Fréttablaðið - 28.09.2010, Blaðsíða 6

6 28. september 2010 ÞRIÐJUDAGUR
Ætlar þú að taka slátur?
JÁ 15,8%
NEI 84,2%
SPURNING DAGSINS Í DAG:
Hefur þú borðað þína eigin
bráð?
Segðu skoðun þína á visir.is
KÖNNUN Tæplega tveir af hverjum
þremur sem afstöðu tóku í skoðana-
könnun Fréttablaðsins vilja frekar
að aðlidarviðræðum við Evrópu-
sambandið verði lokið og málið lagt
í dóm þjóðarinnar.
Alls vildu 64,2 prósent þeirra
sem afstöðu tóku ljúka aðildarvið-
ræðunum og halda þjóðaratkvæða-
greiðslu um aðildarsamninginn
frekar en að draga umsókn um
aðild til baka. Um 35,8 prósent voru
þeirrar skoðunar að frekar ætti að
draga umsóknina til baka.
Afgerandi meirihluti stuðnings-
manna Samfylkingarinnar vill
ljúka aðildarviðræðunum, alls 83,8
prósent. Alls sögðu 16,2 prósent
þeirra sem sögðust myndu kjósa
Samfylkinguna ef gengið yrði til
kosninga nú að þeir vildu frekar
draga umsóknina til baka.
Hjá stuðningsmönnum Vinstri
grænna er einnig meirihluti fyrir
þeirri leið, og vildu 63,6 prósent
ljúka viðræðunum, en 36,4 prósent
draga umsóknina til baka.
Stuðningsmenn Sjálfstæðis-
flokksins eru klofnir í tvo svipað
stóra hópa í afstöðu sinni til spurn-
ingarinnar. Alls vildu 53,6 prósent
draga umsóknina til baka, en 46,4
prósent vildu ljúka aðildarviðræð-
unum og halda þjóðaratkvæða-
greiðslu um aðildarsamninginn.
Hlutföllin eru svipuð meðal
stuðningsmanna Framsóknar-
flokksins, þótt munurinn á hópun-
um sé ívið minni. Alls vilja 52,2
prósent þeirra sem sögðust myndu
kjósa flokkinn draga umsóknina til
baka, en 47,8 prósent vilja frekar
ljúka viðræðunum.
Ekki reyndist tölfræðilega mark-
tækt að reikna afstöðu fylgismanna
annarra framboða til spurningar-
innar.
Lítill munur var á afstöðu kynj-
anna til aðildarviðræðna. Alls vilja
65,1 prósent karla sem afstöðu tóku
ljúka viðræðunum, en 63,2 prósent
kvenna.
Hringt var í 800 manns fimmtu-
daginn 23. september. Þátttakend-
ur voru valdir með slembiúrtaki úr
þjóðskrá. Svarendur skiptust jafnt
eftir kyni, og hlutfallslega eftir
búsetu og aldri. Spurt var: Hvort
myndir þú heldur kjósa: 1) Að draga
til baka umsókn um aðild að Evrópu-
sambandinu, eða 2) Að ljúka aðild-
arviðræðum við Evrópusambandið
og halda þjóðaratkvæðagreiðslu um
aðildarsamninginn? Alls tóku 88,9
prósent afstöðu til þeirrar spurn-
ingar. brjann@frettabladid.is
Flestir vilja ljúka
viðræðum og kjósa
Næstum tveir af hverjum þremur landsmönnum vilja að aðildarviðræðum við
Evrópusambandið verði lokið og niðurstaðan lögð í dóm þjóðarinnar. Rúmur
þriðjungur vill frekar draga aðildarumsóknina til baka.
Tveir þriðju landsmanna vilja leggja aðild fyrir þjóðaratkvæði
Ljúka aðildar-
viðræðum
Draga
til baka
Spurt var: Hvort myndir þú heldur kjósa, að draga til baka umsókn um aðild að Evrópusambandinu, eða að ljúka aðildarvið-
ræðum við Evrópusambandið og halda þjóðaratkvæðagreiðslu um aðildarsamninginn?
Skipt eftir stuðningi við flokka
47,8%
52,2%
46,4%
53,6%
83,8% 16,2% 36,4%
63,6%
64,2% 35,8%
VENESÚELA, AP Þótt stuðningsmenn
Hugo Chavez, forseta Venesúela,
hafi náð ótvíræðum meirihluta
í þingkosningum um helgina, þá
eru þeir ekki lengur með yfir
75 prósent þingsæta, sem dugði
þeim til að keyra mótstöðulaust í
gegnum þingið svo til hvaða mál
sem þeim sýndist.
Þegar nánast öll atkvæði höfðu
verið talin var Sósíalistaflokkur
Chavez kominn með að minnsta
kosti 95 þingsæti, en bandalag
stjórnarandstöðuflokkanna hafði
fengið að minnsta kosti 61 sæti á
þinginu, sem skipað er 165 þing-
mönnum. - gb
Þingkosningar í Venesúela:
Chavez er ekki
lengur einráður
ÚRSLITUM FAGNAÐ Stuðningsmenn
forsetans ánægðir. FRÉTTABLAÐIÐ/AP
VIÐSKIPTI Gengi hlutabréfa í fær-
eyska bankanum Eik banka hrundi
um rúm fimmtíu prósent á dönsk-
um hlutabréfamarkaði klukku-
stund eftir upphaf viðskipta í gær
þegar greint var frá fjárhagsvanda
bankans í skugga afskrifta. Hér
féllu þau um 35 prósent. Þá tóku
bankastjórarnir Marner Jacobsen
og Bjarni Olsen poka sína ásamt
Frithleif Olsen stjórnarformanni.
