Fréttablaðið - 31.12.2010, Page 33

31. desember 2010 FÖSTUDAGUR1
Sölufulltrúar: Jóna María Hafsteinsdóttir jmh@365.is 512 5473 Þórdís Hermannsdóttir thordish@365.is 512 5447
„Ég átti nú ekki að fæðast fyrr
en á þrettándanum en dreif mig
svo í heiminn á nýársnótt og varð
fyrsta barn ársins 1991, sem hefur
svo fylgt mér æ síðan,“ segir Carl
Jónas Árnason, rafvirki og lands-
liðsmaður í íshokkí, sem klukkan
tólf mínútur yfir eitt í nótt mælir
tuttugu ár af ævi sinni.
„Áramót eru almennt gleðileg-
ur hápunktur og mikið um fagn-
aðarlæti og fjör, en ég efast um að
fögnuðurinn heima hafi alltaf snú-
ist um mig einan,“ segir Carl og
brosir sposkur. „Ég fékk þó alltaf
afmælispakka á nýársnótt og fæ
enn hlýjar kveðjur og gjafir frá
mínum nánustu á þessum tíma-
mótum,“ segir Carl sem reyndar
hefur aldrei haldið upp á afmæl-
ið sitt með veisluhöldum á nýárs-
dag. „Mig langaði alltaf að prófa
það en fékk aldrei því dagurinn
þykir óhentugur til afmælishalds.
Afmælisveislan var því alltaf hald-
in seinna í janúar og svo verður
einnig í tilefni tvítugsafmælis-
ins nú,“ segir Carl, sem ætlar að
verja áramótunum í góðu yfirlæti
með tveggja ára syni sínum suður
í Grindavík hjá móður sinni.
„Öllum að óvörum tók mamma
upp á því að bjóða til brúðkaups
á gamlársdag og því mætum við
feðgar galvaskir í óvænta brúð-
kaupsveislu. Ég gleðst fyrir henn-
ar hönd og hlakka til látlausra
veisluhalda og friðsælla áramóta
með fjölskyldunni. Skemmtileg-
ustu áramótin hef ég upplifað eftir
að ég varð faðir og þótt strákur-
inn hafi mestmegnis sofið fyrstu
áramót sín af sér var einfaldlega
æðislegt að hafa hann og hlökk-
um við mikið til ljósadýrðarinnar
nú,“ segir Carl og faðmar son sinn
í bjarma stjörnuljósa.
„Mér hefur aldrei þótt neinu
breyta hvort ég hefði fæðst fyrir
miðnætti áramótin 1990/1991 utan
hvað ég gladdist mjög að hafa
fæðst á nýársdag þegar ég komst
á bílprófsaldurinn,“ segir Carl
kátur, en hann er skírður í höfuð
hálfdansks afa síns, sem skýrir C-
ið í nafni hans.
„Nýárið leggst vel í mig og ég
kveð það gamla sáttur því það
hefur verið vandræðaár. Því fylg-
ir góð tilfinning að verða tvítugur
í nótt og ég fer inn í nýja árið með
ferska byrjun.“
thordis@frettabladid.is
Gleðst fyrir hönd mömmu
sinnar sem giftir sig í dag
Það tilheyrir áramótum að fá augum litið fyrsta barn ársins á nýársdag. Íshokkíkappinn og rafvirkinn
Carl Jónas Árnason fæddist fyrstur íslenskra barna í Reykjavík 72 mínútum yfir miðnætti árið 1991.
Hér eru þeir feðgar Carl Jónas Árnason og Jóhann Andri, tveggja ára, með skínandi stjörnuljós í félagi við kátan jólasvein.
FRÉTTABLAÐIÐ/VALLI
Flugeldar eru yfirleitt búnir til úr tveimur aðskildum hylkjum.
Annað er fyllt með grófu púðri sem kemur flugeldinum á loft en í
hinu er fíngert púður sem veldur sprengingu eftir að flugeldurinn
er kominn á loft. Í seinna hylkinu eru einnig efni sem mynda liti
þegar þau eru hituð upp.
MiðvikudagaJóna María Hafsteinsdóttir
jmh@365.is - sími 512 5473
Henný Árnadóttir
henny@365.is - sími 512 5427
Þórdís Hermannsdóttir
thordish@365.is - sími 512 5447
Veitingahúsið Perlan - Sími 562 0200 - Fax 562 0207
Netfang perlan@perlan.is - Heimasíða www.perlan.is
Nánar á vef Perlunnar, perlan.is
Nýársfagnaður
1. janúar 2011
Nýju ári fagnað með stórkostlegri veislu
með mögnuðum 4 rétta matseðli.
Verð frá 6.990 kr.
FORRÉTTIR
· Heitreykt bleikja ·
og
· Steinseljurótasúpa ·
AÐALRÉTTIR (veljið einn)
· Fiskur dagsins ·
· Steikt heiðagæsabringa ·
· Wellington nautalund ·
· Ofnsteiktur lambahryggur ·
EFTIRRÉTTUR
· Súkkulaði og pistasíu kaka ·
FORSÍÐA VIÐSKIPTI ÍÞRÓTTIR LÍFIÐ UMRÆÐAN
Meiri Vísir.
MEIRI
GLAMÚR
Deildu Vísi með öðrum. Þeir sem
setja „like“ við Vísi á Facebook
geta unnið óvænta vinninga í
hverri viku.
m.visir.is
Fáðu Vísi í símannog iPad!