Fréttablaðið - 26.01.2011, Blaðsíða 8
26. janúar 2011 MIÐVIKUDAGUR
Stjórnlagaþing var (og er) eitt af
höfuðmálum ríkisstjórnar Jóhönnu
Sigurðardóttur. Hafa hún og marg-
ir aðrir stjórnarliðar margsinnis
lýst mikilvægi þess í ræðu og riti.
Fjallað var um stjórnlagaþing
í samstarfsyfirlýsingum beggja
ríkisstjórna Samfylkingarinnar
og VG.
Í hátíðarræðu 17. júní síðastlið-
inn sagðist Jóhanna Sigurðardóttir
binda miklar vonir við stjórnlaga-
þing. „Ég tel að hér sé á ferðinni
eitt merkasta mál sem samþykkt
hefur verið á Alþingi og að með
samþykkt þess sé stigið afar stórt
skref í lýðræðisátt.“ Síðar í ræð-
unni sagði hún stjórnlagaþingið að
mörgu leyti geta markað upphaf
nýs kafla í stjórnmálum og stjórn-
skipan landsins.
Í ræðu á Alþingi í byrjun sept-
ember síðastliðins sagði Jóhanna
að fram undan væri eitt viðamesta
samfélagsverkefni samtímans, „að
þjóðin semji sér nýja stjórnarskrá
frá grunni og móti nýjan ramma
um allt íslenska stjórnkerfið. Þetta
er lýðræðisverkefni sem kallað
hefur verið eftir í áratugi og með
samþykkt Stjórnlagaþingsins verð-
ur það nú loks að veruleika.“
Jóhanna og ýmsir fleiri stjórn-
málamenn hafa undanfarna mán-
uði og misseri margsinnis sagt
mikilvægt að stjórnlagaþing taki
tiltekin málefni til athugunar og
meðferðar. Um ýmis verkefni þess
er enda kveðið í lögum um þingið.
Í áramótagrein í Fréttablaðinu
sagði Jóhanna til dæmis að á vett-
vangi stjórnlagaþings yrðu tekn-
ar ákvarðanir um stórmál sem
gætu varðað veg þjóðarinnar um
ókomna tíð. „Sameign Íslendinga
á auðlindum, framtíð forsetaemb-
ættisins, þingræðisins og þjóð-
kirkjunnar, aukið vægi þjóðar-
atkvæðagreiðslna og þá hugmynd
að landið verði eitt kjördæmi.“
Jóhanna hefur lengi verið þeirr-
ar skoðunar að efna beri til stjórn-
lagaþings. Flutti hún fyrst frum-
varp þess efnis árið 1994. Í grein
sem hún skrifaði í Fréttablað-
ið í aðdraganda stjórnlagaþing-
skosninganna í nóvember sagðist
hún lengi hafa talað fyrir daufum
eyrum í þessum efnum en eftir
efnahags- og stjórnmálahrunið
2008 hefðu viðhorfin breyst. Sagði
hún þingið eiga sér fáar hliðstæður
í heiminum og væntanlega myndi
það hafa áhrif á lýðræðisþróun og
aðferðafræði við mótun stjórnar-
skráa. -bþs
Eitt höfuðmála
stjórnarinnar
Þingmenn Sjálfstæðisflokksins
voru flestir alla tíð á móti stjórn-
lagaþingi. Við atkvæðagreiðslu um
málið lýsti Birgir Ármannsson því
yfir að flokkurinn féllist ekki á
hugmyndina um stjórnlagaþing og
gæti því ekki stutt það. Áður sagði
hann flokkinn hins vegar hafa
tekið þátt í vinnu á vettvangi alls-
herjarnefndar við að reyna að lag-
færa og betrumbæta frumvarpið
um þingið og taldi hann breytingar
sem á því voru gerðar hafa verið
til bóta.
Við atkvæðagreiðsluna sátu
ellefu þingmenn flokksins hjá,
þrír voru fjarverandi en einn, Óli
Björn Kárason, greiddi atkvæði
gegn frumvarpinu. Einn þingmað-
ur Sjálfstæðisflokksins, Jón Gunn-
arsson, var hins vegar hlynntur
stjórnlagaþingi og sagði já. - bþs
Sjálfstæðismenn á móti
ALÞINGI Jóhanna Sigurðardóttir for-
sætisráðherra sagði á Alþingi í gær
að þrír möguleikar virtust í stöðunni
í framhaldi af dómi Hæstaréttar um
að ógilda stjórnlagaþingskosningar.
