Fréttablaðið - 28.09.2010, Blaðsíða 19

ÞRIÐJUDAGUR 28. september 2010 3
Kynning
Elstu merki um búsetu í landi Kópavogs eru í botni
Kópavogs, norðan við ósa Kópavogslækjar, en þar
fannst jarðhýsi sem talið er að geti verið frá 9. öld.
Önnur forn bæjarstæði í landi Kópavogs eru Digra-
nes, Hvammur og Vatnsendi. Fyrsta ritaða heim-
ild um búsetu á Vatnsenda er frá 1234 en nafnið
Kópavogur kemur fyrst fram í heimildum árið 1523.
Heimild: www.is.wikipedia.org
„Við höfum upplifað á þessum
stutta tíma að greinileg þörf er
á þjónustu af þessi tagi, tölurn-
ar sýna það svo ekki verður um
villst,“ segir Hjalti Ómarsson,
annar framkvæmdastjóri Retor
tungumálaskóla í Kópavogi, sem
býður upp á sérsniðin námskeið
fyrir Pólverja.
Um fimmtán hundruð manns
hafa sótt sér þjónustu til skól-
ans á þeim tveimur árum síðan
hann var stofnaður af Anetu
Magdalenu Matuszewska, sem
starfar við hann bæði sem fram-
kvæmdastjóri og kennari. Þar af
eru atvinnuleitendur um helming-
ur að sögn Hjalta. „Við höfum átt
í mjög góðu samstarfi við Vinnu-
málastofnun síðastliðið ár um að
veita pólskum atvinnuleitendum
aðstoð við að fóta sig í samfélag-
inu, með íslenskukennslu, sjálfs-
styrkingu og kennslu í hvernig
best sé að bera sig að í þjónustu-
störfum en ákveðinn hluti nem-
endanna hefur mikinn áhuga á
að sinna þeim.“
Pólverja segir Hjalti almennt
vera mjög áhugasama um land
og þjóð. „Þetta er fróðleiksfúst
fólk, sem þyrstir í góða íslensku-
kennslu og samfélagsfræðslu.“
Tungumálið segir hann vefjast
þó fyrir mörgum, óháð því hversu
lengi viðkomandi hafi búið hér-
lendis. „Pólskan og íslenskan eru
náttúrlega svo gjörólík tungumál.
Til að gæta sanngirni er þó rétt
að benda á að sumir eru fljótir að
ná tökum á tungumálinu og tala
það næstum reiprennandi og vilja
kannski frekar bæta sig á öðrum
sviðum. Langflestir leggja sig
fram við að ná góðum árangri á
stuttum tíma.“
Hjalti segir nemendur vera
ánægða með námið. „Hingað
koma langflestir aftur í þeim til-
gangi að bæta við kunnáttuna, þar
sem þeim finnst námið þegar hafa
nýst sér mjög vel. Til að mynda
þeir sem vilja efla íslenskukunn-
áttuna enn frekar, en hér er boðið
upp á fjögur miserfið íslensku-
námskeið, sem fólk er duglegt
að nýta sér enda finnst því mik-
ilvægt að vera ekki áhorfendur
heldur þátttakendur í samfélag-
inu sem það býr í,“ segir hann og
vísar á vefsíðuna retor.is, þar sem
er að finna allar nánari upplýsing-
ar um starfsemi skólans, svo sem
þau námskeið sem verða í boði í
vetur og fleira.
Vel tekið á móti Pólverjum
Retor tungumálaskóli sérhæfir sig í íslenskukennslu, sjálfsstyrkingu og fleiru fyrir Pólverja. Um fimmtán
hundruð manns hafa nýtt sér þjónustuna síðustu tvö ár og þar af eru atvinnuleitendur um helmingur.
Hjalti Ómarsson og Aneta Matuszewska reka Retor tungumálaskóla sem býður upp
á sérsniðin námskeið fyrir Pólverja. „Þetta er fróðleiksfúst fólk, sem þyrstir í góða
íslenskukennslu og samfélagsfræðslu,“ segir Hjalti. FRÉTTABLAÐIÐ/GVA
Útivistarsvæði í Kópavogi eru fjöl-
mörg og mikið notuð af bæjarbú-
um sem og íbúum í nærliggjandi
sveitarfélögum enda miklir mögu-
leikar.
