Fréttablaðið - 28.12.2010, Blaðsíða 6

6 28. desember 2010 ÞRIÐJUDAGUR
STJÓRNMÁL Lilja Mósesdóttir, þing-
maður VG, furðar sig á viðbrögð-
um flokksforystunnar við hjá-
setu hennar, Atla Gíslasonar og
Ásmundar Einars Daðasonar, við
afgreiðslu fjárlaga fyrr í mánuð-
inum. Hún telur þau hörð og ekki
til sátta fallin. Vísar hún til skrifa
Árna Þórs Sigurðssonar, starfandi
formanns þingflokksins, og Stein-
gríms J. Sigfússonar formanns.
Hún segir að svo kunni að fara að
í það minnsta hún segi sig úr þing-
flokknum.
Á þingflokksfundi fyrir jól
lagði Árni Þór fram greinargerð í
fimmtán liðum þar sem hann svar-
ar yfirlýsingu þremenninganna um
hjásetuna. Í fáum orðum sagt vísar
hann fullyrðingum þeirra um efna-
hagsáætlun, efnahagsforsendur,
niðurskurð, tekjuöflun, forgangs-
röðun og vinnubrögð á bug.
Lilja segir þremenningana ætla
að svara Árna efnislega í greinar-
gerð sem lögð verður fyrir þing-
flokkinn á fundi hans á nýju ári.
Um orð hans almennt segir hún
hins vegar að þau komi henni veru-
lega á óvart. „Það þarf tvo til að
deila og það var von okkar að það
væri hægt að setjast niður og ræða
málin. Reyndar vonuðum við fram
að þessari hjásetu að það yrði sest
niður með okkur og reynt að ná
samkomulagi en það var ekki gert.
Eftir hjásetuna er það svo bara
harkan sex og ég velti fyrir mér
hverjir það eru sem virkilega þrá
að sprengja þessa vinstri stjórn.
Við höfum verið sökuð um það
með hjásetunni en það voru ekki
við sem töluðu um vantraustsyfir-
lýsingu heldur flokksforystan. Það
var eins og hún væri að kalla fram
vantraustsyfirlýsingu frá stjórnar-
andstöðunni.“
Lilja segir þau Atla og Ásmund
hafa viljað semja um endanlega
útgáfu fjárlaga. Þau hafi rétt
fram sáttahönd með því að bera
upp þrjár misróttækar tillögur um
minni niðurskurð og aukna tekju-
öflun. Ekki hafi verið reynt að ná
sátt um tillögurnar.
Lilja segir málflutning Árna
Þórs ganga út á að þau þrjú eigi
að biðjast afsökunar á hjásetunni,
slíkur málflutningur auki ekki lík-
urnar á að sættir takist.
Í jólakveðju til flokksmanna
skrifaði Steingrímur J. Sigfússon
meðal annars: „Steinum sem velt
er í götuna fylgir mikil ábyrgð.“
Þeim orðum er talið beint að þre-
menningunum.
„Margir túlkuðu þessa steina í
götu ríkisstjórnarinnar sem valda
einstaklinga í VG,“ segir Lilja. „Ef
það er almennt skoðun stjórnarliða
að við séum steinar í götu þeirra sé
ég ekki annað en að við þurfum að
bjóðast til að yfirgefa stjórnarliðið
svo það geti haldið störfum sínum
áfram.“
Spurð hvort það geti orðið að
niðurstöðu að þau segi sig úr
þingflokknum, svarar Lilja – og
tekur fram að hún svari fyrir sig
eina: „Ef þetta er viðhorfið er sá
möguleiki fyrir hendi. Það var
ekki ætlunin eftir hjásetuna en sá
möguleiki varð til eftir viðbrögð
forystunnar.“
Eins og sakir standi íhugi hún
aðeins að segja sig úr þingflokkn-
um, úrsögn úr flokknum sjálfum
sé annað mál.
bjorn@frettabladid.is
Minni sáttalíkur eftir
viðbrögð forystunnar
Lilja Mósesdóttir furðar sig á hörðum viðbrögðum forystu VG við hjásetu henn-
ar og tveggja annarra við afgreiðslu fjárlaga. Svo geti farið að hún segi sig úr
þingflokknum. Hún veltir því fyrir sér hverjir vilji sprengja ríkisstjórnina.
