Fréttablaðið - 30.05.2011, Qupperneq 16

30. maí 2011 MÁNUDAGUR16
timamot@frettabladid.is
Japansk-íslenska félagið
fagnar tuttugu ára afmæli
sínu á þessu ári. Systur-
félag þess á Íslandi, Íslensk-
japanska félagið stendur
einnig á tímamótum, þar
sem það var stofnað fyrir
þrjátíu árum.
Í tilefni þessara tíma-
móta hefur Japansk-íslenska
félagið ákveðið að færa
Reykjavíkurborg fimmtíu
kirsuberjatré að gjöf sem
gróðursett verða í Hljóm-
skálagarðinum. Trén tákna
samanlagðan aldur félag-
anna og ævarandi vináttu og
frið milli Íslands og Japan.
Haldin verður gróðursetn-
ingarathöfn í Hljómskála-
garðinum á morgun. Athöfn-
in hefst klukkan fjögur með
ræðu Jóns Gnarr borgar-
stjóra. Þá mun formaður
Japansk-íslenska félagsins,
Yoshihiko Wakita, form-
lega afhenda Reykjavíkur-
borg kirsuberjatréin. Jap-
anski flautuleikarinn Yoko
Owada mun flytja nokkur
japönsk lög en einnig munu
Gradualekór Langhots-
kirkju, Langholtsdætur og
málmblásarakvitettinn Yobo
Häbeba koma fram.
- mmf
Vinátta milli Ís-
lands og Japans
HLJÓMSKÁLAGARÐURINN Fimmtíu japönsk kirsuberjatré verða
gróðursett í Hljómskálagarðinum. FRÉTTABLAÐIÐ/STEFÁN
Um þessar mundir eru sjötíu ár frá því
að ein elsta fataverslun landsmanna,
Vinnufatabúðin, var stofnuð. Fyrirtæk-
ið hefur alla tíð haldist innan sömu fjöl-
skyldu en Þorgeir Daníelsson, sem á og
rekur verslunina í dag ásamt eigin konu
sinni Hildi Símonardóttur, er barnabarn
stofnanda Vinnufatabúðarinnar, Þórar-
ins Kjartanssonar. Þórarinn, sem fædd-
ist árið 1893 og lést árið 1952, stofnaði
einnig Gúmmívinnustofuna og er tal-
inn fyrstur manna á landinu til að setja
upp dekkjaverkstæði. Þórarinn eignað-
ist húsnæðið að Laugavegi 76 árið 1921
en verslunin hefur verið starfrækt þar
á fyrstu hæð hússins frá árinu 1941.
„Jú, það er mjög góð tilfinning að
verslunin hafi haldist innan fjölskyld-
unnar allan þennan tíma, en sjálfur
kom ég fyrst að starfseminni þegar
faðir minn, Daníel Þórarinsson, tók við
rekstri Vinnufatabúðarinnar. Þá var
ég líklega um sautján ára. Hann rak
verslunina í fyrstu með móður sinni og
ömmu minni, Guðrúnu Daníels dóttur en
hún lést 1967. Síðar kom bróðir minn,
Daníel Daníelsson, inn í reksturinn og
saman rákum við verslunina þar til
faðir minn lést, 71 árs að aldri. En ég og
eiginkona mín höfum rekið verslunina
undanfarin fimmtán ár.“
Þorgeir segir að margt hafi breyst í
verslunarumhverfi á Íslandi og að hálf-
gerð bylting hafi orðið þegar fyrstu
gallabuxurnar fóru að líta dagsins ljós
hérlendis en faðir hans hóf að flytja inn
amerískar gallabuxur, Lee og Wrang-
ler, á sjötta áratugnum og hermanna-
fatnaðurinn markaði einnig djúp spor
í fatastíl landsmanna. Þorgeir segir að
fatnaðurinn sem Vinnufatabúðin selji
njóti sérstöðu því ekki sé verið að eltast
við tískusveiflur. Fatnaðurinn standist
tímans tönn og henti öllum aldurshóp-
um.
„Viðskiptavinir okkar hafa sumir
fylgt okkur í áratugi. Sá hópur er ansi
stór og hefur stutt okkur alla tíð. Marg-
ar breytingar hafa orðið á Laugavegin-
um frá því sem var og margar góðar
verslanir horfnar. Ég myndi vilja sjá
Laugaveginn styrkjast því Laugavegur-
inn hafði mjög mikla breidd í verslun og
líflegri flóru,“ segir Þorgeir og segist
hlakka til að standa vaktina á Lauga-
veginum áfram. juliam@frettabladid.is
EIN ELSTA FATAVERSLUN LANDSINS: VINNUFATABÚÐIN 70 ÁRA
Innan sömu fjölskyldu alla tíð
GAMAN AÐ STANDA VAKTINA Þorgeir Daníelsson á og rekur Vinnufatabúðina ásamt eiginkonu
sinni, Hildi Símonardóttur. Afi Þorgeirs stofnaði verslunina árið 1941. FRÉTTABLAÐIÐ/VALLI
Í sumar verður aðgengi ferðamanna stórbætt við Selja-
landsfoss, því á föstudag undirrituðu Ísólfur Gylfi Pálma-
son, sveitarstjóri Rangárþings eystra, og Birgir Ægir
Kristjánsson, framkvæmdastjóri Vélsmiðjunnar Magna,
verksamning um smíði og uppsetningu stáltrappa við foss-
inn.
