Fréttablaðið - 23.07.2011, Blaðsíða 64
23. júlí 2011 LAUGARDAGUR40
sport@frettabladid.is
FIMM LEIKIR fara fram í Pepsi-deild karla á morgun. Víkingur fer til Akureyrar og spilar
við Þór, Fram tekur á móti ÍBV, Fylkir sækir Grindavík heim, Keflvíkingar mæta í Garðabæinn
og stórleikurinn er í Vesturbænum þar sem KR tekur á móti Íslandsmeisturum Breiðabliks.
Edda Garðarsdóttir
Að vera sáttur við sjálfan sig er
ekki sjálfgefið. Eins og lífslöng-
unin, andagiftin, innileikinn og
auðmýktin verður þessi sátt að
koma innan frá og út. Hún kemur
ekki af sjálfu sér. Eins og með
hamingjuna verðum við að vinna
fyrir þessari sátt.
Alla mína ævi hef ég verið
mjög meðvituð um það hvernig
ég er og ég er svo innilega ekki
þessi stereótýpíska kona. Ég
dáist að konum sem eru fallega
kvenlegar og í góðu sambandi við
dömuna innra með sér.
Frá því að ég man eftir mér
þá hef ég þverneitað að fara í
kjóla, pils og ýmiss konar dúllerí,
móður minni til mikillar mæðu
oft á tíðum. Ég veit ekki af hverju
ég er svona en ég veit bara að í
öllum skilningi orðsins þá er ég
ekki „dama“.
Sumir tóku móðursýkisfrekju-
köst í leikfangadeildinni í Hag-
kaup, ég tók mín inni í stofu á
stórhátíðum og afmælum rífandi
utan af mér blúndur og slaufur
þegar foreldrar mínir reyndu að
nýta sér kodak-momentið „Edda
í kjól“.
Enn þann dag í dag fæ ég
oföndunar-valkvíða og snert af
tilvistarkreppu þegar eitthvert
galatilefnið nálgast, einfaldlega
vegna þess að ég þarf að fara að
hugsa um í hverju ég á að vera og
þarf hugsanlega að fara að kaupa
ný föt.
Þetta fær „venjulegar“ konur
til að klæja í fingurna af tilhlökk-
un og þær elska að fara að máta,
„windowshoppa“ og kaupa sér
nýtt dress. Ég get talið upp hvert
einasta skipti sem ég hef verið
„sett í“ einhverja hátíðarmúnder-
inguna, mætt á svæðið og setið
í gegnum það nauðsynlegasta (í
frekjukasti).
Ég veit ekkert óþægilegra og
vandræðalegra en þegar fólk
hittir mig og segir „hæ, maður
þekkir þig varla“ eða „rosalega
ertu „dömuleg“. Ég vissi ekki að
þú ættir þetta til“. Mér líður jafn
dömulega og Jóni Gnarr á flotinu
á gay pride þegar ég er uppstríl-
uð.
Stundum vildi ég óska þess að
ég væri eins og stórstirni með
stílista sem sæi um allt mitt
„wardrobe“, förðun og bling. Eða
að ég væri rosalega mikil trukka-
lessa sem gæti gengið í jakkaföt-
um, verið með rakspíra og sítt að
aftan – en það er ég ekki heldur.
Það sem hefur bjargað mér
eru íþróttirnar og fólk sem hefur
gefið sér tíma til að kynnast mér
eins og ég er.
Ég er ekki dama en ég er samt
kona. Á vellinum líður mér best.
Þar fylgist ég með tísku, straum-
um og stefnum á hverju „sea-
soni“. Spurðu mig um þjálfun,
heilsu, fótboltaskó, fótbolta, legg-
hlífar, svitabönd og íþróttatoppa
og get ég hjálpað undantekninga-
laust.
Þar er ég merkjaglyðra og
elska fótboltaskóna mína. Sem
betur fer erum við ekki allar
dömur og það er bara allt í lagi.
Maður þarf ekki að vera klæddur
eins og súpermódel til að líða vel
í eigin skinni.
Það sem hefur bjargað
mér eru íþróttirnar
Íslandsmót í höggleik
KARLAR EFTIR TVO HRINGI
1. Axel Bóasson, GK 17 -8
1. Alfreð Brynjar Kristinsson, GKG -8
2. Ólafur Már Sigurðsson, GR -6
4. Heiðar Davíð Bragason, GÓ -5
5. Þórður Rafn Gissurarson, GR -4
5. Hlynur Geir Hjartarson, GOS -4
5. Guðjón Henning Hilmarsson, GKG -4
5. Kristján Þór Einarsson, GKJ - 4
KONUR EFTIR TVO HRINGI
1. Ólafía Þórunn Kristinsdóttir, GR -2
2. Eygló Myrra Óskarsdóttir, GO Par
3. Signý Arnórsdóttir, GK +3
4. Berglind Björnsdóttir, GR +4
5. Ingunn Gunnarsdóttir, GKG +5
5. Valdís Þóra Jónsdóttir, GL +5
Valitor-bikar kvenna
Fylkir-KR 1-2
0-1 Ólöf Gerður Ísberg, víti (9.), 1-1 Lidija
Stojkanovic (26.), 1-2 Katrín Ásbjörnsd. (90.)
