Fréttablaðið - 23.07.2011, Blaðsíða 10

23. júlí 2011 LAUGARDAGUR10
BRUNI Engan sakaði þegar veit-
ingastaðurinn og gróðrarstöðin
Eden í Hveragerði brann til kaldra
kola í fyrrinótt. Ríflega 50 ára
starfsemi í byggingunni er nú á
enda, og fimmtán manns sjá fram
á að missa vinnuna.
„Eldhafið í Eden öskraði á
okkur,“ segir Aldís Hafsteinsdótt-
ir, bæjarstjóri Hveragerðis. Hún
var á göngu í nágrenninu þegar
hún varð vör við reyk.
„Við vorum fjögur á gangi upp
úr miðnætti þegar við tókum eftir
því að það rauk upp úr einhverju
húsi í nágrenninu,“ segir Aldís.
Eftir að hún hringdi í Neyðarlín-
una sá hún að húsið sem logaði
í var Eden. „Þá sáum við að það
væri alveg ljóst að það stefndi í
stórbruna.“
Slökkviliðsmenn komu fljótt á
vettvang. „Þegar við komum að
húsinu var mikill eldur í austur-
hluta hússins þar sem eldhúsið og
mötuneytið var. Þakið var allt úr
plasti svo það var strax ljóst að
það væri ekki hægt að ráða við
eldinn fyrr en það væri brunn-
ið,“ segir Pétur Pétursson, vara-
slökkviliðsstjóri hjá Brunavörnum
Árnessýslu, sem stjórnaði aðgerð-
um á vettvangi.
„Það var ekkert annað að gera
en að reyna að hefta útbreiðsluna,“
segir Pétur. „Eldurinn var ofsa-
fenginn, það er svo mikil bruna-
orka í plastinu. Það má lýsa óhljóð-
unum sem fylgdu eldinum þannig
að það hafi verið eins og þegar
skrúfað er frá borholu og hún látin
blása.“
Aldís segir að ekki hafi liðið
nema tuttugu mínútur frá því
hún varð fyrst vör við reyk þar
til Eden var alelda. „Kolsvartur
reykurinn steig hundruð metra
upp í loftið og logarnir stóðu upp
úr þakinu.“
Hún segir að ofsinn í eldinum
hafi komið sér og öðrum sem
sáu brunann á óvart. „Það voru
sprengingar af og til og svo var
eins og eldurinn öskraði. Ég átti
ekki von á því að gróðurhús gæti
brunnið með svona afli, en það var
auðvitað mikill eldsmatur þarna
inni og loftið úr plasti.“
Þó að ríflega fimmtíu ára sögu
Edens sé nú lokið í bili segir Aldís
að horfa verði fram á veginn.
„Við munum leita allra leiða til
að koma þessari starfsemi í gang
aftur, þarna eða annar staðar í
bænum. Íslenskum og erlendum
ferðamönnum þótti áhugavert að
koma á stað eins og Eden, í fram-
andi umhverfi í íslensku gróður-
húsi,“ segir Aldís.
Hún segir að bæjarfulltrúar
muni hittast eftir helgi til að ræða
stöðuna. „Það sem situr eftir er
sorgin yfir því að þetta ríflega
50 ára fyrirtæki hafi fuðrað upp
á nokkrum mínútum. En auðvitað
eru allir þakklátir fyrir að enginn
hafi slasast.“
Til stóð að senda tvo reykkafara
inn í húsið þegar slökkviliðið kom
fyrst á vettvang, en Pétur segir
að aðstæður hafi verið of hættu-
legar. Slökkviliðsmenn hafi barist
við eldinn utan frá, og ekki verið í
teljandi hættu þess vegna.
Logn var í Hveragerði þegar
húsið brann, og bensínstöð og
önnur mannvirki í nágrenninu
ekki í hættu. Pétur segir að hefði
vindurinn verið meiri hefði mögu-
lega þurft að rýma íbúðabyggð í
nágrenninu, enda reykurinn af
brennandi plastþakinu eitraður.
Lögregla rannsakar nú upptök
eldsins. brjann@frettabladid.is
Kolsvartur reykurinn
steig hundruð metra
upp í loftið og logarnir stóðu
upp úr þakinu.
ALDÍS HAFSTEINSDÓTTIR
BÆJARSTJÓRI HVERAGERÐIS
Eden brann til kaldra kola
Bæjarstjórinn í Hveragerði horfði á veitingastaðinn Eden fuðra upp á nokkrum mínútum. Segir að allra
leiða verði leitað til að starfsemin geti komist í gang aftur. Slökkvilið fékk ekki við neitt ráðið.
RÚSTIR EINAR Gaflinn af Eden og stálgrindin á gróðurhúsinu var það eina sem uppi stóð þegar slökkvistarfi var lokið. Útskorin
hurð með Adam og Evu slapp við eldinn, svo ekki er ómögulegt að þau nái að komast til Eden í framtíðinni. FRÉTTABLAÐIÐ/PJETUR
ALELDA Slökkviliðið átti aldrei möguleika á að bjarga húsinu, plastplötur í þakinu
fuðruðu upp. MYND/ÖSP VILBERG BALDURSDÓTTIR
Netið í símann,
aðeins 25 kr. á dag
Kynntu þér málið í næstu verslun
eða á vodafone.is
Vodafone – með þér í sumar
FRÉTTIR VIÐSKIPTI ÍÞRÓTTIR LÍFIÐ UMRÆÐAN
MEIRI
UMRÆÐA
DARWIN SPEKÚLERAR Hann virðist
nokkuð íhugull á svip, þessi litli
apaköttur sem heitir Charles Darwin
og hvílir makindalega á höfði starfs-
manns dýragarðs í Berlín.
NORDICPHOTOS/AFP