Fréttablaðið - 01.11.2010, Qupperneq 12
12 1. nóvember 2010 MÁNUDAGUR
FRÁ DEGI TIL DAGS
greinar@frettabladid.is
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
HELGAREFNI: Sigríður Björg Tómasdóttir sigridur@frettabladid.is MENNING: Bergsteinn Sigurðsson bergsteinn@frettabladid.is ALLT OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
HALLDÓR
ERTU MEÐ
VIÐKVÆMA HÚÐ?
Finnur þú fyrir þurrki í leggöngum, kláða, sveppasýkingu
eða færðu sár við notkun dömubinda?
Prófaðu þá Natracare lífrænar hreinlætisvörur, án klórs,
ilm- og plastefna.
www.natracare.is
LÍFRÆNAR HREINLÆTISVÖRUR
Nàttúruleg vellíðan Þ
að eru sex ár síðan hópur innan KFUM
og K hóf verkefnið „Jól í skókassa“.
Verkefnið snýst um að safna jólagjöfum
handa munaðarlausum og veikum börnum í
Úkraínu. Í gegnum Evrópusamband KFUM
höfðu skapast tengsl við samtökin í Úkra-
ínu og þannig barst hópnum til eyrna að á
svæðinu byggi mikill fjöldi barna við erfið-
ar aðstæður. Aðstæður sem jafnvel Íslend-
ingar í kreppu eiga erfitt með að ímynda
sér. Fljótt vaknaði sú hugmynd að gleðja
þessi börn og gera þeim lífið auðveldara
með því að fá íslensk börn og allan almenn-
ing til að gefa þeim einfaldar jólagjafir,
pakkaðar inn í skókassa. Viðtökurnar hafa
verið frábærar og þúsundir gjafa glatt börn
undanfarin ár sem annars fengju enga jóla-
gjöf. Hvert ár hafa fulltrúar hópsins farið
til Úkraínu og fylgst með dreifingu jólagjaf-
anna og skoðað aðstæður þar sem gjöfunum
hefur verið dreift. Nokkrar umbætur hafa
orðið frá því að okkar fólk fór fyrst til Kir-
ovograd. Stjórnvöld hafa látið meira fé til
munaðarleysingjaheimila þar sem aðstæður
hafa verið afar frumstæðar. Að sama skapi
hefur verkefnið hjálpað við uppbygginguna
með kaupum á þvottavélum, rúmdýnum,
tónlistar vörum o.fl. Sú upplifun að sjá við-
brögð barnanna þegar þau fá jólagjafirnar
frá Íslandi segir okkur líka að ekki þarf
mikið til að hleypa gleði í líf margra.
Gjafirnar eru einfaldar en jafnframt
fjölbreytilegar og gagnlegar fyrir börnin.
Settir eru margvíslegir hlutir eins og leik-
föng, skriffæri, hreinlætisvörur, sælgæti
og fatnaður í skókassa sem pakkað er inn í
jólapappír. Við móttöku skókassanna höfum
við síðan bætt í þá Biblíumynd með texta á
úkraínsku. Á heimasíðu verkefnisins, www.
skokassar.net, má finna nákvæmari leið-
beiningar.
Við viljum nota þetta tækifæri til að
þakka öllum þeim sem tekið hafa þátt og
hjálpað okkur við verkefnið. Fórnfúsir ein-
staklingar hafa lagt mikið af mörkum við að
hvetja fólk til að búa til gjafir, safna þeim
saman og koma til miðstöðvar söfnunar-
innar í húsi KFUM og K Holtavegi 28.
Hefur þar skapast skemmtilegt andrúms-
loft á lokadegi söfnunarinnar þar sem fjöldi
fólks hefur mætt með gjafir, þegið léttar
veitingar og kynnt sér verkefnið frekar. Í ár
verður þessi dagur haldinn laugardaginn 6.
nóvember á sama stað og áður.
Að síðustu viljum við hvetja sem flesta
til að slást í för með þeim sem gefa jól í skó-
kassa og læra af eigin raun að það er sannar-
lega sælla að gefa en þiggja.
Gleðileg skókassajól!
Félagsmál
Björg
Jónsdóttir
Skipuleggjandi
verkefnisins Jól í
skókassa
Mikill misskilningur
Jón Bjarnason, sjávarútvegs- og
landbúnaðarráðherra, flutti ræðu
á fundi LÍÚ á fimmtudag þar sem
hann brást við gagnrýni forystu LÍÚ
á „illa ígrundaðar og óraunhæfar“
hugmyndir stjórnvalda. Hann minnti
fundarmenn á að í stefnuyfirlýsingu
ríkisstjórnarinnar kæmi fram sú
veigamikla yfirlýsing að stjórn fisk-
veiða skyldi endur-
skoða og bætti svo
við að ef einhverjir
héldu að engin
alvara fylgdi þeim
orðum þá væri það
mikill misskiln-
ingur.
Fylgir alvara orðunum?