Afturelding-Valur 0-1
0-1 Kristín Ýr Bjarnadóttir (21.)
Pepsi-deild kvenna
Þór/KA-Grindavík 3-0
1-0 Marisha Ledan Schumacher-Hodge (14.), 2-0
Manya Janine Makoski (34.), 3-0 Makoski (53.)
Þróttur R.-Stjarnan 2-4
1-0 Fanny Vago (1.), 1-1 Ashley Bares (22.), 2-1
Soffía Ummarin Kristinsdóttir (48.), 2-2 Ashley
Bares (59.), 2-3 Bares (60.), 2-4 Bares (90.+3)
1. deild karla
Víkingur Ó.-Fjölnir 2-2
Guðmundur Steinn Hafsteinss., Þorsteinn Már
Ragnarss. - Ómar Hákonars., Kristinn Freyr Sig.
ÍR-KA 1-1
Haukur Ólafsson (víti) - Ómar Friðriksson.
ÚRSLIT Í GÆR
Sunnudagurinn 24. júlí
Mánudagurinn 25. júlí
Þór - Víkingur R. kl.17.00
Þórsvöllur
Fram - ÍBV kl.18.00
Laugardalsvöllur
Grindavík - Fylkir kl.19.15
Grindavíkurvöllur
Stjarnan - Keflavík kl.19.15
Stjörnuvöllur
KR - Breiðablik kl.20.00
KR-völlur
FH - Valur kl.20.00
Kaplakrikavöllur
GOLF Axel Bóasson úr Keili og
Alfreð Brynjar Kristinsson úr
GKG eru efstir og jafnir eftir tvo
fyrstu dagana á Íslandsmótinu í
höggleik sem fram fer á Hólmsvelli
í Leiru. Axel var með forystuna og
átti eitt högg á Alfreð eftir fyrsta
daginn en þeir hafa nú báðir leikið
fyrstu 36 holurnar á átta höggum
undir pari. Yngri systir Alfreðs,
Ólafía Þórunn Kristinsdóttir, er
með tveggja stiga forskot á Eygló
Myrru Óskarsdóttur hjá konunum.
Axel byrjaði ekki vel í gær því
hann tapaði þremur höggum á
fyrstu átta holunum en þá komst
hann aftur í gang og fékk fimm
fugla á síðustu tíu holunum. Alfreð
byrjaði hins vegar vel og var lengi
einn í forystu. Hann fékk skramba
á þrettándu sem virtist ætla að
kosta hann efsta sætið en Alfreð
fékk hins vegar örn á 18. holunni
og náði að jafna við Axel sem fékk
fugl á lokaholunni.
Axel og Alfreð eru tveimur
höggum á undan Ólafi Má Sigurðs-
syni úr GK sem lék manna best í
gær en hann fór hringinn á fimm
höggum undir pari og er á sex
höggum undir eftir tvo daga.
Ólafía Þórunn lék á tveimur
höggum undir pari í gær eftir að
hafa leikið fyrsta daginn á pari.
Ólafía Þórunn er með tveggja
högga forskot á Eygló Myrru sem
var með forystu um tíma í dag en
tapaði tveimur höggum á síðustu
tveimur holunum.
Ólafía fékk hins vegar fugl á
18. holunni og kom til baka eftir
að hafa fengið skolla á 16. og 17.
„Ég var nú bara að bæta upp fyrir
sextándu og sautjándu,“ sagði
Ólafía.
„Þetta gekk vel hjá mér. Ég var
að slá mjög vel og koma mér í
færi. Ég fylgdi því síðan mjög vel
eftir með því að setja púttin í. Ég
setti fleiri pútt í í dag en í gær og
þetta liggur allt í púttunum,“ segir
Ólafía. Þetta er annað árið í röð
sem Ólafía leiðir eftir tvo daga
en hún endaði í öðru sæti í fyrra.
„Nú er ég reynslunni ríkari. Þetta
verður spennandi og það er mikil
keppni hjá okkur,“ sagði Ólafía.
Tinna Jóhannsdóttir úr Keili
var með forystu eftir fyrsta dag-
inn en hún byrjaði skelfilega í
gær. Tinna lék á þremur höggum
undir pari í gær sem er vallarmet
en tapaði sjö höggum á fyrstu níu
holunum í dag. Hún endaði á því
að leika á 9 höggum yfir pari eða
á tólf höggum meira en í gær. - óój
Systkinin Alfreð Brynjar og Ólafía Þórunn Kristinsbörn eru efst á Íslandsmótinu í höggleik í Leirunni:
Ólafía Þórunn segist vera reynslunni ríkari í ár
ÓLAFÍA Er efst eftir 36 holur alveg eins og í fyrra. FRÉTTABLAÐIÐ/STEFÁN GARÐARSSON/GSÍ
FÓTBOLTI Valur og KR mæt-
ast í fjórða sinn í bikarúrslita-
leik kvenna eftir sigra í undan-
úrslitaleikjum Valitor-bikars
kvenna í gærkvöldi. Valur vann
1-0 sigur á Aftureldingu í Mos-
fellsbæ en KR vann 2-1 sigur á
Fylki í Árbænum.
