Fréttablaðið - 19.05.2011, Side 28

timamot@frettabladid.is
Þetta er eitt af mínum fjölmörgu áhugasviðum,“ segir Elísa
Björg Þorsteinsdóttir listfræðingur spurð út í tildrög þess
að hún flytur í dag fyrirlestur í rússneska sendiráðinu um
konur í rússneskri myndlist. „Ég lærði rússnesku þegar ég
var ung og skrifaði magistersritgerð um þátttöku kvenna í
byltingarhreyfingum í Rússlandi á nítjándu öld og fram á
þá tuttugustu, þannig að ég hafði snemma mikinn áhuga á
konum í rússneskri sögu. Ég lærði sögu og listasögu í Þýska-
landi og var á þeim tíma eitt ár í Moskvu þar sem áhugi
minn á hlutskipti rússneskra kvenna jókst enn.“
Svo við snúum okkur að fyrirlestrinum, um hvað ætlarðu
að fjalla? „Upphafið má rekja til þess að fyrir um það bil níu
árum var haldin hér ofsalega flott og fín sýning á rússneskri
myndlist frá Tretjakov-safninu í Moskvu. Þetta var sýning
á rússneskum listaverkum frá áratugunum beggja vegna
aldamótanna 1900. Á þeim tíma voru konur mjög áberandi
sem nýjungasmiðir í rússneskri myndlist, en þegar ég fór að
telja saman listamennina sem áttu verk á sýningunni kom í
ljós að af rúmlega fimmtíu listamönnum voru einungis sjö
konur. Þessi hlutföll þóttu mér merkileg. Það blossaði upp
í mér rússneska kvenremban og ég ákvað að flytja fyrir-
lestur bara um þessar konur sem ég vissi að létu til sín taka
á þessum árum. Síðan hef ég líka haldið kúrsa um mynd-
listarkonur uppi í Listaháskóla, þannig að þetta hefur lengi
verið eitt af mínum sérsviðum og þessar kellur hafa verið
mér sérstaklega hugleiknar. Núna á vormisseri hafa rúss-
neska sendiráðið og Háskóli Íslands verið með sameiginlega
menningardagskrá og þegar ég var beðin um að vera þar
með fyrirlestur fannst mér tilhlýðilegt að rifja þetta aftur
upp með konurnar.“
„Almennt er þessu tímabili í kringum aldamótin skipt
upp í tvö tímabil í rússneskri myndlist,“ heldur Elísa áfram,
„þannig að ég fylgi þeirri hefð. Annars vegar eru stólpakon-
ur sem eru starfandi á síðustu áratugum nítjándu aldarinn-
ar, sem fara yfir grensurnar á milli greina og eru jafnvel að
hanna húsgögn og gera ýmislegt slíkt meðfram myndlist-
inni. Í upphafi tuttugustu aldarinnar verða svo konur sem
menntaðar eru á Vesturlöndum, einkum í París, áberandi
í framúrstefnuhreyfingunni sem þá brestur á. Þar heldur
þessi samblöndun á greinum áfram og konur eru til dæmis
áberandi í leikmyndagerð, á þeim mikla uppgangstíma rúss-
nesks leikhúss sem þá stendur yfir, hanna bækur og bóka-
kápur og svo mætti lengi telja. Þetta fléttast allt svo dásam-
lega saman að það er eiginlega engin leið að hætta þegar
maður byrjar að tala um þetta tímabil.“
Fyrirlesturinn er eins og áður sagði í rússneska sendi-
ráðinu við Garðastræti og hefst hann klukkan 17.
fridrikab@frettabladid.is
ELÍSA BJÖRG ÞORSTEINSDÓTTIR: TALAR
UM RÚSSNESKAR MYNDLISTARKONUR
Kvenremban
blossaði upp
RÚSSNESKAR STÓLPAKONUR Elísa Björg Þorsteinsdóttir, listfræð-
ingur og þýðandi, talar um konur í rússneskri myndlist í rússneska
sendiráðinu í dag. FRÉTTABLAÐIÐ/GVA
Merkisatburðir
1875 Fyrsta sláttuvélin kemur til Íslands frá Noregi.
1917 Eimskipafélag Íslands fær sitt þriðja skip og er það nefnt
Lagarfoss.
1983 Geimskutlan Enterprise hefur viðkomu á Keflavíkurflug-
velli, borin af Boeing 747 þotu.
80 ára afmæli
Sveinn Ásgeir
Árnason
Sveinn Ásgeir Árnason hárskera-
meistari á Hárbæ Laugavegi 168
varð áttræður sunnudaginn 15. maí
síðastliðinn. Af því tilefni verður
hann með opið hús og býður vinum,
ætting jum og viðskiptavinum að gleðj-
ast með sér á heimili sínu að Arnar-
tanga 16, Mosfellsbæ laugardaginn 21.
maí frá kl. 17.00 og fram eftir kvöldi.