Í tilkynningu til Kauphallarinn-
ar kemur fram að stjórnendur Eik
banka eigi í viðræðum við dönsk
fjármálayfirvöld þar sem ólík-
legt er að hann standist lágmarks
kröfur um eiginfjárhlutfall. Eftir-
litið gerir kröfu um mörg hundruð
milljónir danskra króna í afskrift-
ir áður en ríkisábyrgð fyrir dönsku
bankanna fellur úr gildi um mán-
aðamótin.
Viðræður standa yfir við tvo
fjárfesta um eiginfjárframlag, fær-
eyska tryggingafélagið TF Holding
og færeysku landstjórnina.
Eik banki er umsvifamesti banki
Færeyja en rekur stærsta net-
banka Danmerkur. Ákveðið hefur
verið að selja dönsku starfsemina,
að sögn danska dagblaðsins Bör-
sen. - jab
ÆÐSTU STJÓRNENDUR FARNIR Marner
Jacobsen bankastjóri og Bjarne Olsen,
formaður stjórnar Eik banka, hættu
báðir störfum í gær.
Gengi hlutabréfa í Eik banka hrundi um helming vegna fjárhagsvandræða:
Selja danska starfsemi sína Fjárfestingar og lánveitingar stjórn-enda Eik banka hafa ekki gengið
sem skyldi síðustu ár. Þungi þess
sem færa þarf úr bókum bankans
nú eru lán til fasteignaverkefna í
Danmörku og farið hafa illa. Bank-
inn átti 8,44 prósenta hlut í Spron
en varð að afskrifa 40 milljónir
danskra króna úr bókum sínum
í október 2008. Þá er bankinn
meðal helstu hluthafa færeyska
olíuleitarfélagsins Atlantic Petrol-
eum. Gengi bréfa í félaginu hefur
hrunið um tæp níutíu prósent síð-
astliðin tvö ár. Svipaða sögu er að
segja um hlutabréf Eik banka, sem
skráður er á hlutabréfamarkað hér
og í Kaupmannahöfn.
Tvö vond ár hjá Eik banka
ÍSRAEL, AP Mahmoud Abbas, forseti
Palestínustjórnar, sagði í Frakk-
landi í gær að stjórnin muni bíða
í að minnsta kosti viku þangað til
ákvörðun verður tekin um fram-
hald friðarviðræðna við Ísrael.
Palestínumenn höfðu sagt frið-
arviðræðunum sjálfhætt ef bygg-
ingaframkvæmdir ísraelskra land-
tökumanna myndu hefjast aftur á
herteknu svæðunum, en tíu mán-
aða framkvæmdabann rann út um
helgina.
„Við ætlum ekkert að bregðast
hratt við,“ sagði Abbas að loknum
fundi hans með Nicolas Sarkozy
Frakklandsforseta í gær. Fyrst
ætli hann að ræða málið við aðra
leiðtoga Palestínumanna, og síðan
muni þeir taka málið upp á fundi
Arababandalagsins næstkomandi
mánudag.
„Að þessum fundahöldum lokn-
um getum við lagt fram greinar-
gerð sem skýrir afstöðu Palest-
ínumanna og araba til þessa máls,
nú þegar Ísraelar hafa neitað að
banna landtökuframkvæmdir
lengur.“
Bæði Palestínumenn og Banda-
ríkjamenn höfðu lagt hart að Ísra-
elsstjórn að framlengja fram-
kvæmdabannið svo viðræðum
verði ekki stefnt í hættu. - gb
Palestínumenn ræða mál landtökumanna á fundi með Arababandalaginu:
Framhald friðarviðræðna í óvissu
DEILUR Ísraelskir landtökumenn hafa
komið sér fyrir á svæðum Palestínu-
manna og reist þar byggðir í stórum stíl,
með hervernd frá Ísrael. NORDICPHOTOS/AFP
Eldur í Hátúni
Eldur kom upp í ruslageymslu í
Hátúni 6 rétt fyrir klukkan fjögur í
gær. Allt tiltækt slökkvilið var kallað á
staðinn og gekk greiðlega að slökkva
eldinn. Í fyrstu var óttast að eldurinn
væri í þaki hússins enda tilkynntu
sjónarvottar um reyk frá þakinu.
LÖGREGLUFRÉTTIR
MADRÍD, AP ETA, aðskilnaðar-
hreyfing Baska, er sögð vilja
lýsa yfir varanlegu vopnahléi
þar sem erlendir vopnaeftirlits-
aðilar myndu koma við sögu.
Hreyfingin hefur ekki greint
frá því hvort eftirlitsaðilarnir
fái að fylgjast með hugsanlegri
eyðileggingu vopnabúrs þeirra.
ETA hefur engu að síður gefið
það í skyn að hreyfingin sé til-
búin að ganga lengra en að lýsa
eingöngu yfir vopnahléi. Fyrir
þremur vikum lýsti ETA yfir
sínu ellefta vopnahléi á síðustu
fjörutíu árum. Orðið „varanlegt“
bar þá aldrei á góma auk þess
sem samtökin ræddu ekki mögu-
leikann á að vopnabúri þeirra
yrði eytt. -fb
Aðskilnaðarhreyfing Baska:
Vill varanlegt
vopnahlé
KJÖRKASSINN