Fréttablaðið - 28.09.2010, Blaðsíða 22
28. SEPTEMBER 2010 ÞRIÐJUDAGUR2 ● fréttablaðið ● heilsa
●GÖMUL RAFTÆKI ENDURNÝTT Átak um endurnýtingu gam-
alla raftækja til styrktar SAFT, vakningarátaki um örugga tækninotkun
barna og unglinga á Íslandi, stendur nú yfir. Að átakinu standa Græn
framtíð og Vodafone. Hægt er að skila inn notuðum gsm-símum í versl-
anir Vodafone en Græn framtíð annast flutning tækjanna til vottaðra
endurnýtingafyrirtækja víða um heim sem greiða fyrir tækin.
Markmiðið með samstarfinu er að efla umhverfisvitund og stuðla að
almennri
endur-
nýtingu
og endur-
vinnslu á
raftækjum hér
á landi en með
endurnýtingu
hluta úr gömlum
tækjum má búa til
heilt tæki með litl-
um tilkostnaði. Tækin
eru til dæmis seld
til þróunarlanda fyrir
brot af upphaflegu verði.
Með átakinu vill Vodafone
einnig fylgja eftir WEE, tilskipun
Evrópusambandsins um rétta
meðhöndlun á rafeindaúrgangi.
„Mig langaði að leggja meira á
mig til styrktar baráttunni gegn
brjóstakrabbameini og lagðist
undir feld til að upphugsa hvað
mundi virkilega reyna á mig. Ég
vissi að tíföld Esjuganga sama
daginn mundi reynast leikur einn
þar sem ég starfa við hreyfingu,
en komst að þeirri niðurstöðu að
erfiðast yrði að ganga í sömu skóm
í heilan mánuð,“ segir Guðný Ara-
dóttir, einn af stofnfélögum styrkt-
arfélagsins Göngum saman og
göngustjóri félagsins.
„Aðal fjáröflunarganga okkar
var 5. september og að göngu lok-
inni reimaði ég á mig flatbotna,
neonbleika trampara til áheita
fyrir grunnrannsóknir brjósta-
krabbameins. Mér líður annars
best á hælaskóm og bíð í ofvæni
eftir að komast á hælana aftur,“
segir Guðný sem sótt hefur alla
viðburði á bleiku trömpurunum
undanfarnar vikur; jafnt vinnu
sem félagslíf og útivist.
„Sumir hafa sagt mér að fara í
hælaskó þegar heim kemur og eng-
inn sér, en það hvarflar ekki að
mér. Því hefur það verið dásamleg
upplifun að sjá upplit á fólki þegar
ég hef mætt uppáklædd í spari-
kjól og trömpurunum við, en þetta
ákvað ég að gera og stend með því
framtaki,“ segir Guðný sem keypti
skóna í 38 þrepum fyrir þremur
árum. „Liturinn kallaði til mín og
gott að klæðast þeim í snjó, enda
týnist maður ekki í þeim,“ segir
hún hlæjandi.
Viðtökur við þessu frumlega
framtaki Guðnýjar hafa verið
góðar og hafa nú safnast vel á
annað hundrað þúsund, þrátt
fyrir að hún hafi bara sagt frá því
á Facebook.
„Margir spyrja út í skóna og
hafa þá brugðist við áheitinu. Nú
í vikunni ætla ég að þjálfa innan-
húss í Laugum og þá ætla margir
að tvöfalda áheit sín,“ segir Guðný
sem fer loks úr skónum eftir slétta
viku, en þá er kominn bleikur októ-
ber, sem helgaður er baráttu gegn
brjóstakrabbameini. „Brjósta-
krabbamein varðar okkur öll og
góð tilfinning að geta lagt meira á
vogarskálarnar,“ segir Guðný sem
leiðir gönguhóp Göngum saman
öll mánudagskvöld klukkan 20 frá
Laugum, þar sem öllum er velkom-
ið að slást í hópinn.
Áheitareikningur „Í sömu skóm“
er: 372-13-304102, kt: 650907-1750.
Áheit fara beint í styrktarsjóð
Göngum saman. - þlg
Heilan mánuð í
sömu skónum
Guðný Aradóttir á röltinu í neonbleiku trömpurunum sem hún klæðist til söfnunar
áheita til grunnrannsókna á brjóstakrabbameini. FRÉTTABLAÐIÐ/GVA
Strákar flykkjast í breikdans
sem aldrei fyrr á þessu hausti
og hipp hopp er vinsælt hjá
þeim líka, bæði hipp hopp af
gamla skólanum og nýrri út-
færslur. Þetta segir Nanna Ósk
Jónsdóttir, framkvæmdastjóri
DanceCenter, Reykjavík.
„Við höfum orðið vör við stórauk-
inn áhuga bæði yngri og eldri
drengja á breiki og hipp hoppi und-
anfarið,“ segir Nanna Ósk og telur
skýringuna meðal annars liggja í
miklum vinsældum sjónvarpsþátt-
anna So you think you can dance.
„Dansmyndin Step up, sem er með
stórkostlegum dansatriðum, á ör-
ugglega líka sinn þátt. Þar eiga
strákar alveg helminginn í dans-
sýningunum og slíkt hefur mikil
áhrif.“
Nanna hefur kennt dans í ára-
raðir að eigin sögn og stofn-
aði DanceCenter fyrir þremur
árum. Hún hefur kennt þar síðan
auk þess að vera í mastersnámi í
markaðsfræði og alþjóðaviðskipt-
um. „Við höfum sérhæft okkur í
því sem heitir jazz funk, street og
hipp hopp og höfum fylgt tísku-
straumum. Kennslan hefur frá
upphafi verið í íþrótta- og sýning-
arhöllinni í Laugardal en er nú líka
komin í Sjálandsskóla í Garðabæ
þar sem sérútbúinn danssalur er
fyrir hendi. Þar er alger spreng-
ing í áhuga drengja á dansi og það
kemur skemmtilega á óvart,“ lýsir
hún.
Auk þess sem Nanna finnur
fyrir nýjum straumum í faginu,
telur hún suma dansa sem nutu
hylli fyrir nokkrum árum vera
að koma aftur. Þar á meðal „old
school hip hop“ sem var vinsælt
fyrir tíu til fimmtán árum. „Síðan
eru atriði úr fimleikunum sem
heita „parkour“ og „free running“
sem blandast skemmtilega saman
við breik, old school hip hop og
þetta nýja. Þetta eru kraftmiklir
dansar og henta strákunum mjög
vel,“ lýsir hún. En hvað um stelp-
urnar, eru þær í þessum sömu
dönsum líka? „Já, já, þær eru mjög
virkar í jazz funk og street og það
er gaman að sjá að þær koma líka
sterkar inn í breikið og þetta allt
saman.“
Nanna hefur lagt rækt við
barnaflokka í dansskólanum. Hún
tekur börnin inn allt frá þriggja
ára aldri, meðal annars í klassísk-
an ballett. „Sköpunarþörf barna
fær útrás í dansi og það er svo
gaman að virkja hana enda teng-
ist hún gleðinni,“ segir hún. „Mörg
börn eru tónelsk og taktviss og
byrja lítil að dilla sér eftir hljóð-
falli,“ segir hún og kveðst leggja
áherslu á að virkja unga fólkið al-
mennt í dansi. - gun
Sköpunarþörf barna fær
útrás í margs konar dansi
Breikið eflir fimi, kraft og jafnvægislist og er vinsæll dans hjá strákunum. FRÉTTABLAÐIÐ/ANTON