Fréttablaðið - 19.05.2011, Page 60

19. maí 2011 FIMMTUDAGUR36
tonlist@frettabladid.is
TÓNNINN GEFINN
Trausti Júlíusson
> Í SPILARANUM
FM Belfast - Don‘t Want to Sleep
Friendly Fires - Pala
Bon Iver - Bon Iver
Junior Boys - It‘s All True
Bandaríska plötuútgáfan ANTI hefur það að yfirlýstu markmiði að
þar geti tónlistarmenn gert hlutina á sínum eigin forsendum. Það er
fullt af flottum listamönnum á mála hjá ANTI, allt frá Tom Waits yfir
í Sage Francis, en gamlir meistarar eru áberandi. Oft eru þetta lista-
menn sem passa ekki lengur inn í útgáfustefnu stórfyrirtækjanna sem
þeir voru hjá, en ANTI gefur þeim
tækifæri til þess að hugsa hlutina
upp á nýtt, taka nýjan pól í hæðina.
Gott dæmi um þetta er orgelsnill-
ingurinn Booker T. Jones sem var
leiðtogi þeirrar frábæru hljómsveit-
ar Booker T. and the MGs sem bæði
var húshljómsveit hjá Stax-plötu-
fyrirtækinu í Memphis á áttunda
áratugnum og sendi frá sér instrú-
mental soul-smelli eins og Green
Onions, Hip Hug-Her og Melting
Pot. Booker T. gerði samning við
ANTI og gaf út alveg þokkalega
plötu, Potato Hole, fyrir tveimur
árum. Fyrir nokkrum dögum kom
svo plata númer tvö, The Road
From Memphis, og á henni er gamli Hammond-snillingurinn í essinu
sínu.
Bæði ný lög og gömul eru á The Road From Memphis. Flest þeirra
eru án söngs, en Sharon Jones, Yim Yames úr My Morning Jacket,
Matt Berninger úr The National og Lou Reed syngja eitt lag hvert auk
þess sem Booker T. syngur sjálfur eitt. Öll ellefu lögin grúva feitt og
einkennast af tilþrifum Bookers á Hammondinn. Á meðal laganna er
ósungin útgáfa af Gnarls Barkley-laginu Crazy. Ein af ástæðunum
fyrir því hvað nýja platan er miklu betri en Potato Hole er að hún er
unnin með ?uestlove, trommuleikara The Roots, sem er alfræðiorða-
bók í soul- og fönktónlist og greinilega rétti maðurinn til þess að hefja
þennan gamla meistara á þann stall sem honum hæfir. Frábær plata.
Maður trúi því varla ennþá að hún geti verið svona góð ...
Tilþrif á Hammondinn
NÝ PLATA Booker T. er að gera góða
hluti á nýju plötunni.
Þátttakendur í Lagalistanum: Bylgjan, FM957, Xið 977, Rás 2, Kaninn, tonlist.is. Verslanir í Tónlistanum: Skífan, Hagkaup, Penninn/Eymunds-
son, 12 tónar, Harpa, Smekkleysa plötubúð, Havarí, Elkó, tonlist.is
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Skýringar:
TÓNLISTINN
Vikuna 12. - 18. maí 2011
LAGALISTINN
Vikuna 12. - 18. maí 2011
Sæti Flytjandi Lag
1 Adele ...................................................Someone Like You
2 Vinir Sjonna.............................................. Coming Home
3 Bruno Mars .......................................................Lazy Song
4 Bubbi Morthens................................................... Ísabella
5 Megas & Senuþjófarnir ...Lengi skal manninn reyna
6 Katy Perry .......................................................................E.T.
7 Valdimar ..............................................................Yfirgefinn
8 Jessie J ..................................................................Price Tag
9 Britney Spears .................................Till The World Ends
10 Stella Mwangi ................................................Haba Haba
Sæti Flytjandi Lag
1 Ýmsir ......Eurovision Song Contest 2011: Düsseldorf
2 Víkingur Heiðar Ólafsson ..................... Bach / Chopin
3 Ýmsir .........................Gleðibankinn: 25 ár í Eurovision
4 Valdimar ............................................................Undraland
5 Megas og Senuþjófarnir ..... (Hugboð) um vandræði
6 Sjonni‘s Friends ...................................... Coming Home
7 Andrea & Blúsmenn .........................Rain On Me Rain
8 Magnús og Jóhann ................Ástin og lífið 1971-2011
9 Björk .....................................................................Gling gló
10 Skálmöld ...................................................................Baldur
> PLATA VIKUNNAR
Rain on me rain ★★★
Andrea Gylfadóttir & Blúsmenn
„Andrea Gylfadóttir sýnir hvað hún
getur á pottþéttri blúsplötu.” - TJ
Steven Tyler, söngvari Aerosmith og
dómari í American Idol, segist einu
sinni hafa átt kynmök við annan karl-
mann en hann hafi ekki viljað prófa
það aftur.
