Fréttablaðið - 14.12.2010, Blaðsíða 56
14. desember 2010 ÞRIÐJUDAGUR36
sport@frettabladid.is
KRISTINN STEINDÓRSSON er þessa dagana hjá sænska liðinu Örebro.
Kristinn, sem er leikmaður Breiðabliks, verður hjá liðinu næstu daga og mun
meðal annars spila tvo æfingaleiki með liðinu. Strákurinn hefur verið á faralds-
fæti því á dögunum var hann hjá þýska liðinu Greuther Fürth.
KÖRFUBOLTI Í gær var dregið í átta
liða úrslit í bikarkeppni karla og
kvenna.
Í karlaflokki eru tveir slagir
hjá liðum í efstu deild. Hið unga
og efnilega lið Fjölnis sækir KR
heim og Njarðvík, sem sló út
bikar meistara Snæfells í síðustu
umferð, fer í Hafnarfjörðinn og
spilar við Hauka.
Grindavík fær Laugdæli í
heimsókn en neðrideildarlið fá
ekki sjálfkrafa heimaleik þegar
svona langt er liðið á keppnina.
Borgnesingar þurfa síðan að
keyra á Sauðárkrók þar sem liðið
mætir Tindastóli sem hefur verið
á uppleið síðustu viku.
Það er mikill Suðurnesjaslagur
í kvennaflokki þar sem Grinda-
vík mun heimsækja Keflavík.
Topplið Hamars mun sækja
Snæfell heim og er líklegt til
afreka enda ekki enn búið að tapa
leik í vetur.
Njarðvík tekur á móti Haukum
og svo þurfa KR-stelpur að keyra
upp í Borgarnes.
Leikirnir verða spilaðir í kring-
um helgina 8. og 9. janúar. - hbg
Powerade-bikarinn:
Fjölnir sækir
KR heim
BIKARLEIKUR Fjölnir tapaði síðast í
Vesturbænum. FRÉTTABLAÐIÐ/VILHELM
Drátturinn
8 liða úrslit karla
Haukar - Njarðvík
KR - Fjölnir
Grindavík - Laugdælir
Tindastóll - Skallagrímur
8 liða úrslit kvenna
Snæfell - Hamar
Njarðvík - Haukar
Keflavík - Grindavík
Skallagrímur - KR
FÓTBOLTI Sú saga hefur gengið um
netheima að KR væri að tryggja
sér enska sóknarmanninn Gary
Martin frá ÍA. Martin kom til
Skagamanna um mitt sumar í
fyrra og skoraði tíu mörk í níu
leikjum í 1. deildinni. Rúnar Krist-
insson, þjálfari KR, kom af fjöllum
þegar hann var spurður út í þenn-
an orðróm.
„Ég hef aldrei heyrt minnst á
þetta nafn. Er þetta einhver leik-
ari? Það var einhver sem spurði
mig hvort það væri Englending-
ur á leiðinni til okkar en ég kann-
ast ekkert við þetta. Við erum ekki
að fara að taka inn einhvern Eng-
lending,“ sagði Rúnar en í lok síð-
asta sumars skrifaði Martin undir
nýjan eins árs samning við ÍA.
Varðandi leikmannamál KR
segir Rúnar að það sé í forgangi að
reyna að fá sóknarmanninn Guð-
jón Baldvinsson aftur til liðsins.
Guðjón er að reyna að fá sig laus-
an frá sænska liðinu GAIS en hann
spilaði um helgina æfingaleik með
Stjörnunni, uppeldisliði sínu.
„Við förum mjög varlega í allt
enda litlir peningar til hjá okkur
eins og annars staðar. Við fylgj-
umst vel með því sem er í gangi
hjá Guðjóni og erum bara að vinna
í því að hann komi í KR. Það er for-
gangsatriði hjá okkur núna. Hann
veit það sjálfur,“ sagði Rúnar.
KR hefur fengið til sín tvo leik-
menn í vetur, markvörðinn Hann-
es Þór Halldórsson frá Fram og
varnarmanninn Gunnar Þór Gunn-
arsson sem kemur frá Norrköping
í Svíþjóð. Gunnar er þó á meiðsla-
listanum sem stendur og byrjar
ekki að æfa strax með Vesturbæjar-
liðinu.
„Gunnar kemur hingað í kring-
um hátíðarnar og þá munum við
spjalla við hann. Hann fór í aðgerð
í ágúst vegna krossbandsslita í hné.
Hann er á hverjum degi hjá sjúkra-
þjálfara í Svíþjóð og er að vinna
skynsamlega í sínum málum. Við
reiknum ekki með því að hann geti
byrjað að æfa með okkur fyrr en í
febrúar eða mars. Hann fær þann
tíma sem hann þarf til að ná sér,“
sagði Rúnar.
- egm
Rúnar Kristinsson þjálfari KR segir að það sé forgangsatriði hjá liðinu að fá Guðjón Baldvinsson aftur:
Er þessi Gary Martin einhver leikari?
ÁFRAM Í VESTURBÆNUM? KR-ingar leggja mikla áherslu á að halda Guðjóni Bald-
vinssyni. FRÉTTABLAÐIÐ/ANTON
Á RÉTTRI LEIÐ Frammistaða Guðjóns í fyrstu leikjunum eftir löng meiðsli er framar vonum og í raun lyginni líkust.
NORDIC PHOTOS/BONGARTS
HANDBOLTI Í byrjun þessa mánaðar
lék Guðjón Valur Sigurðsson sinn
fyrsta handboltaleik í tíu mánuði
en hann hefur glímt við meiðsli. Á
sunnudag skoraði hann svo fimm
mörk fyrir Rhein-Neckar Löwen
gegn Gummersbach þar sem hann
innsiglaði sigur síns liðs.