Mikil ánægja ríkir í samfélaginu með að verkefnið verði
unnið af hagleiksfólki úr heimabyggð.
Á hverju ári leggur sveitarfélagið ákveðið fjármagn í
uppbyggingu áfangastaða í sveitarfélaginu, og þetta árið
eru tröppurnar við Seljalandsfoss stærsta verkefnið sem
ráðist verður í. Undanfarin ár hefur verið unnið ötullega
að því að laga aðgengi í kringum fossinn og eru tröppurnar
hluti af því.
Kostnaðaráætlun við verkið er tæpar sex milljónir. Verk-
efnið er einnig styrkt af umhverfissjóði Ferðamálastofu
sem leggur til tvær milljónir króna.
Uppsetning hefst í byrjun júní og er áætlað að tröppurn-
ar verði tilbúnar um mánaðamótin júní/júlí. Meðan á upp-
setningu stendur má búast við einhverjum truflunum við
fossinn. Umsjón með verkinu hefur Oddur Hermannsson
hjá Landform ehf. á Selfossi.
Stáltröppur við Seljalandsfoss
VIÐ SELJALANDSFOSS NÚ OG ÞÁ Á myndunum má sjá hvernig
aðgengi upp og undir Seljalandsfoss er nú og svo hvernig það verður
þegar tröppurnar eru tilbúnar.
Merkisatburðir
1431 Jóhanna af Örk er brennd á báli í Rúðuborg í Frakklandi.
1768 Eggert Ólafsson, skáld og varalögmaður, ferst á Breiðafirði
ásamt konu sinni og sex öðrum mönnum. Voru þau að
koma frá vetursetu í Sauðlauksdal.
1829 Jónas Hallgrímsson flytur prófræðu sína í Bessastaða-
kirkju.
1836 Paul Gaimard kemur með leiðangur sinn til Reykjavíkur og
fara þeir víða um land.
1851 Jón Sigurðsson er kosinn forseti Kaupmannahafnar deildar
Hins íslenska bókmenntafélags og gegnir þeirri stöðu til
dauðadags.
1889 Hallgrímur Sveinsson er vígður biskup.
1894 Eldey er klifin í fyrsta skipti. Er þar að verki Eldeyjar-Hjalti
(Hjalti Jónsson) og tveir aðrir Vestmannaeyingar.
1919 Fyrsti íslenski ríkisráðsfundurinn er haldinn í
Fredensborgar höll í Danmörku.
1940 Róstur verða eftir knattspyrnuleik milli Fram og Víkings í
Reykjavík. Þrjátíu manns eru handteknir.
1982 Spánn verður sextánda aðildarland NATO og fyrsta ríkið til
að gerast meðlimur frá því Vestur-Þýskaland gekk í banda-
lagið árið 1955.
1984 Alþingismönnum er fjölgað úr 60 í 63 og kosningaaldur er
lækkaður úr 20 árum í 18 ár.
31
Á þessum degi árið 1990 bönnuðu frönsk yfir-
völd allan innflutning á bresku nautakjöti og
lifandi nautgripum af ótta við kúariðu. Frakkland
var stærsti innflytjandi bresks nautakjöts og
kom þetta sér því mjög illa fyrir breska bændur.
Einnig kom sér þetta illa fyrir bresk yfirvöld sem
höfðu þráfaldlega reynt að sannfæra almenning
um að öruggt væri að neyta nautakjöts. Fáum
dögum síðar bönnuðu einnig Þýskaland og
Ítalía innflutning á nautakjöti.
Banninu var aflétt nokkru síðar eftir miklar
samningaviðræður í Brussel. Kúariðukreppan
náði síðan hámarki 20. mars árið 1996 þegar
bresk yfirvöld viðurkenndu að tengsl væru milli
kúariðu og Creutzfeldt-Jakob-sjúkdómsins,
mannlegrar útgáfu hrörnunarsjúkdómsins sem
hafði fyrst fundist í breskum kúm tíu árum áður.
Viku síðar var sett á algert bann á útflutning á
bresku nautakjöti. Banninu var aflétt af öllum
löndum nema Frakklandi árið 1999 en eftir að
Evrópusambandið hótaði stórum fjársektum var
banninu einnig aflétt þar í október árið 2002.
ÞETTA GERÐIST: 30. MAÍ 1990
Tekið fyrir innflutt breskt kjöt
STEVEN GERRARD knattspyrnumaður er 31 árs í dag.
„Það skiptir ekki máli hver skorar mörkin, svo
lengi sem við vinnum.“
MOSAIK
Ástkær móðir okkar, tengdamóðir,
amma og langamma
Guðfinna Sigurgeirsdóttir
andaðist á Sólvangi, Hafnarfirði 23. maí sl. Jarðarförin
fer fram föstudaginn 3. júní nk. frá Garðakirkju,
Álftanesi.
Gísli Geir Kolbeinsson
Kolbrún Kolbeinsdóttir
Guðmundur K. Jónmundsson
barnabörn og barnabarnabörn