Fréttablaðið - 10.05.2011, Blaðsíða 8
10. maí 2011 ÞRIÐJUDAGUR8
BAUGSMÁL Dómari við Héraðsdóm Reykja-
víkur hafnaði í gær frávísunarkröfu verj-
enda í skattahluta Baugsmálsins. Dómarinn
taldi ákæru í málinu ekki svo óskýra að
ákærðu gætu ekki varið sig.
Í málinu eru þrír einstaklingar ákærðir
fyrir skattalagabrot, persónulega og í rekstri
fyrirtækja. Ákærðu eru þau Jón Ásgeir
Jóhannesson, Kristín Jóhannesdóttir og
Tryggvi Jónsson.
Verjendur töldu ákæru svo óskýra að ekki
væri hægt að átta sig á ákæruatriðunum. Vís-
uðu þeir einkum til þess að ekki væri sundur-
liðað hvaða skattar og gjöld hafi ekki verið
greidd á því tímabili sem ákært er vegna.
Við málflutning um frávísunarkröfuna
hafnaði settur ríkislögreglustjóri í málinu
þeim málatilbúnaði og sagði ákæruna í fullu
samræmi við lög og venjur í slíkum sakamál-
um. Á það féllst dómarinn í úrskurði sínum.
Verjendur vísuðu til dóms sem féll í fyrri
hluta Baugsmálsins árið 2005. Þar var mál-
inu vísað frá dómi þar sem Pétri Guðgeirs-
syni héraðsdómara þótti ekki mega lesa
sakagiftir úr ákæru. Pétur er einnig dómari
í þeim hluta Baugsmálsins sem nú er fyrir
dómi.
Ekki er hægt að kæra úrskurðinn til
Hæstaréttar. Næsta skref er því aðalmeð-
ferð, sem áformað er að fari fram í haust. - bj
Dómari telur ekki ástæðu til að vísa frá ákæru í skattahluta Baugsmálsins:
Dómurinn telur ákæruna vera skýra
KRAFA Ekki er hægt að kæra niðurstöðu héraðsdóms
til Hæstaréttar. Aðalmeðferð í málinu er áformuð í
haust. FRÉTTABLAÐIÐ/STEFÁN
TÍMAMÓT Í tilefni þess að 66 ár eru
liðin frá sigrinum í Föðurlands-
stríðinu mikla og lokum síðari
heimsstyrjaldarinnar lagði sendi-
herra Rússlands, Andrei Tsyganov,
krans að minnismerkinu Voninni í
Fossvogskirkjugarði í gær. Sendi-
herrar annarra erlendra ríkja
tóku einnig þátt í athöfninni auk
íslenskra embættismanna.
Séra Timur Zolotuskij, prestur
safnaðar heilags Nikulásar rúss-
nesku rétttrúnaðarkirkjunnar í
Reykjavík, hélt að því búnu stutta
minningarmessu. Vonin var reist
2005 til minningar um sjómenn
sem létu lífið í skipalestum banda-
manna til Sovétríkjanna. - ibs
Minningarathöfn haldin í Fossvogi um sigurinn í Föðurlandsstríðinu mikla:
Rússar minnast styrjaldarloka
MINNINGARATHÖFN Sendiherra Rúss-
lands og sendiherrar annarra erlendra
ríkja lögðu í gær krans að minnismerk-
inu Voninni í Fossvogskirkjugarði til
þess að minnast loka síðari heims-
styrjaldarinnar.
FRÉTTABLAÐIÐ/GVA
heilbrigðara umhverfi = betri líðan = bjartari framtíð
Ráðstefna Vistbyggðarráðs og Vistmenntar
Norræna húsinu, fimmtudaginn 12. maí 2011
kl. 9:00-16:00
Fyrri hluti: erindi kl. 9:00 - 12:30
Svandís Svavarsdóttir, umhverfisráðherra.
Martin Haas, arkitekt hjá Behnisch Architekten í Þýskalandi.
Mikael Koch, arkitekt hjá Danskeark í Danmörku.
Mark Clough, verkfræðingur hjá Genex í Bretlandi.
Helga J. Bjarnadóttir, sviðsstjóri Umhverfissviðs EFLU.
Harpa Birgisdóttir, sérfræðingur hjá SBi í Danmörku.
Dennis Carlberg, arkitekt og forstöðumaður sjálfbærnimála
við Boston University.
Seinni hluti: málstofur kl. 13:30 - 16:00
Vottunarkerfi – mikilvæg tæki eða markaðsvara ? (á ensku)
Kynning á starfi vinnuhópa Vistbyggðarráðs (á íslensku)
Skráning og nánari dagskrá á www.vbr.is og www.ai.is
Háaleitisbraut 66, 1O3 Reykjavík, Sími 528 44OO
hringja í söfnunar-
símann 9O7 2OO2,
gefa framlag á
framlag.is,
gjofsemgefur.is eða
á söfnunarreikning
O334-26-886,
kt. 45O67O-O499.
