Fréttablaðið - 10.05.2011, Blaðsíða 34
10. maí 2011 ÞRIÐJUDAGUR26
sport@frettabladid.is
FRAMARAR leita að þjálfara fyrir karlalið sitt í handbolta þessa dagana. Reynir Þór Reynisson
er hættur eins og kunnugt er. Samkvæmt heimildum Fréttablaðsins eru tveir menn í myndinni
hjá Fram - Einar Jónsson og Patrekur Jóhannesson. Einar er þjálfari kvennaliðs félagsins og var
aðstoðarmaður Reynis. Hann þekkir því hópinn vel. Patrekur er síðan á leið heim frá Þýskalandi.
HANDBOLTI „Þetta eru líklega enda-
lokin. Ég er búinn að hitta lækni
og hann er ekki bjartsýnn á fram-
tíðina. Þetta er búið að vera mjög
erfitt,“ sagði Einar Hólmgeirs-
son, leikmaður Ahlen-Hamm, sem
hefur leikið sinn síðasta leik sem
atvinnumaður. Tíminn mun svo
leiða í ljós hvort hann spilar aftur
handbolta síðar en svo gæti farið
að hann verði að leggja skóna á
hilluna.
Einar er meiddur á vinstra hné
og fer í aðgerð fljótlega vegna
meiðslanna. Það mun taka hann
nokkra mánuði að jafna sig eftir
aðgerðina í kjölfarið mun koma í
ljós hvort hann geti spilað hand-
bolta á nýjan leik.
Samningur Einars við Ahlen-
Hamm rennur út í sumar og hann
fær ekki nýjan samning. Engin
eftirspurn er síðan eftir meiddum
manni þannig að Einar á um lítið
annað að velja en að koma heim.
„Ég hef það orð á mér að vera
mikið meiddur og þess vegna er
áhuginn enginn. Ég fór í aðgerð á
þessu hné fyrir tveim árum vegna
brjóskskemmda. Það hefur haldið
vel síðan en er illa farið núna. Það
þarf að taka það í gegn enda er
skemmdin stór og á vondum stað.
Læknirinn segir mjög ólíklegt að
ég verði atvinnumaður á nýjan leik.
Ég veit ekki hvort ég spila hand-
bolta á nýjan leik. Spurning hvort
það sé þess virði. Ég er ekkert
spenntur fyrir því að vera kominn
með gervilið á mínum aldri,“ sagði
Einar, sem er aðeins 29 ára.
„Það er ekkert annað hægt að
gera núna en að byrja upp á nýtt.
Ég kem væntanlega heim í sumar
og fer í endurhæfingu. Ég verð
samt örugglega aldrei tilbúin aftur
fyrr en um jólin,“ sagði Einar, sem
þarf nú að standa í stappi vegna
tryggingamála en hann vonast
eftir því að tryggingarnar muni
greiða fyrir endurhæfinguna.
Að sama skapi getur hann ekki
spilað handbolta á meðan og því
eru engar líkur á því að hann
spili hér heima á meðan á endur-
hæfingu stendur.
Þegar Einar fór utan sem
atvinnumaður átti hann bjarta
framtíð í vændum. Hann spil-
aði vel og var orðinn lykilmaður
í íslenska landsliðinu. Síðustu ár
hafa aftur á móti verið ein sam-
felld sorgarsaga þar sem hver
meiðslin hafa rekið önnur.
„Ég er búinn að vera meiddur út
í eitt eftir jól. Sex eða sjö mismun-
andi meiðsli. Það var orðið mjög
þreytandi að vera ónýtur og geta
síðan ekki neitt. Fyrstu tvö árin
mín í Þýskalandi gengu vel en
síðan fór að halla undan fæti. Þess-
ir síðustu mánuðir hafa svo verið
skelfilegir. Ég þarf samt að játa
mig sigraðan núna,“ sagði Einar,
sem var að gæla við að geta spilað
í Þýskalandi í tvö ár í viðbót.
„Ég á sem betur fer heilbrigð
börn og góða fjölskyldu. Við höfum
átt mjög góðan tíma úti og maður
verður að taka það með sér. Það
er erfitt að sætta sig við þetta og
ég er enn að átta mig á þessu. Ég
held ég geri það ekki fyrr en eftir
nokkra daga.“ henry@frettabladid.is
Óvíst hvort ég spila handbolta aftur
Atvinnumannsferill stórskyttunnar Einars Hólmgeirssonar er á enda. Hann þarf að fara í aðgerð á hné og
verður líklega ekki búinn að jafna sig á henni fyrr en í lok ársins. Framhaldið er óljóst hjá Einari og svo
gæti farið að hann spilaði ekki aftur handbolta. Einar segir erfitt að sætta sig við þessa niðurstöðu.
BALLIÐ BÚIÐ Atvinnumannsferill Einars Hólmgeirssonar hefur verið ein sorgarsaga
síðustu ár. Nú er komið að endalokum og Einar flytur heim í sumar ásamt fjölskyldu
sinni. NORDICPHOTOS/BONGARTS
Sumarið er komið!
Má bjóða þér landslagsráðgjöf?
BM Vallá ehf.
Bíldshöfða 7
110 Reykjavík
Komdu til okkar og fáðu hugmyndir fyrir garðinn þinn.
