Sólskin - 01.07.1933, Side 66

þeim eða myndir af þeim, þá nutu þeir þæginda
þeirra.
1 fyrstu voru grafir Egyptanna höggnar í kletfc-
ana í fjöllunum fyrir vestan Egyptaland. En þeg-
.ar fólkinu f jölgaði og færðist norðureftir, varð það
að hafa legstaðina úti í eyðimörkinni. Á þeim tíma
var margt villidýra í eyðimrökinni, og stundum
ræningjar. Þeir brutu upp grafirnar og rændu öllu
fémætu sem fannst í þeim.
Til þess að fyrirbyggja þetta, reistu Egyptar
stórar vörður úr steini á gröfunum. Vörður þessar
urðu smám saman stærri og stærri, því að auðugra
fólkið reisti stærri vörður, heldur en þeir fátæku.
Loks varð mikil keppni um það, hver gæti reist
stærsta vörðu eða steinhús.
Minnismerkin yfir gröfum konunganna eru
stærst, og eru nefnd pyramidar.
Það hafa fundist um 70 pyramidar. Sá stærsti
þeirra er um 150 metrar á hæð, og svo er hann
gildur, að landið, sem hann stendur á', er um 20
vallardagsláttur. Péturskirkjan í Róm er stærsta
kirkjan í hinum kristna heimi, og tekur fullar 50
þúsundir manna í sæti. En stærsti pyramidinn, sem
Fom-Egyptar reistu, stendur á þrisvar sinnum
stærra landsvæði. Það er líka haldið, að um 100
þúsund menn hafi unnið við hann í 20—30 ár. Svo
vel hafa Egyptar byggt þennan pyramida, að göng-
in inn að gröf konungsins, sem var lagður í þenn-
an pyramida, halda alveg sömu lögun og er hann
var reistur. Enginn steinn hefir gengið úr skorðum,
þó að pyramidinn hafi nú staðið í nærri 5 þúsund
ár, að því er menn best vita.
64