Fréttablaðið - 20.01.2011, Page 8

8 20. janúar 2011 FIMMTUDAGUR
DÓMSMÁL „Þarna var þingið rofið og
auðvitað var þetta mjög óvenjulegur
atburður,“ sagði Einar K. Guðfinns-
son alþingismaður þegar hann bar
vitni við aðalmeðferð í máli ákæru-
valdsins gegn nímenningunum sem
ákærðir hafa verið fyrir innrás á
Alþingi 8. desember 2008. Einar
sagðist ekki hafa fyllst ótta við
innrásina en „… auðvitað var mér
brugðið,“ bætti hann við.
Össur Skarphéðinsson bar einnig
vitni í gær. Hann rifjaði upp þegar
hann, sem formaður Stúdenta-
ráðs, mótmælti ásamt fleiri stúd-
entum á þingpöllum á árum áður.
Þar hafi lögregla mætt en enginn
verið handtekinn. Annað atvik rifj-
aði hann upp þegar allt í einu brast
á með miklum ófriði við þingsetn-
ingu. Þá hafi verið komnir menn
í hermannabúningum með gervi-
byssur. „Ég tel að mínar vestfirsku
taugar hafi brostið meira þá en í
þeim atburðum sem nú um ræðir,“
sagði ráðherra.
Allmargir lögreglumenn báru
vitni í héraðsdómi í gær. Þeir áttu
það sammerkt að hafa verið að störf-
um við eða inni í Alþingishúsinu
þegar fólkið fór þar inn. Þeir lýstu
aðkomu sinni að málinu og afskipt-
um sínum af sakborningum ef ein-
hver voru. Meðal þeirra sem báru
vitni voru lögreglukona og lögreglu-
maður sem bæði sögðust hafa verið
bitin af sama sakborningi. Þá kom
fram að sérsveitarmaður hefði grip-
ið í hár þessa sama sakbornings til
að varna því að hann biti lögreglu-
konuna einnig í hálsinn.
Lögreglumennirnir voru einnig
spurðir út í handtökur annarra sak-
borninga, svo og stjórnun og skipu-
lag lögreglu á vettvangi.
jss@frettabladid.is
VERJANDI OG SAKBORNINGAR Tryggvi Agnarsson hdl., verjandi í málinu, fremst á
myndinni, ásamt tveimur sakborningum í málinu. FRÉTTABLAÐIÐ/GVA
Þingmanni
var brugðið
Einar K. Guðfinnsson alþingismaður sagði í dómsal
í gær að sér hefði verið brugðið við innrásina á Al-
þingi 2008. Utanríkisráðherra bar einnig vitni.
Bitið
„Hver beit Stellu?“
spurði Pétur Guðgeirsson dómari einn
lögreglumannanna sem bar vitni.
Stutt bit
„Hann beit mig í nokkrar sekúndur.“
Stella Mjöll Aðalsteinsdóttir,
lögreglukona.
Enn um bitið
„Stóð hann bara við hliðina á þér og
beit þig?“
spurði Brynjar Níelsson Stellu.
Í ham
„Hann var bara í mjög miklum ham
og hann beit frá sér.“
Svava Snæberg Hrafnkelsdóttir,
lögreglukona.
Þrisvar sinnum
„Ég er búinn að svara þessari spurn-
ingu þrisvar,“
svaraði Jens Ólafsson lögreglumaður
ítrekaðri spurningu Ragnars Aðal-
steinssonar.
Sjö sinnum
„Nú er ég búinn að segja þetta
svona sjö sinnum,“
svaraði Jens sömu spurningu
Ragnars örskömmu síðar.
Í félagi
„Ef einhver þeirra [sakborninga]
hefðu sagst vera í Barðstrendingafé-
laginu, hvaða áhrif hefði það haft?“
spurði Ragnar Aðalsteinsson lögreglu-
mann vegna eftirgrennslan lögreglu
á því hvort nímenningarnir tilheyrðu
einhverjum félagasamtökum.
Aðstoð
„Ég tel að dómari eigi ekki að
aðstoða vitni við að svara ekki með
þessum hætti.“
Ragnar Aðalsteinsson eftir að Pétur
Guðgeirsson hafði stoppað hann af í
spurningum.
Meira og verra
„Við höfum heyrt meiri hávaða og
verri hluti bæði af galleríinu [áhorf-
endapöllum] og úr ræðustól.“
Össur Skarphéðinsson um aðstæður á
Alþingi 8. desember 2008
Úr dómsalnum
-er svarið
Tvö jákvæð
störf í boði
Já er einstakt fyrirtæki á Íslandi. Já þjónustar bæði einstaklinga og fyrirtæki. Já veitir upplýsingar í
þjónustunúmerunum 118, 1818 og 1811, félagið gefur út Símaskrána og rekur vefinn Já.is.
Að undanförnu hefur Já lagt mikla áherslu á tækniþróunarverkefni og leitar nú að tveimur nýjum
starfsmönnum sem búa yfir: frumkvæði og framsýni, krafti, samskiptalipurð og hæfni til að vinna í
hópi, heilindum, vinnusemi, skipulagshæfileikum og öguðum vinnubrögðum.
