Fréttablaðið - 23.07.2011, Blaðsíða 8
23. júlí 2011 LAUGARDAGUR8
HRYÐJUVERKAÁRÁS Í NOREGI
Íslandsbanki | Kirkjusandi | 155 Reykjavík | Sími 440 4900 | vib@vib.is | www.vib.is
VÍB – Eignastýringarþjónusta Íslandsbanka er leiðandi
á íslenskum markaði með áratugareynslu eignastýringu.
Einkabankaþjónusta
Viðskiptavinum sem gera ríkar kröfur býðst þjónusta
sem er sniðin að þeirra þörfum. Viðskiptastjóri annast
stýringu eignasafns og veitir margvíslega ráðgjöf.
Eigna- og lífeyrisþjónusta
Hefðbundin ávöxtun, sparnaður í áskrift, stakar
fjárfestingar og lífeyrissparnaður með aðstoð
sérfræðinga okkar.
Netbanki
Aðgangur að einu breiðasta sjóðaúrvali landsins fyrir þá
sem vilja stýra eignasafni sínu sjálfir.
Fáðu nánari upplýsingar á www.vib.is eða pantaðu viðtal
við ráðgjafa í síma 440 4900.
VÍB veitir sparifjáreig-
endum metnaðarfulla
og persónulega þjónustu
H
V
ÍT
A
H
Ú
S
IÐ
/S
ÍA
1
1
-0
4
0
2
„Þetta mun sennilega breyta þeirri
sýn sem við Norðmenn höfum haft
á heiminn,” segir Tor Magnus Hor-
ten, arkitektanemi í Ósló. „Maður
getur kannski gert sér það í hugar-
lund núna hvernig Óslóarbúum leið
þegar Þjóðverjar hertóku borgina
9. apríl árið 1940.“
Það var undarlegt andrúmsloftið
í miðbæ Óslóar eftir sprenginguna
í gær. Fólk stóð og horfði í forundr-
an á glerlausa stjórnvaldsbygg-
inguna þar sem gardínur flöksuðu
út um glugga þar sem áður hafði
verið gler.
Búið var að loka stórum hluta
miðborgarinnar en lögreglan var
í óða önn að stækka bannsvæðið.
Rúður höfðu brotnað á mun stærra
svæði en á bannsvæðinu. Högg-
bylgjan hafði áhrif langt út fyrir
miðborgina og inn í næstu hverfi.
Víða var hætta á að glerbrot
myndu falla frá byggingum.
Strax eftir sprenginguna var
verslunum í nágrenninu lokað.
Verslunum í Storo-hverfinu sem
er í norðurhluta Óslóar, talsvert
frá miðbænum, var meira að segja
lokað.
Þegar líða fór á daginn var
samt rólegt um að litast í borg-
inni. Verslunar- og veitingastaða-
eigendur hófust handa við að
byrgja fyrir glugga í verslunum og
veitingastöðum. Töluverður hópur
fólks var á ferli – að skoða og taka
myndir. Sumir kaffihúsaeigendur
þrjóskuðust við og opnuðu staði
sína. Margir sátu og fengu sér
kaffisopa eða bjór innan um rúst-
ir og glerbrot. Lögreglan í Ósló bað
fólk að halda sig heima í gærkvöldi
og aflýsa öllu skemmtanahaldi
og einkasamkvæmum. Að hluta
til vegna þess að ástandið er enn
mjög óljóst en einnig vegna þess
að lögreglunni gæti reynst erfitt
að sinna venjubundnum útköllum.
Óslóarbúum er eins og gefur að
skilja brugðið. Sömu sögu er að
segja af arkitektanemanum Tor
Magnus: „Þetta er mikill sorgar-
dagur.“
„Þetta er mikill sorgardagur“
Ögmundur Jónasson innanríkis-
ráðherra mun eiga fund með
íslenskum lögregluyfirvöldum
og fara yfir tíðindin frá Ósló.
H a n n seg i r
að stjórnvöld
fylgist vel með
málinu fyrir
milligöngu lög-
regluyfirvalda.
Málið sé graf-
alvarlegt og
áhyggjuefni að
slíkt skuli ger-
ast.
Ríkislög-
reglustjóri
jók viðbúnað
sinn í gær og
Ögmundur
segir að lög-
regluyfirvöld
sta rfi eft i r
ákveðnum gát-
listum í málum
sem þessu.
„Það er ekki
þar með sagt
að á Íslandi hafi skapast eitt-
hvert hættuástand. Við fylgjumst
hins vegar með framvindu þess-
ara mála í Noregi og hugsum til
þeirra með hlýhug. Við munum
hins vegar ekki sýna neitt fljót-
ræði.“
Spurður hvort viðbúnaðarstig
hér á landi verði aukið í kjölfar
sprengingarinnar segir hann að
mikilvægast sé að sýna yfirvegun.
„Maður getur aldrei sagt neitt
með fullri vissu, en það er nátt-
úrulega mjög mikilvægt að þjóð-
félög bregðist ekki við í panikk
og fari að herða á einhverjum
öryggis ráðstöfunum, ég held að
það sé ekki rétta aðferðin. Fyrst
og fremst þarf að anda með nefinu
og taka þessum alvarlegu atburð-
um af yfirvegun. Við munum ekki
gera neitt að svo stöddu, heldur
bíða og sjá hverjar eru orsakirnar
og hverjir standa að þessu.“
Össur Skarphéðinsson utan-
ríkisráðherra segir að þessi mál
muni að öllum líkindum verða
rædd í ríkisstjórn. „Við erum
náttúrulega með almannavarnir
og ríkislögreglustjóra sem er
ábyrgur fyrir okkar kerfi. Menn
eru í miklu sambandi við starfs-
bræður sína og fylgst er grannt
með stöðu mála.“
Össur ræddi við norska sendi-
herrann hér á landi í gær um
leið og honum bárust fregnir af
málinu. „Ég tjáði honum okkar
miklu samúð með Norðmönnum
yfir þessum hræðilega atburði.“
Hann reiknaði með að ræða við
Jonas Gahr Störe, utanríkisráð-
herra Noregs, í gær.
Starfsfólk hefur verið kallað
heim úr sumarfríi í utanríkis-
ráðuneytinu til að afla upplýs-
inga um Íslendinga á svæðinu.
Össur segir það kerfi hafa komist
í gang um leið og fréttist af harm-
leiknum í Ósló. - kóp
Eftirgrennslan með Íslendingum í Ósló:
Grafalvarlegt mál
en yfirvegun mikilvæg
ÖGMUNDUR
JÓNASSON
ÖSSUR
SKARPHÉÐINSSON
RINGULREIÐ Í MIÐBORGINNI Sjúkraflutningamaður reynir að hafa hemil á ástandinu sem skapaðist þegar sprengjan sprakk í
miðborg Óslóar. FRÉTTABLAÐIÐ/AP
Sveinn Bjarki
Þórarinsson
- skrifar frá Ósló