Í ELDLÍNUNNI „Beðin um að segja af sér” var fyrirsögn á viðtali DV við Lilju Móses-
dóttur fyrir rúmu ári. Nú veltir hún fyrir sér úrsögn úr þingflokknum. FRÉTTABLAÐIÐ/VALLI
VM Stórhöfða 25 110 Reykjavík sími 575 9800 www.vm.is
FÉLAGSFUNDUR VM Í REYKJAVÍK
FYRIR SJÓMENN VM HÚSINU
AÐ STÓRHÖFÐA 25
29. DESEMBER KL. 17
DAGSKRÁ
Kynning á árangri VIRK
Starfsendurhæfingarsjóðs
Niðurstaða á netkönnun um kröfur VM
í komandi kjarasamningum.

Staðan í kjaramálum
Önnur mál
ÍTALÍA, AP Sprengja var send með
pósti til gríska sendiráðsins í
Róm í gær. Starfsmenn sendi-
ráðsins fundu sprengjuna áður
en hún sprakk. Tveir slösuðust
á aðfangadag þegar sams konar
sprengjur sprungu í sendiráðum
Síle og Sviss í Róm.
Óttast var í gær að sprengjur
hefðu verið sendar sendiráðum
Danmerkur, Venesúela og Món-
akó, en pakkar sem þóttu grun-
samlegir reyndust hættulausir.
Ítölsk samtök anarkista sem
kalla sig Óformlega anarkista-
sambandið hafa lýst ábyrgð á
sprengjunum sem sprungu á
aðfangadag á hendur sér. - bj
Sprengja í sendiráði í Róm:
Ótti í sendiráði
Danmerkur
RANNSÓKN Sérfræðingur ítölsku her-
lögreglunnar myndar sendiráð Sviss þar
sem sprengja sprakk á aðfangadag.
FRÉTTABLAÐIÐ/AP
STJÓRNSÝSLA Samvinna aðila sem
styðja við atvinnu- og byggðaþróun
er ekki næg og verkaskipting á
milli þeirra óljós að mati Ríkis-
endurskoðunar. Stofnunin telur að
endurskoða þurfi kerfið frá grunni
og einfalda það.
Alls verður 1,1 milljarði veitt til
málaflokksins samkvæmt frum-
varpi til fjárlaga fyrir næsta ár.
Féð rennur til Nýsköpunarmið-
stöðvar Íslands, Byggðastofnunar
og byggðaáætlunar.
Féð fer meðal annars til sjö
starfsstöðva Nýsköpunarmið-
stöðvarinnar á landsbyggðinni
og til svokallaðra vaxtasamninga
við átta staðbundin atvinnuþró-
unarfélög, að því er fram kemur í
skýrslu Ríkisendurskoðunar. Þar
kemur fram að „flókið stuðnings-
kerfi atvinnulífsins og ófullnægj-
andi skráning fjárhagsupplýsinga“
torveldi skýra heildarsýn um fjár-
veitingar til atvinnu- og byggða-
þróunar.
Ríkisendurskoðun telur að bæta
þurfi skipulag og eftirlit með þess-
um málaflokki og einfalda kerfið. Í
kjölfarið verði að greina kostnað og
ávinning af stuðningi við atvinnu-
og byggðaþróun til að hægt sé að
meta hvort fjármagn sem veitt er
til málaflokksins hafi verið nýtt
með hagkvæmum og árangursrík-
um hætti. - bj
Verkaskipting á sviði atvinnu- og byggðaþróunar óljós segir ríkisendurskoðun:
Samvinnan ekki nægjanleg
GREINING Meta þarf kostnað og ábata af stuðningi ríkisins við Byggðastofnun og
öðrum stofnunum. FRÉTTABLAÐIÐ/VILHELM
EFNAHAGSMÁL Skilanefnd Lands-
bankans hefur leyst til sín einbýlis-
hús Jóhannesar Jónssonar í Bónus
á Norðurlandi.
