Fréttablaðið - 09.02.2011, Side 27

ferðir ●MIÐVIKUDAGUR 9. FEBRÚAR 2011 7
Himinfley Icelandair stefna nú til fimm
nýrra áfangastaða, sem eykur enn
möguleika fólks til að skoða jörð sína
betur, víðar og nær.
1 BILLUND Á JÓTLANDI – SVO MIKLU MEIRA EN LEGOLAND
Loks er hægt að fljúga beint til Billund
þaðan sem stutt er til allra átta hvort sem
ferðinni er heitið um nærsveitir, nágranna-
borgirnar Árósa eða Álaborg, eða suður til
Þýskalands og annarra lokkandi áfanga-
staða á meginlandi Evrópu.
Billund er frábær fjölskyldustaður mið-
svæðis á Jótlandi, rétt vestur af Horsens og
Vejle og norðaustur af Esbjerg. Saga bæjar-
ins er samofin litríkum Legokubbum sem
einmitt eru framleiddir í Billund og þar er
ævintýraheimurinn Legoland sem nú er
orðinn einhver kunnasti skemmtigarður
Dana.
En þótt flestir ætli sér að halda áfram
ferðalaginu frá Billund verður enginn
ósvikinn af heimsókn um hlýlegar sveitir
og nágrannabæi sem fela í sér ógleyman-
leg ævintýri á danska vísu. Þar má nefna
skemmtigarðinn Lalandia, safnið Karens-
minde, víkingaminjar í Jelling, höggmynda-
garðinn og fúksíugarðinn í Billund. Á þess-
um slóðum og kringum bæina Vejle, Horsens
og Esbjerg eru einnig fjölmargir afbragðs
golfvellir.
Icelandair flýgur þrisvar í viku til
Billund, á mánudögum, miðvikudögum og
laugardögum frá 1. júní til 12. september.
2 HAMBORG Í ÞÝSKALANDI – OPIN, ÖNNUM KAFIN OG GRÆN
Hamborg er kraftmikil stórborg, sú næsts-
tærsta í Þýskalandi, með 1,8 milljónir íbúa.
Hún stendur á bökkum Saxelfar, um 100
kílómetra frá sjó og er stærsta hafnarborg
Þjóðverja og önnur stærsta hafnarborg Evr-
ópu. En þótt Hamborg sé mikil viðskipta- og
iðnaðarborg er hún grænni en aðrar þýskar
borgir og fræg fyrir fallega garða sína,
opin svæði, stöðuvötn, ár og bátaskurði, en
í Hamborg eru 2.300 brýr – miklum mun
fleiri en í Amsterdam eða Feneyjum.
Í Hamborg gefst tækifæri til lífsins lysti-
semda, menningar og lista, sögu og samtíma,
og þýskra gæða í mat og drykk, en krár og
kaffihús eru á hverju strái í miðbæ Ham-
borgar þar sem kynnast má matreiðslu 40
þjóða á fleiri en 2.000 veitingastöðum. Gera
má kostakaup í freistandi verslunargötum
og vöruhúsum Hamborgar, og þótt borgin
sé víðkunn fyrir leikhús, söngleiki og óper-
ur dunar þar líka djass og popp, svo ekki
sé talað um klassík og sinfóníuhljómsveit-
irnar þrjár.
Hamborg á sér langa sögu sem kynnast
má í sögusafni borgarinnar eða á rölti um
elsta hluta hennar, með skoðunar siglingu
um höfnina og um Alster-vatn í miðri borg.
Listunnendur fá mikið fyrir sinn snúð í
Hamburger Kunsthalle sem er eitt besta
safn evrópskar myndlistar frá miðöldum
til okkar daga, en aðrir skoða grös og blóm
í Planten un Blomen eða líta inn í víðfræg-
an dýragarð borgarinnar. Næturlífið er svo
kapítuli út af fyrir sig og hægt að komast í
tæri við hömlulausa afþreyingu og ögrandi
skemmtun af öllu tagi í Hamborg. Borgin er
jafnframt kjörinn upphafsreitur fyrir lengri
ferðalög um Þýskaland.
Icelandair flýgur tvisvar í viku til Ham-
borgar á þriðjudögum og föstudögum 3. júní
til 9. september.
3 WASHINGTON D.C. – HÖFUÐBORG BANDARÍKJANNA
Washington er ein af merkilegustu borg-
um veraldar með fjölda sögufrægra staða
og óendanlega marga viðburði. Þar er ljúft
að ganga um söguslóðir í Georgetown og
njóta lífsins á börum og veitingahúsum á
árbakkanum. Helstu söfn, minnismerki og
veitingastaðir eru á tiltölulega litlu svæði og
því hægt að slaka á í áhyggjulausu fríi.
Í Washington skynjar fólk betur undiröldu
þess frelsis, lýðræðis og valds sem er sam-
ofið nafni Bandaríkjanna, og enginn verður
ósnortinn við að skoða Washington-minnis-
merkið, Hvíta húsið, Þinghúsið, styttuna af
Abraham Lincoln og Thomas Jefferson og
Víetnamvegginn, því alls staðar ríkir sterk
tilfinning fyrir sögunni í fortíð og nútíð.
Í Washington er sjaldgæft úrval safna
í heimsklassa og frægar stofnanir eins og
National Museum of Natural History og
National Gallery of Art. Þá eru víða áhuga-
verðar verslanir með frægum merkjum sem
og minna þekktum og framúrskarandi veit-
ingastaðir um alla borg.
