Fréttablaðið - 26.01.2011, Qupperneq 18

TOYOTA, GENERAL MOTORS OG VOLKSWAGEN ERU ÞEIR BÍLAFRAMLEIÐENDUR
SEM SELDU FLESTA BÍLA Á SÍÐASTA ÁRI.
Toyota er umsvifamesti bílaframleiðandi í heimi. Eins og fram kemur í frétt
á vef FÍB seldi fyrirtækið 8,42 milljónir bíla árið 2010, að meðtöldum undir-
tegundunum Lexus, Hino og Daihatsu. General Motors seldi 8,39 milljónir
bíla sama ár en hafði verið umsvifamesti bílaframleiðandi í heimi samfleytt í
76 ár þegar Toyota tók forystuna árið 2008.
Bílaframleiðandinn Volkswagen hefur lýst því yfir að fyrirtækið stefni á að
verða umsvifamesti bílaframleiðandi heims árið 2018 og jók hlutdeild sína á
heimsmarkaðinum um 14 prósent árið 2010 og seldi 7,14 milljónir bíla. - rat
Toyota selur mest
Toyota er umsvifamesti
bílaframleiðandi heims
í dag, þriðja árið í röð.
FRÉTTABLAÐIÐ/VALLI
Á vef íslensku flugleitarinnar
Dohop leita þúsundir manna að
flugi á hverjum degi. Í gögnum
Dohop er að finna áhugaverð-
ar staðreyndir um ferðahegðun
Íslendinga sem heimsækja vef-
inn og birtir fyrirtækið ferðavísa
tíunda hvers mánaðar með tíu vin-
sælustu áfangastöðunum. „Kaup-
mannahöfn komst í toppsætið í
desember en Bangkok hafði vermt
það sæti allt frá því í sumar. Engu
að síður er augljóst að aukinn
áhugi er á ferðum til Taílands og
féll Bangkok einungis niður um tvö
sæti. Aðrar borgir sem lenda ofar-
lega á lista eru London, Orlando,
Ósló og New York sem kemur
kannski ekki á óvart,“ segir Davíð
Gunnarsson, sölu- og markaðs-
stjóri Dohop, og bendir á að sólin
virðist auk þess heilla sem fyrr og
eru strandbæir eins og Alicante og
Las Palmas ofarlega á lista.
Dohop er íslenskt fyrirtæki sem
rekur ferðaleitarvélina Dohop.is.
Þar er hægt að finna flug, hótel-
gistingu og bílaleigubíla. „Sér-
staða Dohop felst í því að leitin
tengir saman flugleiðir sem eru
annars ótengdar og sýnir ódýrar
tengingar sem annars væri erfitt
að finna,“ segir Davíð. Hann segir
flugleitarvélina, sem var stofnuð
árið 2004, bera saman meira en 600
flugfélög og tugi ferðaskrifstofa á
netinu.
„Dohop er dæmigerð flugleitar-
vél og virkar eins og Google,“
útskýrir Davíð. „Hún finnur ódýr
flug og vísar svo á aðra vefi þar
sem hægt er að bóka. Hún er frá-
brugðin stórum vefjum eins og
Expedia, ef við tökum hann sem
dæmi, en hann nær aðeins til
takmarkaðs fjölda flugfélaga og
hótela. Við leitum hins vegar hjá
eins mörgum flugfélögum og við
getum. Við höfum enga hagsmuni
af því að sýna eitt flugfélag fram
yfir annað, heldur sýnum öll flug-
félög óháð því hvort þau borga
okkur þóknun fyrir að vísa gestum
til þeirra eða ekki. Við getum fund-
ið tengingar á milli hefðbundinna
flugfélaga eins og Lufthansa, Brit-
ish Airways og KLM við lággjalda-
félög eins og EasyJet, Ryanair
og Iceland Express en þannig er
oft hægt að finna ódýrari leið en
ella.“
Davíð segir Dohop aðallega
þekkt sem flugleitarvél en að
á vefnum séu auk þess öflugar
hótel- og bílaleitarvélar. „Við gerð-
um nýverið samning við ástralska
fyrirtækið Hotels Combined um
rekstur hótelleitar á vef Dohop.
Hotels Combined hefur um árabil
verið leiðandi í þróun samanburð-
arleitarvélar fyrir hótel á vefn-
um en hún er sambærileg flug-
leit Dohop. Við höfum látið þýða
hótelleitarvélina á íslensku og
sýnir hún verð frá þrjátíu söluaðil-
um um allan heim. Þar á meðal eru
Hotels.com, Expedia, Booking.com
og HRS. Hinn síðastnefndi er sam-
starfsaðili Icelandair þegar kemur
að hótelbókunum en þar sem leitar-
vél Dohop ber verð HRS saman við
29 aðra söluaðila má áætla að við
séum að bjóða hagstæðasta verðið
hverju sinni.“ vera@frettabladid.is
Kaupmannahöfn
skákar Bangkok
Starfsmenn flugleitarvélarinnar Dohop birta ferðavísa í hverjum mán-
uði sem gefa vísbendingar um ferðahegðun Íslendinga. Taíland hefur
lengi verið efst á blaði en nú trónir Kaupmannahöfn á toppnum.
Davíð telur líklegt að hagstætt verðlag eigi þátt í vinsældum Taílands. Kaupmanna-
höfn sé einnig sívinsæll áfangastaður. FRÉTTABLAÐIÐ/GVA
Ferðaáætlun Ferðafélags Íslands fyrir árið 2011 liggur nú fyrir. Margra
nýjunga gætir og meðal annars er meira en helmingur helgarferða um
slóðir sem ekki hafa verið farnar áður. Má þar nefna ferð umhverfis
Kerlingarfjöll sem hefur fengið nafnið Hringbrautin. Sjá www.fi.is.
■ Kaupmannahöfn
■ London
■ Bangkok
■ New York
■ Orlando
Flugvísir Dohop í desember 2010
■ Alicante
■ Belgrad
■ Ósló
■ Las Palmas
■ Amsterdam
PRÓTÍNBOMBUR!
Samkvæmt skýrslu Matís er
harðfiskur hollari en áður var talið.
Langhollasti þorramaturinn.
Fæst í Bónus
H R E I N Í S L E N S K F Æ Ð U B Ó T
í beinu flugi 21. - 25. apríl
Hringdu í síma
ef blaðið berst ekki