Ný nálgun við mataraðstoð
Hjálparstarf kirkjunnar ætlar að hverfa frá
matargjöfum í poka og veita í staðinn barnafólki
mataraðstoð með inneignarkortum í verslunum.
Valgreiðsla hefur verið send í
heimabanka þinn. Með því að
greiða hana styður þú innanlands-
aðstoð Hjálparstarfs kirkjunnar og
hjálpar til sjálfshjálpar.
www.help.is
PI
PA
R\
TB
W
A
•
SÍ
A
•
11
10
93
ATVINNUMÁL Tekjur af hreindýrum
á Austurlandi eru verulega minni
en þær gætu verið vegna þess að
veiðileyfin er seld á undirverði.
Þetta segja kennarar við Háskól-
ann á Akureyri.
Niðurstaða Jóns Þorvalds
Heiðars sonar lektors og Stefáns
Sigurðssonar aðjúnkts varðandi
tekjur af hreindýraveiðum komu
fram í erindi þeirra um efna-
hagsleg áhrif skotveiða á Íslandi.
„Spyrja má hvort skotveiðar og
veiðiferðamennska geti haft meira
efnahagslegt vægi en nú er. Þetta
er einkar áleitin spurning varð-
andi hreindýraveiðarnar,“ sögðu
Jón og Stefán, sem kveða veiðar
á hreindýrum á Íslandi ekki skil-
virkar.
„Óskilvirkni veiðanna á hrein-
dýrunum felst ekki í ofveiði eins
og oft vill brenna við varðandi
veiðar. Óskilvirknin felst í því að
veiðileyfin eru seld á undirverði.
Ekki er reynt að selja veiði leyfin
á hæsta mögulega verði,“ segja
fræðimennirnir og útskýra að
vegna þess verði tekjur af veiðinni
verulega minni en ella og minna
fjárflæði komi til Austurlands
en ef nýtingin væri skilvirk. Þeir
áætla að 26 störf séu á Austurlandi
vegna hreindýraveiðanna.
„Störf vegna hreindýraveiða á
Austurlandi eru því færri nú en
þau væru ef auðlindin væri nýtt á
eðlilegan hátt. Eðlilegast væri að
veiðileyfin yrðu boðin hæstbjóð-
anda,“ segja Jón og Stefán sem telja
núverandi fyrirkomulag „fæla burt
erlenda veiðimenn sem eru tilbúnir
til að eyða miklum fjármunum á
veiðiferðum.“
Jón og Stefán segja að ef veiði-
leyfi væru seld hæstbjóðanda væri
auðvelt fyrir þá veiðimenn að leggja
fram það hátt tilboð að öruggt yrði
að þeir gætu veitt næsta tímabil.
„Nú er því ekki til að dreifa held-
ur ræður tilviljun því hvort þess-
ir dýrmætustu veiðimenn fá leyfi
eða ekki. Fyrirkomulagið er einn-
ig til þess fallið að þeir nenni ekki
að eyða fyrirhöfn í slíkt happdrætti
heldur veiði annars staðar í heim-
inum. Má því færa rök fyrir því að
Ísland verði af vissum gjaldeyris-
tekjum vegna óskilvirkrar nýting-
ar á auðlindinni hreindýr.“
Í erindinu kom fram að á árinu
2009 greiddu hreindýraveiðimenn
samtals 97 milljónir króna fyrir
leyfi til að fella samtals 1.333 dýr.
Þar af fóru 82 milljónir til land-
eigenda og Umhverfisstofnunar og
Náttúrverndarstofa Austurlands
fékk afganginn. Hver og einn veiði-
maður er talinn hafa eytt að með-
altali tæpum 40 þúsund krónum á
Austurlandi.
Á þessu ári er hreindýraveiði-
kvótinn 1.001 dýr. Fjórfalt fleiri
skotveiðimenn sóttu um veiðileyfin.
Þau kosta á bilinu 50 til 135 þúsund
eftir því hvort um er að ræða kýr
eða tarf og eftir veiðisvæðum.
gar@frettabladid.is
Hreindýraleyfi verði
seld hæstbjóðendum
Fræðimenn við Háskólann á Akureyri segja að eðlilegt væri að selja veiðileyfi á
hreindýr til hæstbjóðenda en ekki úthluta þeim á undirverði með happdrættis-
fyrirkomulagi. Það fæli burt dýrmæta veiðimenn frá útlöndum og minnki tekjur.
HREINDÝR Hægt væri að ná meiri tekjum af hreindýraveiðum með því að hætta að
selja veiðileyfin á undirverði, að mati fræðimanna við Háskólann á Akureyri.
FRÉTTABLAÐIÐ/VILHELM
VEISTU SVARIÐ?
1. Hvaða lánafyrirtæki sameinast
Landsbankanum?
2. Hve margar rúður á heimili
Ögmundar Jónassonar voru brotnar
með grjótkasti um helgina?
3. Hvaða dýr á norðurslóðum eru í
mestri hættu vegna aukinnar kvika-
silfursmengunar?
SVÖR
1. SP fjármögnun og þrotabú Avant. 2.
Tvær. 3. Hvítabirnir, selir og hvalir.