Fréttablaðið - 15.06.2011, Page 22

2
Gónhóll á Eyrarbakka er kjörinn viðkomustaður fyrir þá sem
ætla að leggja leið sína austur. Þar er markaður og kaffihús og nú
stendur yfir sýning á málverkum Önnu Kristínar Einarsdóttir, en við-
fangsefnin eru af ýmsum og stundum óvenjulegum toga.
„Ég óttaðist aldrei um líf mitt og
vissi að við kæmumst heilu og
höldnu á leiðarenda,“ segir Ragn-
hildur, sem var stödd á vinnustað
sínum Royal Spa á níundu hæð
Queen Elizabeth þegar skipið
sigldi í ímyndað kjölfar hins sögu-
fræga og ósökkvandi Titanic frá
Southampton til New York í miklu
óveðri og stórhríð í janúar.
„Öldugangur og stórsjór gengu
yfir gluggana og skipið allt, en ég
fann ekki einu sinni fyrir sjóveiki.
Bara magnaðri tilfinningu yfir
því að sigla um slóðir sorglegra
atburða þegar Titanic sökk árið
1912 og 1.517 farþegar þess hlutu
vota gröf,“ segir Ragnhildur.
Cunard-skipafélagið þykir eitt
það virðulegasta í veröldinni og
hefur einkarétt á White Star þjón-
ustu sem var einmitt viðhöfð um
borð í Titanic.
„Queen Elizabeth er allt í anda
Titanic og hvíti hanskinn tákn um
óaðfinnanlega þjónustu þar sem
starfsfólk er þjálfað í að koma sem
allra best fram við farþega,“ segir
Ragnhildur sem var þjálfuð í að
koma fram við viðskiptavini eins
og þeir væru konungbornir.
„Ég frétti af þessum atvinnu-
möguleika í snyrtifræðinámi mínu
við FB og varð strax mjög áhuga-
söm. Ég sé svo sannarlega ekki
eftir að hafa slegið til. Sjálfstraust
mitt óx til muna og góður skóli að
þurfa að bjarga sér dags daglega
á öðru tungumáli. Þá fylgir mik-
ill ævintýraljómi því að starfa á
svo íburðarmiklu skipi, enda leið
mér oft eins og prinsessu að lenda
í nýrri höfn á hverjum morgni um
borð í einu fegursta skipi heims.”
Ragnhildur starfar nú á Snyrti-
stofu Ágústu þar sem hún hefur
innleitt meðferðir sem hún lærði
á Royal Spa, en þar urðu viðskipta-
vinir fyrir einstakri upplifun. Þar
á meðal er havaískt lomilomi-
nudd, nuddað með framhandleggj-
um og Royal Spa-andlitsmeðferð.
Fyrir jómfrúrferð Queen Eliza-
beth haustið 2010 gaf Elísabet
Englandsdrottning skipinu nafn
við hátíðlega athöfn. „Þá þakkaði
hún okkur öllum sem stóðum hjá
fyrir vel unnin störf,“ segir Ragn-
hildur, en Cunard er þekkt sem
skipafélag ríkra og fræga fólksins.
„Upp úr standa staðirnir sem ég
upplifði af eigin raun og allt fólk-
ið sem ég eignaðist að vinum frá
öllum heimshornum. Á milli okkar
myndaðist djúp vinátta og víst er
að við munum halda hópinn um
ókomna tíð.“ thordis@frettabladid.is
Í stórhríð í kjölfar Titanic
Snyrtifræðingurinn Ragnhildur Guðmannsdóttir hélt á vit ævintýranna þegar hún sigldi um heimshöfin á
konunglegri snyrtistofu skemmtiferðaskipsins Queen Elizabeth, nýjasta stolti skipafélagsins Cunard.
Ragnhildur segist aldrei hafa orðið sjóveik um borð í Queen Elizabeth, en stundum
hafa orðið vör við sjóriðu þegar hún steig í land. FRÉTTABLAÐIÐ/STEFÁN
Á Queen Elizabeth þjóna 2.000 manns 2.000 farþegum, og má því segja að hver
farþegi hafi sinn einkaþjón sem dekrar við hann daglangt með hvítum hönskum.
Queen Elizabeth fékk fylgd systurskipanna Queen Victoria og Queen Mary II frá
Southampton til New York, þar sem beið þeirra flugeldasýning og mikil hátíðahöld.
Bíldshöfði 12 · 110 Rvk · 5771515 · skorri.is
Er vagninn rafmagnslaus
Frístunda rafgeymar í miklu úrvali
?
ÚTSALAN HAFIN!
ÍSLENSKT
KISUNAMMI
Fæst í Bónus, Samkaup,
10-11, Fjarðarkaup og Inspired
Keflavíkurflugvelli
Harðfisktöflur sem
kisur elska
VINSÆLVARA
Sumarkjólar
Ný sending af sumarkjólum fyrir
brúðkaupin og sumarveislurnar.
Ótrúlegt úrval, st 36-46
Fleiri myndir á
Facebook, vertu vinur
Við erum á