Fréttablaðið - 08.11.2010, Blaðsíða 35
MÁNUDAGUR 8. nóvember 2010 15
Norræna bókasafnsvikan er nú
haldin hátíðleg í fjórtánda sinn
í bókasöfnum um land allt og í
nágrannalöndunum.
Dagskráin er fjölbreytt að vanda
þar sem lesnir verða textar út frá
þemanu fantasía og töfrar í nor-
rænum bókmenntum og ýmis
atriði því tengd verða í boði.
Textar ársins eru Låt den rätte
komma in eða Hleyp þeim rétta
inn eftir sænska rithöfundinn John
Ajvide Lindqvist, Völuspá, Dóttir
ávítarans eftir dönsku skáldkon-
una Lene Kaaberbøl og Sagan af
bláa hnettinum eftir rithöfundinn
Andra Snæ Magnason.
Tilgangur Norrænu bókasafns-
vikunnar er að glæða hina gömlu
norrænu sagnahefð lífi og er sami
texti lesinn upp á sama tíma í
öllum bókasöfnunum. Allt að 100
íslensk bókasöfn eru skráð til þátt-
töku í ár og alls eru þau um 1.500 á
Norðurlöndunum og í Eystrasalts-
ríkjunum.
Þess má geta að upphaf bóka-
safnsvikunnar markaði jafnframt
lok norrænu listahátíðarinnar Ting
í Reykjavík.
Allar nánari upplýsingar um
Norrænu bókasafnsvikuna, þema
og texta vikunnar má nálgast á
www.bibliotek.org/ - jbá
Fantasía og töfrar í bókmenntum
Tríóið VEI, sem skipað er Valgerði
Andrésdóttur píanóleikara, Einari
Jóhannessyni klarínettuleikara og
Ingibjörgu Guðjónsdóttur sópran-
söngkonu, býður til tónlistarveislu
í samvinnu við Listasafn Reykja-
víkur á Kjarvalsstöðum á miðviku-
dag klukkan 20.
Þau munu þar flytja einleiks-
og kammerverk eftir Stravinskí,
Rachmaninoff, Glinka, Lutoslaw-
ski og Schubert. Gestaspilari á tón-
leikunum er fagottleikarinn Rúnar
Vilbergsson.
Tónleikarnir hefjast klukkan
20 og miðinn kostar 1.500 krón-
ur, en 500 krónur fyrir nemendur,
öryrkja og eldri borgara. - fsb
VEI spilar á
Kjarvalsstöðum
VEI Tríóið dregur nafn sitt af upphafs-
stöfum liðsmannanna, Valgerðar, Einars
og Ingibjargar. FRÉTTABLAÐIÐ/RÓBERT
Vínþjónasamtök Íslands hafa und-
anfarin sex ár afhent Gyllta glas-
ið, verðlaun sem vín fá sem hafa
verið smökkuð blint af vínþjónum
og fagfólki.
Að þessu sinni var dómnefnd
öflugri en ella því bestu vínþjónar
Norðurlanda og forsetar Vínþjóna-
samtakanna á Norðurlöndum, sem
voru staddir hér á landi fyrir Norð-
urlandamót vínþjóna, tóku þátt.
Þau vín sem máttu keppa um
Gyllta glasið urðu að uppfylla viss
skilyrði. Þau áttu að vera í verð-
flokki frá 1.790 kr. til 3.000 kr. og
máttu koma frá öllum heiminum.
120 vín skiluðu sér og voru
blindsmökkuð. Fimmtán vín hlutu
Gyllta glasið, fimm hvít og tíu rauð.
Þau þykja gefa ágætis mynd af því
besta sem fæst á landinu. Gyllta
glasið gildir svo um þann árgang
sem dæmdur var en vínin eru
merkt með límmiða í Vínbúðum.
Vínþjónasamtökin verða með boð
í dag á Dill Restaurant í Norræna
húsinu, milli klukkan 17 og 18. Þar
er hægt er að smakka vínin sem
hlutu Gyllta glasið. Tilkynna þarf
þátttöku fyrirfram.
Fimmtán vín
fá Gyllta glasið
RAUÐVÍN Fimmtán vín hlutu Gyllta
glasið í blindsmökkun.
Borgartúni 37 | 105 Reykjavík | Sími 516 1000 | skyggnir.is
ISO 27001
Umvafin öryggi
hjá sérfræðingum Skyggnis
Hafðu samband við söluráðgjafa Skyggnis til að fá
frekari upplýsingar.
Síminn er 516 1000 og netfangið: sala@skyggnir.is
Gögnin mín eru örugg
því Skyggnir tryggir mér:
MIKIL ÞÁTTTAKA Allt að
100 íslensk bókasöfn
taka þátt í Norrænu
bókasafnsvikunni.