Sameiningin - 01.11.1943, Blaðsíða 10

104
heilög fyrirmynd Jesú Krists birtir mannkyninu”.
Þar sem hið efnismikla ávarp Sigurgeirs biskups hefir
þegar verið endurprentað í “Lögbergi”, og margir lesendur
þessa rits hafa að sjálfsögðu lesið það þar, verður það eigi
frekar rakið hér. En bæta má því við, að í annari grein um
verkefni blaðsins tekur hann fram, að það ræði ekki ein-
göngu trúarleg efni, heldur einnig önnur mál, er þjóðina
varða frá kristilegu og kirkjulegu sjónarmiði. Þá ber og
að geta þess þakklátlega, að blaðið lætur sig einnig skipta
kirkjulegt líf íslendinga hér í landi, og fer biskup um það
þessum orðum í grein sinni: “Mun það við og við birta
ýmsar fréttir frá systurkirkjunni vestan hafs og löndum
vorum þar. Hefir hinn góðkunni Vestur-lslendingur Valdimar
Björnsson, sem nú dvelur hér á landi, heitið blaðinu stuðn-
ingi og mikilsverðri aðstoð í þeim málum.
Þau átta blöð, sem mér hafa borist af “Kirkjublaðinu”,
eru ágætlega í anda stefnuskrár þess, flytja ræður, erindi
og ritstjórnargreinar um trúarleg og menningarleg efni,
auk kirkjulegra og almennra frétta. fslenzka kirkjan á
fjölda prýðilega ritfærra manna í hópi presta sinna, sem
heitið hafa blaðinu stuðningi sínum, og eru þegar farnir að
leggja því til lesmál. Má því fyllilega ætla, að það verði
lyftistöng andlegu lífi þjóðarinnar, og er gott til þess að
vita, að því hefir þegar verið vel tekið. Ef einhverjir
skyldu vilja gerast áskrifendur þess hér vestra, en ágætlega
færi á því, má geta þess, að það kostar 10 krónur fram til
næstu áramóta, en síðan 15 krónur árgangurinn. Utanáskrift
þess er: “Kirkjublaðið”, Pósthólf 532, Reykjavík.
Sjötíu og fimm ára afmæli séra Friðriks FriSrikssonar.
Séra Friðrik Friðriksson. brautriðjandi og forvígismað-
ur Kristilegs Félags Ungra Manna (K. F. U. M.) á íslandi,
átti 75 ára afmæli þ. 25. maí síðastliðinn, og var þess at-
burðar minnst með virðulegri hátíðasamkomu í húsi félags-
ins, er fjölmenni sótti. Dr. theol. Bjarni Jónsson, vígslu-
biskup, flutti aðalræðuna, er. meðal annara, sem töluðu,
voru Magnús Runólfsson cand. theol., framkvæmdarstjóri
félagsins, Sigurgeir Sigurðsson biskup, séra Árni Sigurðsson
fríkirkjuprestur, og Valdimar Björnsson liðsforingi, sem
flutti kveðju héðan að vestan; en eins og marga rekur
minni til, var séra Friðrik um skeið starfandi prestur meðal
íslendinga hér í landi og á því enn ítök í hugum þeirra.
Allir þeir, eins og sá, sem þetta ritar, er komust á yngri