„Það er góð tilfinning að vera
farinn aftur að klæða sig í treyju,
setja smá harpix á puttana og vera
með,“ segir Guðjón, sem spilaði
meira um helgina en hann reikn-
aði með.
„Vinstri hornamaðurinn var
búinn að standa sig vel í fyrri
hálfleik en hann hefur náttúrlega
spilað gríðarlega mikið upp á síð-
kastið. En þetta gekk bara ágæt-
lega.“
En hvar stendur Guðjón núna í
endurkomunni?
„Það er rosalega erfitt að segja.
Ég er mjög ánægður með æfinga-
formið mitt sem slíkt, ég get tekið
þátt í öllu á æfingum. Ég reyni að
lyfta mikið og hlaupa aukalega til
að ná upp styrknum,“ segir Guð-
jón.
„Það er bara eins og svart
og hvítt að æfa eða spila. Eins
og þessi leikur á sunnudaginn
sem spilaðist eins og hálfgerður
borðtennis leikur í seinni hálf-
leik. Það er rosalega erfitt að æfa
þannig en maður þarf að ná sér í
meiri leikæfingu og það hefur alla-
vega gengið vel í þessum tveimur
leikjum sem ég hef spilað. Nú er
bara að reyna að komast á þann
stað sem ég vil vera á.“
Guðjón ætti að fá góð tækifæri á
næstunni til að komast í betri leik-
æfingu.
„Það hafa verið erfiðir leikir en
á miðvikudag er bikarleikur gegn
þriðjudeildardeildarliði og ég er
að vonast til að fá að spila aðeins
meira þar. Hver mínúta telur
núna,“ segir hann.
Miðar allt út frá HM
Guðjón er algjör lykilmaður í
íslenska landsliðinu og viðurkennir
fúslega að miða allt við að vera
orðinn klár fyrir heimsmeistara-
mótið.
„Ég hef miðað allt út frá HM
síðan í maí. Maður vill samt ekki
vera með stórar yfirlýsingar því
það getur margt gerst. Þetta mót er
stórt og erfitt, margir leikir spilað-
ir á stuttum tíma. Ég tek stefnuna
þangað en það er hvorki skynsam-
legt né raunhæft núna að segjast
ætla að gera hitt og þetta.“
Það er um mánuður í HM sem
haldið verður í Svíþjóð að þessu
sinni. „Ég tek á endanum ákvörðun
sem er rétt bæði fyrir mig og fyrir
liðið. Ég er með skýrt hlutverk og
þessu fylgir mikil ábyrgð, ég veit
til hvers er ætlast af mér. Ef ég er
ekki í standi til að standast vænt-
ingar er engin ástæða til að fara á
mót eins og heimsmeistaramótið,“
segir Guðjón.
Þéttur pakki er við toppinn í
þýsku deildinni en Rhein-Neckar
Löwen er sem stendur fimm stig-
um á eftir toppliði Hamburg.
„Það eru nokkrir leikir sem sitja í
okkur. Það er tapið í Magdeburg og
svo var tapið gegn Flensburg okkur
dýrt en þeir voru einfaldlega betri
en við á þeim degi. En við erum í
alveg þokkalegum málum, ef við
stöndum okkur þá getur ýmislegt
gerst. Hamburg á eftir að spila erf-
iða útileiki,“ segir Guðjón.
„Álagið hefur verið mikið og til
dæmis er álagið á Óla (Ólaf Stef-
ánsson) það mesta sem hann hefur
lent í á ferlinum. Sá sem spilar
sömu stöðu og hann sleit krossbönd
og hann hefur þurft að spila mikið.
Svo hefur álagið á hornamönnun-
um verið mikið.“
Guðjón er þó bjartsýnn fyrir
seinni helming mótsins. „Þetta
getur allt saman snúist við. Ef við
náum að klára þennan mánuð vel
getum við verið mjög sáttir.“
elvargeir@frettabladid.is
Ef ég er ekki í standi
til að standast vænt-
ingar er engin ástæða
til að fara á mót eins og
heimsmeistaramótið.
GUÐJÓN VALUR SIGURÐSSON
LEIKMAÐUR RHEIN-NECKAR LÖWEN
Mun taka ákvörðun sem er rétt
bæði fyrir mig og landsliðið
Guðjón Valur Sigurðsson er kominn af stað með Rhein-Neckar Löwen eftir meiðsli og hefur staðið sig
ótrúlega vel í fyrstu leikjunum með liðinu. Hann skoraði til að mynda fimm mörk í seinni hálfleik gegn
Gummersbach um helgina. Hann er farinn að horfa til Svíþjóðar þar sem HM verður í janúar.
SUND Þrír íslenskir sundmenn
munu taka þátt í heimsmeistara-
mótinu í 25 metra laug sem hefst
í Dubai á morgun.
Þetta eru þau Jakob Jóhann
Sveinsson, Ragnheiður Ragnars-
dóttir og Hrafnhildur Lúthers-
dóttir.
Ragnheiður hefur verið í Dubai
síðan EM í Eindhoven lauk í lok
nóvember og ætti því að vera
vel klár í slaginn. Þau Jakob og
Hrafnhildur komu aftur á móti
til borgarinnar síðasta föstudag
ásamt Klaus Ohk landsliðsþjálf-
ara og urðu þar fagnaðarfundir
er þau hittu Ragnheiði. - hbg
Þrír Íslendingar á HM í Dubai:
Mótið hefst
á morgun
LANDSLIÐSHÓPURINN Þau Jakob, Ragn-
heiður og Hrafnhildur eru klár í slaginn.
MYND/SUNDSAMBANDIÐ