KR tryggði sér sæti í úrslitum
Valitor-bikars kvenna í gærkvöld
með 2-1 sigri á Fylki með marki
Katrínar Ásbjörnsdóttur á loka-
mínútum leiksins.
Fylkir þótti sigurstranglegra
liðið fyrir leik liðanna en KR-
stelpur blésu á það og hófu leik-
inn af miklum krafti og komust
yfir á 9. mínútu þegar Ólöf Gerð-
ur Jónsdóttir Ísberg skoraði úr
víti sem dæmt var þegar Lidija
Stojkanovic fékk boltann klaufa-
lega í höndina í teignum. Stojk-
anovic kvittaði fyrir vítið þegar
hún jafnaði metin eftir horn-
spyrnu á 26. mínútu en Fylkir réð
lögum og lofum á vellinum eftir
að KR komst yfir.
KR hóf seinni hálfleikinn mun
betur en er leið á hálfleikinn náði
Fylkir yfirhöndinni án þess að
skapa sér afgerandi færi. Þegar
allt virtist stefna í framlengingu
tryggði Katrín Ásbjörnsdóttir KR
sætið í úrslitunum með laglegu
skoti eftir skyndisókn.
„Það virðist vera bikarstemn-
ing hjá okkur í ár og þetta var
verðskuldað hjá okkur. Mér
fannst við betra liðið í kafla-
skiptum leik,“ sagði Björgvin
Karl Gunnarsson þjálfari KR að
leiknum loknum.
„Ég er með mjög fljóta vörn og
gengur vel á móti fljótum fram-
herjum en á í meira basli gegn
líkamlega sterkum framherjum,“
sagði Björgvin um góðan varnar-
leik síns liðs, sérstaklega í seinni
hálfleik.
Bláklæddar Valskonur mættu
grimmari til leiks í Mosfellsbæ í
gærkvöld. Þær sóttu nokkuð ákaft
framan af og sóknin bar árangur
á 21. mínútu. Þá gaf Dagný Brynj-
arsdóttir boltann frá hægri út í
teiginn þar sem markahrókur-
inn Kristín Ýr Bjarnadóttir setti
knöttinn í nærhornið. Færi fyrri
hálfleiksins voru Valskvenna
sem náðu þó ekki að nýta þau og
Íslands- og bikarmeistararnir með
eins marks forystu í hálfleik.
Í síðari hálfleik voru leikar mun
jafnari. Mosfellingar voru ákveðn-
ari fram á við og gáfu Valskonum
minni tíma með boltann.
„Við dettum stundum í of flókna
hluti í seinni hálfleik eftir að
hafa verið betri í fyrri hálfleik.
Ofhugsum allt í staðinn fyrir að
sparka bara í boltann og hlaupa.
Við erum við að hugsa of mikið
um að gera allt rétt,“ sagði marka-
skorarinn Kristín Ýr Bjarnadótt-
ir.
Valskonur virtust óviðbúnar
mótspyrnunni, misstu góð tök sín
á leiknum án þess þó að gefa nema
eitt færi á sér. Ahkeelea Mollon
sem er í láni frá Stjörnunni komst
þá í gegn en Meagan McCray
varði vel í marki Vals.
Valskonur voru nær því að
bæta við marki í lokin en heima-
menn að jafna. Meðal annars átti
Björk Gunnarsdóttir hörkuskot í
þverslá. Valskonur eru komnar í
bikarúrslit en bikarinn er þeirra
að verja.
„Þetta er skemmtilegasti leikur
ársins að mínu mati. við ætluðum
þangað allan tímann,“ sagði Krist-
ín Ýr sem skoraði þrennu þegar
Valur vann 3-0 sigur á Þór/KA í
undanúrslitunum í fyrra.
- kbt, gmi, óój
Katrín og Kristín hetjurnar
Valur og KR mætast í bikaúrslitaleik kvenna. Kristín Ýr Bjarnadóttir tryggði Val
sæti í bikarúrslitaleiknum annað árið í röð og sigurmark KR-ingsins Katrínar
Ásbjörnsdóttur kom á 90. mínútu í leik KR-liðsins á móti Fylki í Árbænum.
DÝRMÆTT SIGURMARK Katrín Ásbjörnsdóttir tryggði KR-konum sæti í bikarúrslitaleiknum á lokamínútu leiksins. FRÉTTABLAÐIÐ/HAG