Í ræðunni vék Jón einnig að aðildar-
viðræðum Íslands við ESB. Hann
sagðist hafa mótmælt því aðlögunar-
ferli sem nú ætti sér stað og fallast
ekki á að málefni ráðuneytisins væru
löguð að regluverki ESB meðan aðild
hefði ekki verið ákveðin í þjóðar-
atkvæðagreiðslu. Jón minntist hins
vegar ekki á að í stefnuyfirlýsingu
ríkisstjórnarinnar kemur fram
að ákvörðun um aðild skuli
vera í höndum þjóðar-
innar, sem muni greiða
atkvæði um samning að
loknum aðildarviðræðum.
Fylgdi engin alvara þeim
orðum?
Kreddur og kellingar
Ásmundur Friðriksson, bæjarstjóri í
Garði, hefur sætt gagnrýni fyrir orð
sín á þá leið að Steingrímur J. Sigfús-
son væri eins og kelling, segði ekki
orð, á fundi um atvinnumál á Suður-
nesjum á fimmtudag. Í gær baðst
Ásmundur afsökunar á ummælunum
en benti auk þess á að „kerlingabók“
þýðir kredda eða hjátrú samkvæmt
orðabók Menningarsjóðs og gaf þar
með til kynna að hann hefði notað
orðið í þeim skilningi. Hann átti
semsagt við að Steingrímur væri
hljóðlátur eins og hjátrúarfullur
einstaklingur. Það verður að teljast
langsótt líking hjá Ásmundi.
magnusl@frettabladid.isF
réttablaðið hefur undanfarna tíu daga fjallað um
varnar leysi Íslands gagnvart tölvuárásum. Slíkar
árásir eru taldar vaxandi ógn við öryggi ríkja og
geta verið af margvíslegum toga. Tölvuþrjótar geta
reynt að ráðast á netkerfi einstakra fyrirtækja eða
jafnvel heilu ríkjanna og hefur glæpastarfsemi á netinu vaxið
gríðarlega. Talið er að hryðjuverkamenn geti valdið miklum
skaða í netkerfum og er rökstuddur grunur um að þjóðríki séu
byrjuð að beita netárásum sem vopni gegn óvinum. Þannig
urðu netkerfi í Eistlandi fyrir alvarlegum árásum í kjölfar
deilna við Rússland árið 2007
og Georgía varð fyrir heiftar-
legum net árásum samhliða
innrás Rússa í landið ári síðar.
Vitað er að kínverski herinn
hefur lagt mikið fé til þróunar
nethernaðar.
Netkerfi eru lífsnauðsynleg
flestum þróuðum samfélögum.
Truflun á netsamskiptum getur núorðið valdið gífurlegum
usla, fjárhagstjóni og jafnvel slysum og dauðsföllum. Flest
ríki leggja því vaxandi áherzlu á netvarnir. Varnir gegn tölvu-
árásum af margvíslegum toga eru þannig orðnar talsverður
þáttur í starfi Atlantshafsbandalagsins (NATO). Eistum hefur
verið falin forysta á því sviði innan bandalagsins, enda eru
þeir reynslunni ríkari.
Undirbúningur netvarna var hafinn hér á landi bæði á
vegum Póst- og fjarskiptastofnunar og Varnarmálastofnunar
en stöðvaðist vegna fjárskorts, eins og Fréttablaðið hefur fjall-
að um. Póst- og fjarskiptastofnun hefur árum saman mælzt til
þess að sérstöku viðbragðsteymi gegn netárásum yrði komið
á fót hér á landi. Undir það hefur verið tekið í samþykktum
Alþingis og var hópur sem vann hættumat fyrir Ísland á
vegum utanríkisráðuneytisins sama sinnis.
Lítið hefur hins vegar gerzt í málinu fyrr en í síðustu viku,
eftir að Fréttablaðið fjallaði um það. Að tillögu Ögmundar
Jónassonar, dóms- og mannréttindamálaráðherra og sam-
gönguráðherra, hefur ríkisstjórnin nú samþykkt að koma á
fót öryggis- og viðbragðsteymi til að vinna gegn og bregðast
við netárásum. Gert er ráð fyrir að á vegum Póst- og fjar-
skiptastofnunar verði tveir til þrír sérfræðingar í fullu starfi
við þetta verkefni.
Þetta eru skjót viðbrögð hjá Ögmundi, en verkefnið er líka
þess efnis að því verður að sinna. Kostnaðurinn við varnirnar
er miklu minni en það tjón sem getur orðið ef Ísland er óvið-
búið tölvuárás.
„Það er farið að skilgreina öryggi í netheimum sem grund-
vallarþátt í öryggi samfélaga. Þetta er eiginlega sjálfsagður
hlutur að reyna að hafa í lagi, eftir því sem frekast er kostur,“
sagði Ögmundur í samtali við Fréttablaðið á laugardag.
Það er rétt hjá Ögmundi og jákvætt hvað ráðherrann er orð-
inn áhugasamur um landvarnir – að minnsta kosti á netinu.
Ögmundur Jónasson brást skjótt við fréttaflutn-
ingi um varnarleysi Íslands gagnvart tölvuárás.
Varnir á netinu
Ólafur Þ.
Stephensen
olafur@frettabladid.is
SKOÐUN