Afmælisblað Knattspyrnufélags Reykjavík 1899 - 1939 - 01.01.1939, Blaðsíða 24

Einar S. Guðmundsson sigraði óvænl
i 800 m. m. hlaupi og hinn 17 ára
gamli Anton sigraði í fimtarþraut i
forfölium Kristjáns, sem meiddist. Og
boðhlaupssveitin sigraði eins og fyrri
daginn. — 5 KR-ingar kepptu í bæja-
keppninni í Eyjum og stóðu sig hver
öðrum betur, og setti Óskar Sæmunds-
son nýtt met í sleggjukasti, 39.05 m. —
Á meistaramótinu hlaut K.R. 13 meist-
arastig. Sveinn og Kristján urðu þre-
faldir meistarar og setti Kristján nýtt
met í kúluvarpi (13.74). Sverrir varð
tvöfaldur meistari, en „einfaldir“ urðu
Jóhann Bernhard, Haukur Einarsson
og Vilhjálmur Guðmundsson (i sleggju-
kasti). K.R. vann og bæði boðhlaupin.
— Magnús Guðbjörnsson sigraði í Ála-
fosshlaupinu og Jón H. Jónsson hlaut
2. verðl. — Drengjamótið vanst glæsi-
lega. Ungur og efnilegur KR-ingur, Sig-
urður Finnsson, setti 4 ný og glæsileg
drengjamet, og hlaut flest stig á mót-
inu. Þeir Anton og Guðbjörn sigruðu
hvor í 2 greinum. Sex KR-ingar kepptu
i bæjakeppni drengja og stóðu sig vel.
— Á innanfélagsmótinu sigraði Krist-
ján í 5 greinum og setti met í kúluvarpi
beggja handa (22.45). Sverrir sigraði i
4 greinum, Sigurður Finnsson í 3, og
Georg E. Sveinsson og Magnús Guð-
björnsson í 2. í drengjamótinu skiir-
uðu þeir Sigurður, Anton og Guðbjörn
fram úr og setti Sigurður drengjaniet í
kúluvarpi (16.49), og Haukur Hvann-
berg í hástökki (1.60). Meðal yngri
drengjanna skaraði Gunnar Huseby
fram úr og setti 4 met. — Sveinn Ing-
varsson hlaut Meistaramótsbikarinn
fyrir besta afrek Meistaramótsins (11.0
i 100 m. hl.) og Afreksbikar K.R. fyr-
ir að hlaupa 100 m. á 10.9 sek. á Alls-
herjarmótinu, — og lýkur þar með
þessari „stuttu“ upptalningu.
Eins og þeir sjá, sem nenna að lesa
þetta brot úr iþróttasögu K.R., hefur
félagið, frá þvi að vera byrjandi i
frjálsum íþróttum, unnið sig upp í það
að verða besta íþróttafélag landsins, og
halda því virðingarheiti í samfleytt 11
ár, eða frá 1928 óslitið. Á þessu ævi-
skeiði hefur félagið unnið 10 Víða-
vangshlaup af 18 og tekið tvo bikara
til eignar, unnið 12 Drengjahlaup af
16 og tekið alla (4) bikarana til eign-
ar, öll Allsherjarmót frá og með 1928,
8 Drengjamót af 14, og hlotið 80 meist-
arastig af 193. Til samanlnirðar má geta
þess, að K.V. hefur hlotið 38 meist-
arastig, Ármann 37, f.R. 28, en önnur
félög aðeins örfá. KR-ingurinn ólafur
Guðmundsson er sá íþróttmaður þessa
lands, sem flest meistarastig hefur hlot-
ið, eða 14 alls. Þá kemur Kristján Vatt-
nes með 13, og Karl Vilmundsson úr
K.V. og Ármann með 10. Sveinn Ing-
varsson hefur hlotið 9, ásamt tveim
öðrum, Ingvar Ólafsson 8, Garðar S.
Gíslason 7, og Geir Gígja og Sverrir
Jóhannesson 5. En auk þeirra hafa
margir KR-ingar færri meistarastig.
Sá maðurinn, sem mest og best hcf-
ur unnið að þessum viðgangi K.R. í
frjálsum iþróttum er Kristján L. Gests-
son. Hann á frumkvæðið og byrjunina
og hann kemur þessum hvítvoðung fé-
lagsins á legg og sleppir ekki af hon-
um héndinni fyr en hann er fullkom-
lega sjálfbjarga. — Hann hefur hafl
brennandi áhuga á þessu máli, þvi að
öðru visi fæ ég ekki skilið liin geysi-
legu afrek hans í þágu félagsins. Krist-
ján er enginn meðalmaður, það vitum
við KR-ingar mætavel. En verk hans
er furðulegt, næstum ótrúlegt. Hann
ekki aðeins hvatti til þessarar byrjun-
ar og undirbjö hana, heldur var hann
líka sjálfur aðalkeppandinn lengi fram-
an af og lengst af æfingastjórinn. Auk
þess var hann á þeim árum einn aðal-
knattspyrnumaður félagsins, formaður
þess og fjáraflamaður, og frístundirnar
hans á þessum árum, sem ekki hafa
farið í K.R., eru áreiðanlega léttreikn-
aðar. í stuttu máli: Hann var K.R.
Sem litinn en þó virðingarvott fyrir
hið fjölþætta og giftudrjúga brautryðj-
andastarf Kristjáns Gestssonar fyrir
frjálsum íþróttum i K.R., var hann af
íþróttanefnd félagsins 1937 sæmdur
heiðursmerki, silfurkrossi með KR-
merkinu í úr gulli.
Mættum vér eignast marga slíka for-
ystumenn sem Kristján L. Gestsson!
Betri ósk á ég ekki' félagi minu til
handa.
ERTU SANNUR ÍÞRÓTTAMAÐUR?
Til keppanda:
1. Leikur þú knattspyrnu vegna íþrótt-
arinnar sjálfrar?
2. Leikur þú fyrir flokk þinn, en ekki
fyrir sjálfan þig?
3. Hlýðir þú skipunum fyrirliða þíns
án möglunar?
4. Hlýðir þú úrskurði dómarans, án
andmæla?
5. Kantu að sigra, án þess að það
stígi þér til höfuðs, og að tapa án
þess að verða óánægður?
6. Vildir þú heldur tapa en að sigra
óheiðarlega?
Ef svo er, þá getur þú orðið sannur
íþróttamaður.
Til áhorfanda:
1. Neitarðu að viðurkenna fallegan
leik móstöðumanna þinna?
2. Sendirðu dómaranum tóninn, þeg-
ar þér ekki líkar ákvörðun hans?
3. Viltu að þitt lið vinni, jafnvel að
óverðskulduðu?
4. Sækistu eftir að rífast við áhorf-
endur, sem ekki fylgja sama liði
og þú.
Ef svo er, þá ertu ekki sannur íþrótta-
maður. Reyndu að verða það!
22