Fréttablaðið - 08.11.2010, Blaðsíða 46

26 8. nóvember 2010 MÁNUDAGURSJÓNVARPSÞÁTTURINN
ÓHRÆDD Hlín hefur slegið í gegn með hispurslausum bloggfærslum um samskipti kynjanna. Hún segir ýmislegt mega betur fara
í íslenskri stefnumótamenningu – eða ómenningu eins og hún kallar hana stundum. FRÉTTABLAÐIÐ/VALLI
„Við ætlum að búa til stelpupartí.
Þar sem stelpur eru með stelpum
og ekkert er bannað,“ segir Hlín
Einarsdóttir, ritstjóri vefmiðils-
ins Bleikt.is, sem opnar á næstu
vikum.
Hlín vinnur nú að opnun Bleikt.
is, en vefurinn verður fyrst og
fremst ætlaður konum. Hún tekur
þó fram að karlmenn muni ekki
síður hafa gagn af vefnum þar
sem þeir geti séð það sem konur
tala um þegar þeir eru víðsfjarri.
„Konur hafa mikinn áhuga á
kynlífi og karlmönnum. Þær sem
segjast ekki hafa áhuga á því eru
að ljúga,“ segir Hlín, sem er 33 ára
tveggja barna móðir og starfaði
áður sem net- og dreifingarstjóri
bókaforlagsins Sölku. „Karlmenn
grunar ekki hversu svakalega
frjálslegar við erum. Ef það kemur
einn gaur í partíið þá breytist allt.
Við elskum svona partí og stefnan
er að það sé ekkert tabú og ekkert
bannað.“
Aðspurð hvort kynlíf verði
áberandi á vefnum segir Hlín svo
vera. „Það er mikilvægt að konur
séu meðvitaðar um kynferði sitt
og séu stoltar af því. Við þurf-
um ekki að berjast fyrir réttind-
um kvenna, við erum konur með
réttindi,“ segir hún.
Hlín byrjaði að skrifa pistla
á Pressunni í byrjun sumars og
hefur síðan þá vakið mikla athygli.
Hún er óhrædd við að tjá sig um
samskipti kynjanna á hispurs-
lausan hátt og hefur meðal ann-
ars skrifað um það sem konur
þola ekki við karlmenn og atriði
sem drepa möguleikann á öðru
deiti eftir það fyrsta. Þá vakti pist-
ill hennar um kynþokka og greind
kvenna gríðarlega athygli.
Á síðunni þinni eru ýmis ráð
í sambandi við stefnumót sem
maður hefði haldið að væru
almenn skynsemi. Erum við í rugl-
inu að þessu leyti?
„Svolítið mikið. Mér finnst að
íslensk deitmenning mætti batna.
Það mætti ýmislegt breytast.“
En hvar lærðir þú? Bjóstu
erlendis eða býrðu yfir mikilli
reynslu af deitmenningunni á
Íslandi?
„Ég þekki mikið af fólki sem
hefur búið erlendis og þar virð-
ast vera allt aðrar reglur en eru
í gangi hér. Ég var gift í 10 ár,
kom svo út á markaðinn og var í
raun steinhissa á því hversu van-
þróuð, stíf og ruglingsleg þessi
menning, eða ómenning eins og
ég kalla hana stundum, er. Hér fer
fólk mikið á fyllerí til að kynnast
fólki eða sofa saman og þetta er
eitthvað svo sorglegt. Með síðunni
ætlum við að breyta þessu.“
atlifannar@frettabladid.is
HLÍN EINARSDÓTTIR: UNDIRBÝR STELPUVEF ÞAR SEM EKKERT ER BANNAÐ
Konur hafa mikinn áhuga
á kynlífi og karlmönnum
„How I Met Your Mother eru
í uppáhaldi hjá mér. Þeir eru
mjög fyndnir og eiginlega bara
nýju Friends. Cougar Town
finnst mér líka góðir − svona
virkilega steiktur gamanþáttur
sem ég get endalaust hlegið að.“
Guðrún Dögg Rúnarsdóttir, ungfrú Ísland
2009.
„Þetta var rosaleg lífsreynsla.
Við vorum að upplifa nýja hluti
á hverjum einasta degi,“ segir
Fanney Ingvarsdóttir, ungfrú
Ísland. Hún er nýkomin heim
eftir að hafa tekið þátt í keppn-
inni Ungfrú heimur í Kína.