Húsið skipti um
eigendur 10.
desember síð-
astliðinn.
Húsið var sett
til trygging-
ar kröfum sem
námu tæpum
280 milljónum
króna árin 2006
og 2007, sem
eru um hundrað milljónum meira á
verðlagi dagsins í dag.
Húsið var byggt árið 2005. Það
er rúmlega 420 fermetrar að stærð
auk viðbygginga. Fasteignamat
hússins er nú rúmlega 91 millj-
ón króna, tæpum 200 milljónum
lægra en upphaflegt virði krafna.
Brunabótamatið er 325 milljónir.
Það mun fara í hefðbundna sölu-
meðferð. - þeb
Missir húsið fyrir norðan:
Hús Jóhannesar
til Landsbanka
NEW YORK, AP Meira en 2.000 flug-
ferðum var frestað og allar sam-
göngur voru í uppnámi vegna
mikillar snjókomu á Austur-
strönd Bandaríkjanna í gær.
Neyðarástandi var lýst yfir í
sex ríkjum á austurströndinni
þar sem þúsundir manna voru
án rafmagns. Í Massachusetts
hvatti ríkisstjórinn fólk til að
vera ekki á ferli og gaf þúsund-
um opinberra starfsmanna frí úr
vinnu. Hvít jól voru í fyrsta skipti
í meira en 100 ár í Georgíu og
Suður-Karólínu. - pg
Hvít jól í Bandaríkjunum:
Samgöngur
víða í uppnámi
SVEITARSTJÓRNARMÁL Eftirlits-
nefnd með fjármálum sveitar-
félaga (EFS) mun ekki aðhafast
frekar vegna fjármála Kópavogs-
bæjar. Þetta kemur fram í bréfi
EFS til bæjarstjórnar dagsettu
17. desember síðastliðinn. EFS
ítrekar þó varnaðarorð til bæj-
arstjórnarinnar um skuldastöðu
bæjarins og mun nefndin fylgjast
með framvindu fjármála bæjar-
ins á næstu misserum.
Guðríður Arnardóttir, formað-
ur bæjarráðs, fagnar niðurstöðu
nefndarinnar á heimasíðu sveit-
arfélagsins. Hún segir brýnt að
stjórnendum bæjarins takist að
vinda ofan af miklum skuldum
sem muni létta reksturinn til
lengri tíma. „Það er ljóst að ekk-
ert má út af bregða og við þurfum
að halda stíft í taumana,“ segir
Guðríður.
Samkvæmt fjárhagsáætlun
Kópavogs fyrir árið 2011 á rekst-
urinn að skila einum milljarði til
lækkunar skulda á því ári og svo
áfram næstu árin. Bæjarstjórn-
in hefur jafnframt sett sér það
markmið að skuldir sem hlutfall
af tekjum verði undir 200 pró-
sentum árið 2014. Áætlað er að
þetta hlutfall verði 248 prósent
vegna þessa árs og að það verði
214 prósent á næsta ári. - shá
Eftirlitsnefnd aðhefst ekki frekar vegna fjármála Kópavogsbæjar að svo stöddu:
Áfram fylgst með fjármálum
KÓPAVOGSBÆR Skuldir og skuldbinding-
ar bæjarins eru um 30 milljarðar króna.
Skuldir á að greiða niður um milljarð
næstu árin. FRÉTTABLAÐIÐ/VILHELM
JÓHANNES
JÓNSSON
Áframhaldandi varðhald
Þorvarður Davíð Ólafsson, sem
réðst á Ólaf Þórðarson, föður sinn, á
heimili hans um miðjan nóvember,
hefur verið úrskurðaður í áframhald-
andi gæsluvarðhald til 21. janúar.
Ólafur liggur á heila- og taugadeild
Landspítalans.
LÖGREGLUMÁL
Fórst þú í jólamessu?
Já 16,6%
Nei 83,4%
SPURNING DAGSINS Í DAG:
Skilaðir þú einhverjum jólagjöf-
um í ár?
Segðu þína skoðun á vísir.is
KJÖRKASSINN