19. júní - 01.10.1993, Blaðsíða 30
30
3. TBL.1993
Fyrstu verðlaun í ritgerðasamkeppninni er vikuferð í paradísina í Kerlingarfjöllum.
Verðlaunin, sem eru í boði, eru heldur
en ekki glæsileg:
Fyrstu verðlaun eru vikunámskeið í
Skíðaskólanum í Kerlingarfjöllum næsta
vor. Það er Skíðaskólinn sem gefur þessi
rausnarlegu verðlaun.
Önnur verðlaun eru Canon Prima
TWN-S ljósmyndavél með tösku, sem
verslunin Hans Petersen hf. hefur gefið.
Þriðju verðlaun eru nýjasta útgáfa af
Times World Atlas, gefinn af Máli og
menningu.
Vetrarstarfið
Sveitarsljórnarkosningar
Næstkomandi vor verða sveitarstjórnar-
kosningar og nú er verið að vinna að
sameiningu sveitarfélaga í stórum stíl.
Hlutur kvenna í íslenskum stjórnmál-
um hefur löngum verið rýr, þótt nokkuð
hafi þokast á síðustu árum. Sameining
sveitarfélaga hlýtur að þýða nokkra upp-
stokkun í röðum sveitarstjórnarmanna.
Spurning er hvaða áhrif það hefur á stöðu
kvenna á því sviði og möguleika þeirra til
áhrifa. Stjórn KRFÍ er á einu máli um að
beita þurfi starfskröftum félagsins sem
mest að því að styðja við bakið á þeim
konum sem nú þegar eru virkar í sveitar-
stjórnarmálum og stuðla að þátttöku
langtum fleiri kvenna á þeim vettvangi.
Starfið í vetur mun því helgað þessu
máli að miklu leyti. M.a. er fundur nú í
nóvember þar sem umfjöllun fjölmiðla
um stjórnmálakonur er tekin til meðferð-
ar og í janúar er fýrirhugað að halda fund
með sveitarstjórnarkonum. Frá fundum er
nánar sagt í fréttabréfinu.
Stofnaður hefur verið starfshópur til að
vinna að málinu. í honum eru konur úr
öllum stjórnmálaflokkum. Það er von
stjórnar KRFÍ að hið þverpólitíska sam-
starf kvenna í félaginu veiti konum stuðn-
ing til að styrkja stöðu sína í innra starfi
stjórnmálaflokka og meðal kjósenda.
Jólafundurinn
verður 7. desember. Þar verður lesið úr
nýútkomnum bókum um og eftir konur
og margt annað verður gert til hátíða-
brigða, sem nánar verður skýrt frá í frétta-
bréfi félagsins.
Starfshópar
Fleiri hópar en áðurnefndur stjórnmála-
hópur starfa í vetur.
Þinghápurinn tekur fyrir þau niál á Al-
þingi sem félagið lætur sig sérstaklega
varða.
Leshópur starfar af mikilli atorku. Þar
eru teknar fyrir bókmenntir af ýmsu tagi
og hin leyndustu málefni ltvenna krufin
til mergjar af djúpri íhygli.
Nordisk forum er heiti á samnorrænni
ráðstefnu sem haldin verður í Ábo í Finn-
landi í ágústbyrjun n.k. Starfshópur vinn-
ur að undirbúningi fyrir framlag og þátt-
töku félagsins í ráðstefnunni auk þess sem
félagið á fulltrúa í undirbúningsnefnd
ráðstefnunnar. í fréttabréfinu hefur verið
sagt nánar frá þessu.
Ár fjölskyldunnar
Starfshópur undirbýr atburði í tilefni af
ári fjölskyldunnar, en Sameinuðu þjóðirn-
ar hafa úthlutað árinu 1994 það þema.
Félagið á einnig aðila að hérlendri undir-
búningsnefnd fyrir fjölskylduárið.