„Ég fíla ekki kynlíf með karlmönn-
um. Ég prófaði það einu sinni þegar
ég var yngri en fékk ekki mikið
út úr því,“ skrifaði hann í nýrri
ævisögu sinni Does the Noise
In My Head Bother You? sem
er nýkomin út. Þar lætur hann
ýmislegt flakka um litríkan
feril sinn sem rokksöngvara
í fremstu röð. Hann krafð-
ist þess ávallt að „hreinar
stelpur“ biðu hans í sturtunni
eftir tónleika. „Þrátt fyrir að hugur
minn sé sóðalegur skiptir líkamlegt
hreinlæti mig máli. Kelly [aðstoð-
arkona Aerosmith] sá alltaf til þess
að stelpurnar væru í sturtunni
þegar ég kom inn í herbergið. Ég
vildi ómengaða fegurð. Ég get
ekki kysst stelpu sem hefur
verið að stökkva fram af svið-
inu með fimm hundruð öðrum
karlmönnum,“ skrifaði hann.
Í bókinni segir hann einnig
frá einelti sem hann varð
fyrir í æsku og að hann hafi
aldrei átt í ástarsambandi við
konu sem hafi treyst honum
fullkomlega.
Svaf hjá karlmanni
Platan Born This Way með Lady
Gaga kemur út eftir helgi. Þétt-
ur danstakturinn er áfram
í fyrirrúmi og ljóst er að
hún ætlar ekkert að slaka
á heimsyfirráðum sínum í
poppheiminum.
Önnur hljóðsversplata poppdívunn-
ar Lady Gaga í fullri lengd, Born
This Way, kemur út á mánudaginn
og bíða hennar margir með
mikilli eftirvæntingu enda
er Gaga líklega vinsælasti
poppari heims í dag ásamt
Justin Bieber.
Gaga heitir réttu nafni
Stefani Germanotta og
fæddist í New York 28.
mars 1986. Hún gekk í
kaþólskan stúlknaskóla
áður en hún hóf tónlistar-
nám við Tisch-skólann í
Háskóla New York, sautján
ára gömul.
Ung að aldri byrjaði Gaga
að spila á píanó og semja
lög þar sem áhrifavaldarn-
ir voru glysrokkarar á borð
við David Bowie og Freddie
Mercury (nafnið Gaga er
fengið úr Queen-laginu Radio
Ga Ga) ásamt poppurum á borð
við Madonnu og Michael Jack-
son.
Árið 2007 byrjaði hún að
koma fram á klúbbum í New
York undir nafninu Lady Gaga
and the Starlight Revue ásamt
vinkonu sinni Lady Starlight.
Útgáfufyrirtæki sáu fljótt að
eitthvað var spunnið í Gaga.
Def Jam varð fyrst til að semja
við hana en ekkert kom út úr
því samstarfi. Hún komst þá
í kynni við upptökustjórann
Rob Fusari. Hann sendi lög sem
hann hafði gert með Gaga til Vin-
cents Herbert, eiganda Streamline
Records, undirfyrirtækis Inter-
scope Records, sem gerði við hana
samning þar sem hún starfaði sem
lagahöfundur. En eftir að popparinn
Akon heyrði Gaga syngja fékk hann
Interscope Records til að gera sam-
eiginlegan útgáfusamning við Gaga og
fyrirtæki sitt Kon Live og þar með var hún
komin undir hans verndarvæng.
Gaga byrjaði að undirbúa sinn eigin
sólóferil og fyrsta smáskífulagið Just
Dance kom út í apríl 2008 og í fram-
haldinu platan The Fame. Þar samdi
hún öll lögin, meðal annars í sam-
starfi við Fusari. Miklar vinsæld-
ir Just Dance opnuðu leiðina fyrir
næsta lag, Poker Face, sem varð
risasmellur og skaut Lady
Gaga upp á stjörnuhimininn.
The Fame hefur nú selst í
yfir tólf milljónum ein-
taka.
Næsta plata Gaga,
The Fame Monster,
átti upphaflega
að vera bónus-
plata með
The Fame
en ákveð-
ið var að
bæta
fleiri
lögum
við og
gefa út
átta laga
plötu. Hún
fékk einnig
jákvæðar við-
tökur, þar á
meðal fyrsta smá-
skífulagið Bad Rom-
ance.
Nýja platan Born This
Way hefur að geyma fjór-
tán lög og semur Gaga sem
fyrr allt efnið í samstarfi við
aðra. Titillagið Born This
Way, þar sem þéttur danstakt-
urinn er eins og áður í fyrir-
rúmi, fór rakleiðis á toppinn í
tuttugu löndum. Miðað við þau
lög sem hafa heyrst af plöt-
unni er Gaga enn í fínu formi
og mun vafalítið ekki slaka á
heimsyfirráðum sínum í popp-
inu á næstunni.
freyr@frettabladid.is
Heimsyfirráð Lady Gaga
GEFUR ÚT BORN THIS WAY Nýjasta plata Lady
Gaga nefnist Born This Way og kemur út eftir
helgi. NORDICPHOTOS/GETTY