningur áhorfenda var frábær líka. Þetta er mjög sárt
en við sýndum að við eigum heima þarna á meðal þeirra bestu.
Það eru ekki allir sem standa svona vel í Frökkunum,“ sagði Sif.
ÍSLENSKU LANDSLIÐSTELPURNAR: TALA UM VONBRIGÐI Á VONBRIGÐI OFAN EFTIR TAPIÐ GEGN FRÖKKUM
Þetta er alveg ógeðslega leiðinlegt