Frá Washington D.C. er greiður aðgang-
ur að allri austurströnd Bandaríkjanna og
ómissandi að skjótast í upplífgandi heim-
sókn til sérstæðs samfélags Amish-fólksins
í Lancaster-sýslu.
Icelandair flýgur allt að fimm sinnum í
viku til Washington frá 17. maí til 13. sept-
ember, það er alla daga nema mánudaga.
4 GAUTABORG Í SVÍÞJÓÐ – AKKÚRAT MÁTULEGA STÓR
Gautaborg er hin fullkomna helgarferða-
borg, með frábærum verslunum, tónleik-
um, íþróttaviðburðum og góðum veitinga-
stöðum. Möguleikarnir eru endalausir og
næstum allt í göngufæri þótt borgin sé sú
næststærsta í Svíþjóð.
Í Gautaborg er urmull sætra kaffihúsa
því vinsælt er að „ta en fika“ eða fá sér kaffi
og kruðerí á góðu kaffihúsi. Gautaborg er
líka draumastaður barnafólks enda nóg
að gera. Tívolíið Liseberg er einn af vin-
sælli stöðum Svíaveldis, sem og raunvís-
indasafnið Universum með regnskógum,
fuglum, fiskum, hákörlum og eitruðustu
skepnu í heimi. Um síki Gautaborgar siglir
svo paddan, sem eru bátar sem bjóða upp á
frábæra leið til að kynnast borginni. Stutt
er í hafið eða næsta stöðuvatn og skerja-
garðurinn einstakur þar sem alls staðar má
finna kletta til að stinga sér frá eða strend-
ur til að leika sér við.
Sumrin í Gautaborg eru yndisleg og sól-
rík, og borgin með sína eigin menningu og
mállýsku.
Icelandair flýgur tvisvar í viku til Gauta-
borgar á mánudögum og föstudögum frá 24.
júní til 15. ágúst.
5 ALICANTE Á SPÁNI – SÓLARSTRENDUR OG DEKURLÍF
Alicante á suðausturströnd Spánar, Costa
Blanca, er paradís sóldýrkenda sem elska
volga og mjúka sandströnd með blátærum
öldum í flæðarmálinu. Þar ríkir spænsk
menning og iðandi fjör, og unun að snæða
ljúffengan mat í hlýju kvöldrökkri undir
suðrænum næturhimni.
Í Alicante má finna allt sem hugurinn
girnist: úrvalshótel, frábæra veitingastaði
og magnað næturlíf. Þekktasta baðströnd-
in á Costa Blanca er Playa de San Juan, sjö
kílómetrar af fínkorna, gulum sandi, tandur-
hrein og freistandi, en fyrir ofan ströndina
raða sér veitingastaðir, hótel, verslanir, tóm-
stundagarðar og golfvöllur.
Alicante er ævaforn hafnarborg og auð-
kennistákn hennar er kastalinn Castillo de
Santa Barbara. Meðal annarra áhugaverðra
staða er kirkja heilagrar Maríu, garðarnir
El Palmeral og El Ereta, fornleifa safnið
Museo Arquelógico Provincial og Collecio
Capa sem er stærsta safn nútímaskúlptúra
á Spáni.
Af styttri ferðum frá Alicante má benda
á siglingu til sjóræningjaeyjanna Tabarca
og Cuevas del Canelobre þar sem eru hæstu
hellahverfingar á Spáni.
Unaðslegir veitingastaðir eru í Alicante
og spænsk matreiðsla að sjálfsögðu í há-
vegum höfð. Þá er gaman að versla í smá-
verslunum, vöruhúsum og á markaðnum
Avenida Alfonso el Sabio.
Icelandair flýgur einu sinni í viku til
Alicante, á fimmtudögum frá 14. apríl til 30.
júní, og 15. september til 13. október og svo
á miðvikudögum frá 6. júlí til 7. september.
Veröldin skoðuð upp á nýtt
● NOTALEGAR STAÐREYNDIR
UM ICELANDAIR
■ Icelandair hefur ár eftir ár vermt topp-
lista yfir stundvísustu flugfélög Evrópu.
■ Sætisbil í flugvélum Icelandair er það
mesta meðal íslenskra flugfélaga og
ferðaskrifstofa, alls 32 tommur.
■ Í öllum vélum Icelandair eru sjónvarps-
skjáir í baki farþegasæta sem geyma
yfir 150 klukkustundir af afþreyingu;
þar á meðal úrval barnaefnis á íslensku,
íslenskar kvikmyndir og sjónvarpsþætti,
og erlendar stórmyndir sem sýndar eru
um borð á svipuðum tíma og þær eru
frumsýndar í kvikmyndahúsum.
Tignarleg bygging Hæstaréttar í
Washington D.C. er meðal margra
spennandi viðkomustaða í höfuð-
borg Bandaríkjanna.
Lífið er afslappað
og skemmtilegt í
Gautaborg.
Tær sjór, silkimjúkur
sandur og glaða sólskin
gerir strandlíf og spænska
menningarupplifun við
Alicante að paradís.
3 4 5
Það eru undur og stórmerki hvað hægt er
að byggja úr Legokubbum, eins og sjá má
á þessari mynd úr Legolandi í Billund.1 2
Það kemur eflaust mörgum á óvart
hversu græn og falleg Hamborg er, en
þar er dásemd að njóta lífsins.