Sameiningin - 01.07.1927, Blaðsíða 4

!94
Fimtuclagskvöldið þann 23. júní flutti séra Jónas A. Sigurðs-
son snjallan fyrirlestur, er hann nefndi “Kristindómur vs. heiðin-
dómur.” Þarf það erindi að vera lesið til þess að menn hafi
þess full not. Birtist þaÖ í þessu tölublaði “Sam.” —• Næsta
kvöld voru flutt tvö erindi. Séra N. S. Thorlaksson lagði út 'af
spurningunni, “Hvað virðist yður um Krist?” Þó erindið sé að
nokkru leyti ádeila, sem snertir hinn kirkjulega ágreining hér á
vesturslóðum, er auðsætt að það er málefni en ekki menn, sem er
efst í huga fyrirlesarans. Með alvöru og sannfæringarkrafti vill
hann gera grein fyrir þeim mismun á afstöðu til Krists, sem kem-
ur fram í únítara stefnunni og stefnu lúterskrar kristni, sem er
söguleg stefna allra megin-deilda kristninnar. — Þessi fyrirlest-
ur verður birtur í ágúst tölublaði “Sam.” ■—• Cand. theol. Kolbeinn
Sæmundsson flutti síðara erindið þetta kvöld, og nefndi það
“Samverkamenn Guðs.” Erindið var hugðnæmt, og kemur fyrir
almennings sjónir á sínum tíma. — Á laugardagskvöldið var trú-
málafundur þingsins. Umræðuefnið var: “Bænarlífið og efling
þess.” Séra Carl J. Olson var málshefjandi. Lagði hann málið
fyrir með vönduðu erindi, fluttu af brennandi sannfæringarkrafti.
Mun það allra mál að fundurinn hafi verið hinn uppbyggilegasti.
Séra Carl flutti mál sitt blaðalaust, en æskilegt hefði verið, að það
mætti “á þrykk út ganga.”
Hádegis guðsþjónusta var á sunnudaginn á ensku. eins og
venja er til í söfnuðinum. Séra Haraldur Sigmar flutti þá prédik-
un. Er hann ágætlega máli farinn á ensku, og flutti látlausa en
uppbyggilega prédikun. Heyrði eg marga minnast á hve fagurt
þeim þótti guösþjónustuformið, sem notað var. Er það “Common
Service” lútersku kirkjunnar enskumælandi i Ameríku, og er
notuð að staðaldri við enskar guðsþjónustur í Fyrsta lút. söfnuði.
Á venjulegum sunnudagaskólatíma var aftur komið saman í
kirkjunni. Cand. theol. Kolbeinn Sæmundsson ávarpaði skólann
og gesti þá hina mörgu, er við voru. — Svo var heimboð fyrir
kirkjuþingsgesti í Jóns Bjarnasonar skóla, og stóðu fyrir því þau
séra Rúnólfur Marteinsson og kona hans og ungfrú Salóme Hall-
dórsson. Stóð það yfir frá kl. 3—5. Var það mjög ánægjuleg
stuncl.
Við kvöldþjónustuna var vígður til prests cand. theol. Kol-
beinn Sæmundsson, sem tekið hefir köllun frá Hallgríms söfnuði
í Seattle. Forseti flutti prédikun úr Filippíbr. 4:13, og fram-
kvæmdi vígsluna með aðstoð hinna prestanna. Séra Sigurður
Ólafsson lýsti vígslunni og las æfiágrip vígsluþega. Átti ekki