Fanney dvaldi í einn mánuð í
Kína. Hún komst ekki áfram í
úrslitin en er ekkert svekkt yfir
því. „Við stelpurnar töluðum um
hver við héldum að gæti unnið og
margar af þessum ákvörðunum
komu á óvart. Ég fékk að heyra
það frá fullt af stelpum að ég
yrði í topp 25. En lokakvöldið var
ógeðslega skemmtilegt og rosa-
lega góður endir á góðri ferð.“
Fanney kynntist ungfrú Bret-
landi mjög vel í Kína og ætlar að
heimsækja hana á næsta ári. „Við
náðum voða vel saman og hún er
þvílíkt yndisleg stelpa. Hún býr
rétt fyrir utan London og ég hef
aldrei komið til London.“
Hún segir að það hafi komið
sér á óvart hversu lítið kepp-
endurnir þekktu til Íslands. „Ég
þurfti að sýna öllum á landakorti
hvar Ísland væri. Ég var hálf-
móðguð, verð ég að segja.“
- fb
Fékk menningarsjokk í Kína
SÉRFRÆÐINGUR
Ásdísi býðst til
að heimsækja
vinkonuhópa og
saumaklúbba
landsins og gefa
persónulegar
ráðleggingar
varðandi útlit og
heilsu.
KOMIN HEIM Fanney Ingvarsdóttir er
komin heim til Íslands eftir mánaðar-
dvöl í Kína. FRÉTTABLAÐIÐ/VALLI
„Ég næ yfirleitt ekki að svara öllum þeim
fyrirspurnum sem ég fæ í pósthólfið mitt
og ákvað því að bjóða upp á svona þjónustu
til að gefa konum kost á að hitta mig per-
sónulega og spyrja mig ráða,“ segir Ásdís
Rán fyrirsæta en hún kemur til landsins í
lok nóvember og býður sig fram til að heim-
sækja saumaklúbba og vinkonuhópa lands-
ins og gefa góð ráð um allt milli himins og
jarðar.
„Þetta er fræðsla, kennsla og ráðgjöf fyrir
skvísur á öllum aldri. Ég ætla að vera með
sýnikennslu og gefa mér tíma til að sinna
hverri og einni eftir bestu getu,“ segir Ásdís
og bætir við að hún fái hinar ýmsu spurn-
ingar inn á borð til sín. „Vinsælustu fyrir-
spurnirnar sem ég fæ eru hvernig ég laga
á mér hárið, mataræðið, rassæfingarnar og
hvernig ég held mér í formi. Ég tel mig vera
sérfræðing í þessu öllu,“ segir Ásdís Rán, en
þjónustan kostar milli 7-10 þúsund krónur á
mann. „Það er bara svipað verð og ráðgjafar
og einkaþjálfarar eru að taka en ég stoppa
í nokkra klukkutíma og gef góð ráð. Þetta
verður svona kósý kvöld með góðu spjalli,“
segir Ásdís, sem er nýflutt til München í
Þýskalandi þar sem eiginmaður hennar
Garðar Gunnlaugsson spilar knattspyrnu.
„Mér líst ágætlega á þetta. Við búum í nota-
legu fjölskylduhverfi og krakkarnir eru
mjög ánægðir hérna,“ segir Ásdís. Hægt
er að senda henni pantanir og fyrirspurnir
varðandi ráðgjafakvöld Ásdísar á netfangið
asdis@model.is. - áp
Ásdís Rán mætir í saumaklúbba landsins
Dvöl finnska rithöfundarins Sofi Oksanen á Íslandi hefur
vakið mikla athygli en hún var stödd í Reykjavík til að veita
bókmenntaverðlaunum Norðurlandaráðs viðtöku. Sofi var
síðan í viðtali á Rás 2 þar sem Linda Blöndal hugð-
ist spyrja hana spjörunum úr en þeirra spjall varð
heldur stutt og skorinort því Sofi húðskammaði
Lindu í beinni útsendingu. Og fékk bágt fyrir hjá
fjölmörgum netverjum sem á hlustuðu og tóku
upp hanskann fyrir útvarpskonuna.
Silja Aðalsteinsdóttir, fyrrum ritstjóri Tímarits Máls og
menningar, fór með Sofi og unnusta hennar út á Reykjanes.
Og í Reykjanesbæ var henni tekið sem rokkstjörnu, íbúarnir
jafnvel föðmuðu Finnann að sér. Sem tók ágætlega í atlot
þeirra. Í Grindavík voru einhverjir unglingsdrengir hrifnastir
af hárinu hennar og reyndu að kasta í hana snjóboltum
með ekki betri árangri en svo að þeir lentu í hárinu á Silju.
Silja aðstoðaði Sofi og manninn hennar
við að skipuleggja smá ferðalag út
á landsbyggðina. Þau leigðu sér bíl
og skoðuðu meðal annars Gullfoss,
Geysi, Húsafell og Snæfellsnes. Sofi
fór síðan af landi brott í gær en
samkvæmt heimildum Fréttablaðsins var hún hæstánægð
með dvölina hér á landi, ólíkt því sem margir kynnu að
halda. - fgg
FRÉTTIR AF FÓLKI
Auglýsingasími