Gönguleiðir eru margar um
þveran og endilangan Kópavoginn.
Upplýstur aðalstígur er meðfram
Kópavogslæk norðanverðum en
hann myndar samfellda gönguleið
frá Kársnestá, meðfram strönd-
inni, inn dalinn og upp í Mjódd.
Eitt best nýtta útivistarsvæði höf-
uðborgarsvæðisins er svo Foss-
vogsdalur en bæjarmörk Kópa-
vogs og Reykjavíkur eru að mestu
í farvegi Fossvogslækjar og um 60
hektarar Fossvogsdals tilheyra því
Kópavogsbæ. Göngustígar liggja
þvers og kurs um Kópavogsbæ og
eru göngur og hjólreiðar stundað-
ar þar á sumrin og margir draga
fram gönguskíðin á veturna. Anda-
pollurinn í Kópavogsdalnum trekk-
ir líka marga að og upplagt að fara
í hjólreiðatúr að pollinum til að
gefa öndunum brauð.
Annað ljómandi gott útivistar-
svæði í Kópavogi er fagur trjá-
lundur sem er fyrir ofan hest-
húsabyggðina Heimsenda og
Guðmundur Halldór Jónsson,
fyrrverandi forstjóri og stofnandi
Byko, gaf Skógræktarfélagi Kópa-
vogs árið 1997. Útivistarsvæði er
neðst í lundinum með lítilli tjörn
og nóg er af borðum og bekkjum
meðfram stígunum inni í lundin-
um.
Við Kársnesströnd eru svo
spennandi fjörur, sandfjara, þang-
fjara og hnullungafjara, með fjöl-
skrúðugu fuglalífi en Kársnes-
ströndin er 4 kílómetrar að lengd
með fögru útsýni til allra átta.
Að lokum má nefna að forvitn-
ir álfaáhugamenn geta kynnt sér
álfabyggð í Kópavogi og staði sem
eru rammtengdir fornum sögn-
um og munnmælum en Kópavogs-
búar hafa lagt áherslu á að reyna
ekki að spilla slíkum svæðum. Af
þekktustu álfabústöðum í Kópa-
vogi má nefna Álfhólinn sem er
sunnanvert við Álfhólsveg skammt
frá Digranesskóla en hóllinn nýtur
bæjarverndar sem bústaður álfa.
Borgarholt er einnig frægur
byggðastaður álfa og er holt-
ið þar sem Kópavogskirkja
stendur.
- jma@frettabladid.is
Útivera og álfabústaðir
Fjölskyldur í leit að afþreyingu utandyra ættu ekki að vera í vandræðum með að finna sér sitthvað til
dundurs í Kópavogi. Útivistarsvæði eru mörg og sögurnar í kringum holt og hæðir oft ævintýralegar.
Göngustígar liggja þvers og kruss um Kópavoginn.
Löngum hefur Borgarholt, holtið í kringum Kópavogskirkju, verið talið bústaður álfa.
Holtið er sérlega fallegt í ljósaskiptunum. FRÉTTABLAÐIÐ/GVA
Hvaða götu ætlar þú að taka?
Við tökum Hamraborgina””
Landssöfnun Rauða krossins laugardaginn 2. október
1. Mættu á söfnunarstöð í þínu hverfi
(taktu einhvern með þér - það er miklu skemmtilegra)
2. Þar færðu bauk og götu til að ganga í
(þetta er kannski u.þ.b. klukkutíma göngutúr)
3. Þú skilar aftur bauknum á söfnunarstöðina
(endurnærður á líkama og sál)
Hvað á ég að gera?
Rauðakrosshúsið Hamraborg 11 Sími: 554 6626 kopavogur@redcross.is raudikrossinn.is/kopavogur
Frítt í sund
fyrir alla sjálfboðaliða
sem ganga
Kæri Kópavogsbúi
Laugardaginn 2. október stendur Rauði kross Íslands fyrir landssöfnuninni
Göngum til góðs til styrktar hjálparstarfi í Afríku. Göngum til góðs fyrir
okkur sjálf og ekki hvað síst fyrir þá þem þurfa á hjálp okkar að halda.
Barnabílstólar
og kerrur