Sólskin - 01.07.1933, Blaðsíða 50
suðurátt höfðu hætt sér yfir sjóinn og skörð hinna
há.ii fjalla, og á vegi þeirra urðu hinir villtu menn á
meginlandi Evrópu. Sumir halda, að ferðalangar
þessir hafi verið frá Afríku; heimkynni þeirra hafi
verið í Egyptalandi.
1 Nílárdalnum hafði þróast mikil og merkileg
menning mörg þúsund árum áður en menn á Vestur-
og Norðurlöndum dreymdi um áhöld eða hús. Við
skulum því skilja við langa-langa, langafa okkar í
hellum þeirra, og heimsækja mennina, sem áttu
heima á suðurströnd Miðjarðarhafsins. Þar munum
við kynnast elsta menningarríki veraldarinnar, að
flestra dómi.
Egyptar hafa kennt okkur marga hluti. Þeir voru
ágætir bændur. Þeir kunnu góð skil á ræktun. Þeir
reistu musteri. Þaðan fengu Grikkir svo fyrirmyndir
sinna mustera. I líkum stíl og musteri Egypta, eru
kirkjur nú á tímum reistar.
Þeir fundu upp tímatalið, sem hefir að mestu
leyti haldist óbreytt til vorra daga. En líklegast er
mest um vert þá kunnáttu þeirra, að geyma kom-
andi kynslóðum mál og hugsanir sínar i rituðu máli.
Þeir fundu upp listina að skrifa.
Nú á tímum erum við svo vön dagblöðum, bókum
og tímaritum, að við hyggj um, að mennirnir hafi allt
af kunnað að lesa og skrifa. En því fer f jarri, því að
ritlistin er mjög ung, ef miðað er við aldur manna
á jörðinni. Án ritlistar vissum við fátt eitt um líf
og reynslu horfinna kynslóða. — Egyptar fullkomn-
uðu svo ritlist sína um þúsundir ára, að þeir gátu
skráð flest sem þeir vildu, t. d. skrifað vinum sínum
48