Fréttablaðið - 30.11.2010, Side 11

ÞRIÐJUDAGUR 30. nóvember 2010 11
LÖGREGLUMÁL Ungur maður hefur verið
úrskurðaður í gæsluvarðhald til 22. desem-
ber. Hann hefur undanfarin misseri farið
hamförum við innbrot í sumarbústaði og
verið óstöðvandi þrátt fyrir að lögregla hafi
margoft haft afskipti af honum.
Mikil innbrotahrina í sumarbústaði á
Suðurlandi hefur riðið yfir á síðustu mánuð-
um. Lögreglustjórinn á höfuðborgarsvæðinu
bauð lögreglunni á Selfossi samstarf embætt-
anna í að stöðva innbrotin. Snemma á föstu-
dagsmorgun þegar lögreglumenn voru í eftir-
litsferð urðu þeir varir við kyrrstæða bifreið
á Búrfellsvegi í Grímsnesi. Bifreiðinni var
ekið af stað og lögreglumenn fylgdu henni
eftir. Skömmu síðar sást að hlutum var kastað
út úr bifreiðinni. Þegar bifreiðin hafði verið
stöðvuð kom í ljós að í henni voru tveir ungir
menn. Annar þeirra, maður um tvítugt, var
þekktur af fjölda innbrota í Árnessýslu síðast-
liðið vor, eins og Fréttablaðið hefur fjallað
um. Mennirnir höfðu losað sig við flatskjá
og fleira eftir að eftirförin hófst. Þeir voru
handteknir og fluttir á lögreglustöðina á Sel-
fossi og færðir í fangageymslu. Þeir höfðu um
nóttina brotist í fjóra bústaði við Álftavatn og
Sogið. Annar mannanna játaði innbrotin en
hinn, sem nú sætir síbrotagæslu, neitaði. - jss
SUMARBÚSTAÐIR Mörg sumarbústaðahverfi hafa orðið
fyrir barðinu á innbrotsþjófum.
Ungur maður sem ítrekað hefur brotist inn í sumarbústaði handtekinn:
Úrskurðaður í gæsluvarðhald vegna innbrota
TÆKNI Tryggingastofnun hefur
opnað síðu á samskiptavefnum
Facebook.
Þar með bætist við leið til að
koma upplýsingum um almanna-
tryggingakerfið á framfæri, en
auk þess koma þar fram tilkynn-
ingar um það sem hæst ber hjá
stofnuninni hverju sinni.
Til að fylgjast með fara notend-
ur á Facebook-síðuna og smella á
„Líkar við“ hnappinn. - þj
Tileinka sér tækninýjungar:
Tryggingastofn-
un á Facebook
VIÐSKIPTI Stjórn Lífeyrissjóðs
verkfræðinga hefur ráðið Auði
Finnbogadóttur
í stöðu fram-
kvæmdastjóra
og hefur hún
störf á morgun.
Auður
útskrifaðist
sem viðskipta-
fræðingur árið
1992 og hlaut
MBA-gráðu frá
Háskólanum í
Reykjavík árið
2005. Hún hefur um fimmtán ára
starfsreynslu á fjármálamarkaði,
þar af var hún framkvæmda-
stjóri MP banka frá stofnun hans
til 2003.
Lífeyrissjóðurinn tapaði 3,7
milljörðum króna árið 2008 og
skerti hann greiðslur til sjóðs-
félaga. Á aðalfundi sjóðsins í
apríl var lýst vantrausti á stjórn
hans. - jab
Auður tekur við lífeyrissjóði:
Urðu að skerða
réttindi félaga
AUÐUR
FINNBOGADÓTTIR
ÖRYGGISMÁL Varðstjórum stjórn-
stöðvar Landhelgisgæslunnar tókst
í vikunni sem leið að koma í veg
fyrir að bátur strandaði á Löngu-
skerjum, vestarlega í Skerjafirði
í Reykjavík. Kölluðu varðstjórar
í bátinn til að aðvara skipverja
og leiðbeindu honum síðan frá
skerjunum.
Í færslu á vef Landhelgisgæsl-
unnar segir að skipstjóri bátsins
hafi um helgina komið í heimsókn
í stjórnstöðina og þakkað aðstoð-
ina. Hann útskýrði að siglingatæki
bátsins hefði bilað í sjóferðinni. - shá
Landhelgisgæslan:
Varðstöð kom í
veg fyrir strand
VÍSINDI Yfirborðshiti 167 stórra
stöðuvatna víða um heim hefur
hækkað um að meðaltali 0,45
gráður á Celsius á síðasta ára-
tug, samkvæmt vísindamönnum
NASA, bandarísku geimferða-
stofnunarinnar.
Notuð voru gervitungl til að
mæla hitastig vatnanna. Hitastig
þeirra vatna sem hitnuðu mest
hefur hækkað um allt að eina
gráðu á áratug. Þau vötn sem
mest hitna eru um eða fyrir norð-
an miðbik norðurhvels jarðar.
„Okkar rannsókn dregur fram
fram ný gögn sem sýna áhrif
hækkandi hitastigs um allan
heim,“ segir Philipp Schneider
hjá NASA. - bj
Stöðuvötn heimsins hitna:
Hitna um 0,5°C
á 10 ára tímabili
TRYGGINGASTOFNUN RÍKISINS Stofnun-
in er komin á Facebook.