Sími: 412 5000
Fax: 412 5001
sala@bmvalla.is
b
m
va
ll
a
.is
Áslaug Katrín Aðalsteinsdóttir,
landslagsarkitekt okkar, veitir viðskiptavinum ókeypis ráðgjöf
og aðstoð við mótun hugmynda og útfærslu.
Ráðgjöfin ásamt tölvuteikningu er þér að kostnaðarlausu.
Hafðu samband við sölufulltrúa okkar og pantaðu tíma.
Happdrætti
Allir sem nýta sér landslagsráðgjöf og kaupa í
kjölfarið efni til framkvæmda hjá BM Vallá fara
í pott og geta unnið ferð til London fyrir tvo.
Gildir út árið 2011.
P
IP
A
R
\TB
W
A
• S
ÍA
• 11 1240
FÓTBOLTI Pétur Pétursson,
aðstoðar þjálfari KR, fékk að líta
rauða spjaldið í leik liðsins gegn
Keflavík í 2. umferð Pepsi-deild-
ar karla á sunnudag.
Pétur var heldur ósáttur við
dóminn en hann fékk reisupass-
ann undir lok leiksins. „Mummi
(Guðmundur Reynir Gunnarsson)
lenti í klafsi við Guðjón Árna
Antoníusson, leikmann Kefla-
víkur, og þeir duttu báðir niður
fyrir framan varamannaskýli
Keflvíkinga,“ sagði Pétur.
„Þá stóðu allir upp sem voru á
bekknum hjá Keflavík og byrjuðu
að drulla yfir Mumma á meðan
hann lá meiddur í grasinu. Ég fór
yfir til þess að verja minn mann
og fékk rautt fyrir það. Ég veit
ekki hvað reglurnar segja en mér
finnst þetta nokkuð hart.“
Þess má geta að Willum Þór
Þórsson, þjálfari Keflavíkur, fékk
áminningu undir lok leiksins.
„Ég viðurkenni fúslega að ég
notaði ekki réttu orðin þegar ég
fór að verja leikmanninn en það
er sama, mér fannst þetta engu
að síður hart.“
„Það áttu fleiri að fljúga út af
en ég,“ bætti Pétur við. - esá
Pétur fékk rauða spjaldið:
Fleiri en ég áttu
að fljúga út af
PÉTUR PÉTURSSON Er þekktur rólyndis-
maður en honum hljóp kapp í kinn.
FRÉTTABLAÐIÐ/VALLI
FÓTBOLTI Liverpool leikur við
hvurn sinn fingur þessa dagana
og fjarvera Steve Gerrard virðist
ekki hafa nein áhrif á liðið. Leik-
menn Liverpool léku listir sínar
á Craven Cottage í gær er þeir
kjöl drógu Fulham, 2-5. Liverpool
komst fyrir vikið upp í fimmta
sæti deildarinnar.
Argentínumaðurinn Maxi
Rodriguez er hreinlega sjóðandi
þessa dagana og skoraði aftur
þrennu. Hann gerði það einnig
gegn Birmingham hinn 23. apríl.
Hann skoraði svo eitt mark gegn
Newcastle um mánaðamótin og er
því kominn með sjö mörk í síðustu
þremur leikjum.
„Þetta var frábær frammistaða
hjá strákunum. Við byrjuðum með
látum og það var hreinn unaður
að fylgjast með fótboltanum sem
við spiluðum. Hreyfingin á mönn-
um og vinnuframlag var til fyrir-
myndar,“ sagði himinlifandi stjóri
Liverpool, Kenny Dalglish.
„Fulham beit frá sér í síðari
hálfleik en við mættum þeim. Við
höfum staðið okkur frábærlega
síðan í janúar. Ber að þakka leik-
mönnum og þjálfurum fyrir það.“
Eiður Smári Guðjohnsen var í
byrjunarliði Fulham fjórða leik-
inn í röð. Hann fann sig ekki frek-
ar en félagar hans og var tekinn
af velli um miðjan síðari hálfleik.
Mark Schwarzer átti skelfilegan
dag í marki Fulham. - hbg
Argentínumaðurinn Maxi Rodriguez fór hamförum er Liverpool valtaði yfir Fulham á Craven Cottage:
Tvær þrennur á skömmum tíma hjá Maxi
MAGNAÐUR MAXI Maxi Rodriguez fagnar hér einu af þrem mörkum sínum í gær.
NORDICPHOTOS/GETTY IMAGES
FÓTBOLTI Selfoss komst í 32 liða
úrslit Valitor-bikarsins í gær er
það lagði ÍA eftir framlengingu
og vítakeppni á Selfossi. Staðan
eftir venjulegan leiktíma var 2-2.
ÍA komst í 1-2 er Stefán Þórðar-
son fékk að líta sitt annað gula
spjald og þar með rautt. Seinna
spjaldið fékk Stefán fyrir kjaft-
brúk. Manni fleiri náði Selfoss að
jafna og koma leiknum í fram-
lengingu. Þar var ekkert skorað
og því þurfti að grípa til víta-
spyrnukeppni.
Þar reyndust taugar heima-
manna sterkari og þeir fögnuðu
sigrinum innilega í leikslok.
- hbg
Valitor-bikarinn:
Selfoss lagði ÍA