Umsóknir og nánari upplýsingar
Allar nánari upplýsingar um störfin veitir Hlöðver Þór Árnason í netfanginu hlodver@ja.is
eða í síma 820 0004.
Umsóknir berist fyrir 5. febrúar nk. í netfangið umsokn@ja.is
118 ja.is Símaskráin
STARFSLÝSING OG ÁBYRGÐ
Að viðhalda og þróa helstu kerfi Já:
Forritari hjá Já þarf að vera sjálfstæður og fljótur
að tileinka sér nýja tækni. Að auki er nauðsynlegt
að hafa góða þjónustulund.
Forritari
MENNTUN OG ÞEKKING
Við leitum að starfsmanni með háskólamenntun,
t.d. tölvunarfræði eða hugbúnaðarverkfræði.
Góð þekking á forritun er mikilvæg og
tungumálakunnátta er kostur. Þekking á python,
django, java, javascript, css og html er æskileg.
Þekking á grafískri vinnslu mikill kostur.
STARFSLÝSING OG ÁBYRGÐ
Að viðhalda innri kerfum og þjónusta
starfsmenn Já:
umsjón tækjaskrár
Hingað til hefur Já úthýst þessari þjónustu þannig
að viðkomandi þarf að vera mjög sjálfstæður og
skipulagður. Einnig er mikilvægt að hafa góða
þjónustulund og vera tilbúinn að ferðast á milli
þjónustuvera ef verkefni krefjast þess.
Tæknimaður
MENNTUN OG ÞEKKING
Við leitum að starfsmanni með háskólamenntun,
t.d. kerfisfræði.
Góð þekking á Microsoft umhverfi er nauðsynleg.
Vilji til að takast á við krefjandi verkefni, þekking
á vélbúnaði og reynsla af uppsetningu og rekstri
þeirra.
E
N
N
E
M
M
/
S
ÍA
/
N
M
4
5
0
4
2
BANDARÍKIN, AP Hu Jintao, forseti
Kína, snæddi kvöldverð með Bar-
ack Obama Bandaríkjaforseta í
Hvíta húsinu á þriðjudagskvöld.
Þeir ræddu síðan betur saman
í gærmorgun og héldu blaða-
mannafund á eftir. Þar fengu tveir
bandarískir fréttamenn og tveir
kínverskir að bera fram eina spurn-
ingu hver. Loks snæddu þeir aftur
kvöldverð í gær.
Obama sagði vonir standa til að
heimsóknin yrði til þess að styrkja
tengsl ríkjanna, en lagði jafnframt
áherslu á mikilvægi mannréttinda.
Á ýmsu hefur gengið í samskiptum
Kína og Bandaríkjanna þau tvö ár
sem Obama hefur verið við völd.
Margir Bandaríkjamenn kenna
Kínverjum að hluta um atvinnu-
leysið sem Bandaríkin búa við
núna. Þá hafa Kínverjar ekki tekið
undir óskir Bandaríkjastjórnar um
þátttöku í aðgerðum gegn hlýnun
jarðar, né heldur hafa þeir orðið
við óskum Bandaríkjamanna um
að halda aftur af Norður-Kóreu.
Bandaríkin hafa fyrir sitt leyti
farið í taugarnar á Kínverjum
fyrir að hafa selt vopn til Taívans
og tekið á móti Dalaí Lama í Hvíta
húsinu. Nú á að styrkja sambandið,
meðal annars með samstarfi í
kjarnorkumálum. - gb
Hu Jintao fær góðar móttökur hjá Barack Obama í Washington:
Reyna að styrkja sambandið
ÓSÁTT Fyrir utan Hvíta húsið í Washing-
ton beið hópur fólks með mótmæla-
borða og krafðist frelsunar Tíbets.
NORDOCSPHOTOS/AFP
1 Hversu mikið þarf að hagræða
í rekstri menntasviðs Reykjavíkur-
borgar á þessu ári?
2 Hvaða þýska lið hefur lands-
liðsmaðurinn Alexander Petersson
nýlega samið við?
3 Í hvaða borg mun hljómsveitin
Dikta leika í kvöld?
SVÖR
1 540-570 milljónir 2 Rhein-Neckar
Löwen 3 London.
DANMÖRK Muhammed Geele, 29
ára gamall maður frá Sómalíu,
segist ekki hafa ætlað að drepa
danska skopmyndateiknarann
Knut Wester gaard þegar hann
réðst inn á heimili hans vopnaður
öxi og hníf á nýársdag 2010.
Hann segist aðeins hafa ætlað
sér að hræða Westergaard. Hann
segir að það hafi farið óstjórnlega í
taugarnar á sér hvað Westergaard
var ánægður, þrátt fyrir að skop-
mynd hans af Múhameð hafi kost-
að mannslíf. Þetta sagði Geele
fyrir dómi í gær. - gb
Árásarmaður fyrir rétt:
Ætlaði bara að
vekja hræðslu
VEISTU SVARIÐ?