Fyrsti möguleikinn væri að hætta
við þingið, sem hún teldi ekki koma
til greina. Annar möguleiki væri að
bæta úr þeim ágöllum sem Hæsti-
réttur hefði fundið að og halda nýjar
kosningar. Þriðji möguleikinn væri
að kjósa þá 25 sem hlotið hefðu
kosningu í ólögmætri kosningunni
í stjórnlaganefnd eða stjórnlagaþing
í umboði Alþingis.
Forsætisnefnd Alþingis þyrfti að
fjalla um framhald málsins ásamt
landskjörstjórn og innanríkisráðu-
neyti. „Við getum ekki gefið þjóðinni
langt nef með því að hætta við að
hafa stjórnlagaþing,“ sagði Jóhanna,
sem skoraði á stuðningsmenn þings-
ins að taka höndum saman um að
finna leiðir til þess að þingið færi
fram. „Setjumst yfir það að finna
lausn á þessu vandamáli.“
Hálfdapurlegt væri að sjá hlakka
í talsmönnum „íhaldsins“ vegna
dóms Hæstaréttar: „Það er ljóst að
stjórnlagaþing hefur alltaf verið
eitur í beinum íhaldsmanna,“ sagði
Jóhanna.
„Þetta er í fyrsta skipti í sögu
þessa lýðræðisríkis sem Hæsti-
réttur sér sig knúinn til að ógilda
almennar kosningar,“ sagði Ólöf
Nordal, varaformaður Sjálfstæðis-
flokksins. Það gerði rétturinn ekki
vegna smávægilegra ágalla held-
ur vegna þess að allur lagagrund-
völlur málsins væri skakkur. Hún
hvatti forsætisráðherra til að íhuga
stöðu sína nú þegar ógilda hefði
þurft almennar kosningar í land-
inu vegna vinnubragða ríkisstjórn-
arinnar. „Þetta er enn eitt dæmið
um þær ógöngur sem stjórn þessa
lands er komin í,“ sagði Ólöf.
Ögmundur Jónasson innanríkis-
ráðherra sagði að niðurstöðuna
bæri að virða og taka alvarlega.
„En ég vek athygli á því að í engu
tilviki telur nokkur maður á sér
hafa verið brotið.“
„Ég segi til hamingju með daginn,
ríkisstjórn,“ sagði Vigdís Hauks-
dóttir, Framsóknarflokki. „Það mis-
tekst allt hjá ykkur sem þið komið
nálægt.“
„Baráttan um framtíð Íslands
stendur yfir. Mikilvægast er að
stjórnlagaþingið verði haldið og
að við fáum róttæka endurskoðun
á stjórnarskránni,“ sagði Margrét
Tryggvadóttir, Hreyfingunni. „Við
vissum að á leiðinni að nýrri stjórn-
arskrá væru margar þúfur, við
höfum nú hrasað um eina þeirra.“
peturg@frettabladid.is
Jóhanna ætlar ekki
að hætta við þingið
Forsætisráðherra segir íhaldið hlakka yfir dómi Hæstaréttar um framkvæmd
kosninga til stjórnlagaþings. Ekki komi til greina að hætta við þingið.
FRA ALÞINGI Jóhanna Sigurðardóttir forsætisráðherra sagði á þingi í gær að þrír
möguleikar væru í stöðunni. Hún telur ekki koma til greina að hætta við stjórnlaga-
þingið. FRÉTTABLAÐIÐ/STEFÁN
ÁKVÖRÐUN HÆSTARÉTTAR: Stjórnlagaþingskosningar ógildar
Safnaðu litlum lis taverkum
ÓÁNÆGÐIR
2,7%
HVORKI NÉ
6,8%
Samkvæmt nýrri þjónustukönnun eru
meira en 90% viðskiptavina okkar ánægðir
með þjónustuna.
Komdu við í útibúum okkar eða hringdu
og kannaðu hvers vegna viðskiptavinir
okkar eru svona ánægðir.
DÆMI UM UMMÆLI
ÚR ÞJÓNUSTUKÖNNUNINNI
„Fólkið er frábært og yndislegt.“
„Mæli með ykkur og veit að sumt af
mínu fólki hefur komið til ykkar.“
„Æðisleg þjónusta.“
„MP er frábær banki. Takk fyrir mig.“
VIÐSKIPTAVINA
ÁNÆGÐIR
Þjónustukönnunin var gerð af Capacent fyrir MP banka í september Ármúla 13a | Borgartúni 26 | 540 3200 | www.mp.is
F
í
t
o
n
/
S
Í
A