Elskuleg móðir okkar, tengdamóðir,
amma og langamma,
Kristín Ingibjörg
Benediktsdóttir
Stóragerði 10, Reykjavík,
lést fimmtudaginn 12. maí. Útför hennar fer fram frá
Dómkirkjunni í Reykjavík föstudaginn 20. maí kl. 13.00.
Benedikt Guðjón Kristþórsson
Unnur Björg Kristþórsdóttir
Guðlaugur Ásgeir Kristþórsson
tengdadóttir, barnabörn og barnabarnabörn.
MOSAIK
Ástkær eiginkona mín
Alda Gísladóttir
Skúlagötu 40,
lést á Landspítalanum í Fossvogi þriðjudaginn 17. maí.
Brynleifur Sigurjónsson.
Ástkær eiginmaður minn, faðir okkar,
tengdafaðir og afi,
Erling Edwald
lyfjafræðingur,
lést að morgni föstudagsins 13. maí. Útförin fer fram
frá Langholtskirkju föstudaginn 20. maí kl. 13.00.
Jóhanna Edwald
Tryggvi Edwald Erla Erlingsdóttir
Sigrún Edwald Sigurður Egill Guttormsson
Ari Edwald Þórunn Pálsdóttir
Þórdís Edwald Ármann Þorvaldsson
og barnabörn
Ástkær eiginmaður minn, faðir okkar,
afi og tengdafaðir
Jens Jóhannesson
húsasmiður, Löngulínu 7 í Garðabæ,
andaðist á líknardeild Landspítalans aðfaranótt 16. maí.
Guðrún María Harðardóttir
Jóhannes, Viktoría og Jenni
barnabörn og tengdabörn.
Hugheilar þakkir fyrir auðsýnda samúð
og hlýhug við andlát og útför okkar
ástkæra
Ívars Péturs Hannessonar
fyrrum aðstoðaryfirlögregluþjóns,
Dalbraut 14, Reykjavík.
Bestu þakkir til allra sem hlúðu að honum í veikindum
hans. Sérstakar þakkir færum við félögum hans
í lögreglukórnum.

Jóna Guðbjörg Gísladóttir
Árdís Ívarsdóttir Guðmundur Ingi Kristjánsson
Hannes Eðvarð Ívarsson Íris Kolbrún Bragadóttir
Gísli Bergsveinn Ívarsson Klara Lísa Hervaldsdóttir
barnabörn og barnabarnabörn
Ólöf og Svanhvít Hannesdætur og aðrir aðstandendur
Ástkær móðir okkar, tengdamóðir,
amma og langamma
Hólmfríður Björnsdóttir
Furugrund 32, Kópavogi,
lést mánudaginn 16. maí. Jarðsungið verður frá
Grafarvogskirkju miðvikudaginn 25. maí kl. 13.00.
Þeim sem vilja minnast hennar er bent á líknarsjóð L5
Landakoti, sími 543-9890.
Elsa Jóhanna Ólafsdóttir Rúnar Jónsson
Droplaug Ólafsdóttir
Þorsteinn Ólafsson Jóna Fanney Kristjánsdóttir
ömmu- og langömmubörn.
Elskulegur faðir okkar, fósturfaðir,
tengdafaðir, afi og langafi
Magnús Jónsson
frá Patreksfirði,
andaðist á hjúkrunarheimilinu Ási, Hveragerði,
14. maí. Útför hans fer fram frá Hveragerðiskirkju
laugardaginn 21. maí kl. 13.30. Jarðsett verður
í Kotstrandarkirkjugarði.
Þórdís Magnúsdóttir Eyvindur Bjarnason
Ármann Ægir Magnússon Rakel Móna Bjarnadóttir
Hafberg Magnússon Freydís Harðardóttir
Fríða Elíasdóttir
Jóhannes Þór Jóhannesson Helga B. Óskarsdóttir
Hrafnhildur Þór Jóhannesdóttir Snæbjörn Árnason
barnabörn og barnabarnabörn
Einlægar þakkir sendum við öllum
þeim, sem sýndu okkur samúð, vináttu
og hlýhug við andlát og útför mannsins
míns, föður okkar, afa og langafa,
Gísla Vilbergs
Sigurbjörnssonar
Laugarásvegi 33, Reykjavík.
Sérstakar þakkir færum við öllu starfsfólki hjúkrunar-
heimilisins Sóltúns fyrir einstaka umönnun, alúð
og hlýju. Guð blessi ykkur öll.
Þórhildur M. Sandholt
Sigrún Gísladóttir Hörður Rögnvaldsson
Ásgeir Gíslason Júlía Amporn
Friðrik Gíslason Guðríður Svavarsdóttir
Guðbjörg Sandholt Gísladóttir
barnabörn og barnabarnabörn.