Fréttablaðið - 18.08.2011, Blaðsíða 6

18. ágúst 2011 FIMMTUDAGUR6
STJÓRNMÁL Bjarni Benediktsson,
formaður Sjálfstæðisflokksins,
segir að nauðsynlegt sé að leggja
öll spilin á borðið vegna sam-
einingar SpKef og Landsbanka
Íslands. Virði eigna sjóðsins hafi
rýrnað frá mati stjórnvalda og það
verði að skýra.
Bjarni segir að stjórnvöld hafi
vitað af slæmri stöðu Sparisjóðs
Keflavíkur um nokkra hríð áður
en ákveðið var að skipta honum
upp og stofna SpKef. Við þann
gjörning hafi menn gengið út frá
því að nokkuð góð vissa væri um
virði eignanna. Slitastjórnin hafi
hins vegar aldrei getað fellt sig
við þann samning sem í boði var;
engar eignir hafi verið skildar
eftir og slitastjórnin hafi ekki einu
sinni getað höfðað riftunarmál þar
sem eignir stóðu ekki undir kostn-
aði.
„Samt sem áður var þetta látið
ganga fram. Síðan kemur í ljós að
sparisjóðurinn hefur þörf fyrir
aukið eigið fé eigi hann að halda í
einhver starfsleyfi,“ segir Bjarni.
Þá hafi skýrst að sjóðinn vantaði
ekki einungis þá 10 til 11 milljarða
sem fjármálaráðuneytið og Fjár-
málaeftirlitið (FME) höfðu gert
opinbera, heldur 6 til 7 milljarða
aukreitis. Þinginu hafi þá verið
kynnt um sameiningu sjóðsins og
Landsbankans, en við það þyrfti
aðeins að leggja út um það bil 11
milljarða. Landsbankinn gaf út við
sameininguna að lagt yrði sjálf-
stætt mat á eignasafn sjóðsins og í
ljós kom að 20 milljarða bar á milli
mats bankans og FME.
„Þetta kallar fram spurningar
um það hvaða mat fór fram í upp-
hafi, á hvaða mati aðgerðirnar á
þessu ári byggðust og hvað varð
um virði eignanna. Hvað varð um
virði eignanna? Hefur það rýrnað
svona mikið eftir að ríkisstjórnin
fór að skipta sér af, eða voru eign-
irnar svona ofmetnar? Hvernig
getur orðið til 20 til 30 milljarða
gat í sparisjóði sem á ekki einu
sinni fyrir innistæðum?“
Bjarni segir um háar fjárhæð-
ir að ræða og minnir á að Lands-
bankinn hafi verið seldur á um 20
milljarða í einkavæðingu og eigið
fé sameinaðs Íslandsbanka og Fjár-
festingarbanka atvinnulífsins á
sínum tíma verið um 18 milljarðar.
„Hver ber ábyrgð á því eigna-
mati sem birtist í lok árs 2008 þar
sem sagt var að eiginfjárstaða
sjóðsins væri nokkuð góð? Það er
bara lítið brot eftir af eignum sem
voru í bókum sjóðsins í lok árs
2008.“ kolbeinn@frettabladid.is
Virðisrýrnun eða of-
mat við Sparisjóðinn
Formaður Sjálfstæðisflokksins spyr hvað orðið hafi um virði eigna Sparisjóðs
Keflavíkur. Veltir því upp hvort um ofmat hafi verið að ræða eða virðið rýrnað
við afskipti stjórnvalda. Málið var rætt á fundi þingnefndar á þriðjudaginn.
GAGNRÝNINN Bjarni segir mikilvægt að öll spil séu lögð á borðið varðandi málefni
Sparisjóðs Keflavíkur. Síðan verði tekin ákvörðun um eðlileg næstu skref í málinu.
FRÉTTABLAÐIÐ/GVA
Málefni SpKef voru rædd á fundi efnahags- og skattanefndar á þriðjudag.
Sigurður Kári Kristjánsson, einn nefndarmanna, segir alvarlegar athuga-
semdir hafa komið upp varðandi það hvort rétt hafi verið staðið að stofnun
sjóðsins og margt bendi til að þær séu réttmætar. Hann vill að málið verði
kannað í þaula.
Rætt í þingnefnd
UMHVERFISMÁL Kalmanshellir í
Hallmundar hrauni verður friðlýstur á
morgun. Markmiðið er að vernda hellinn,
einstæðar jarðmyndanir hans og hella-
kerfið allt og koma í veg fyrir röskun og
skemmdir á jarðmyndunum.
Hellirinn var kannaður og mældur upp
í leiðangri íslenskra og bandarískra hella-
áhugamanna sumarið 1993 undir forystu
Jay Reich. Reyndist hellirinn vera rúmir
fjórir kílómetrar að lengd og þar með
vera lengsti mældi hraunhellir landsins.
Hluti hellisins er töluvert hruninn. Til-
efni friðlýsingarinnar er að ein hellis-
greinin, um 500 metra löng, skartar
óvenju glæsilegum og ósnortnum hraun-
myndunum, jafnt dropastráum sem
dropasteinum og telst vera náttúru-
fyrirbæri á heimsvísu. Þar er eitt lengsta
þekkta hraunstrá jarðar, 1,65 metrar að
lengd.
Umferð um viðkvæmasta hluta hellis-
ins er alfarið óheimil nema brýnir
almannahagsmunir séu í húfi, að mati
Umhverfisstofnunar og umsjónaraðila.
- shá
Kalmanshellir í Hallmundarhrauni hefur nú verið verndaður fyrir skemmdum:
Viðkvæmt hellakerfi í Borgarfirði friðlýst
INNI Í KALMANSHELLI Steinmyndanir í hellinum
eru einstakar á heimsvísu og því nauðsynlegt að
friða hann til að varðveita náttúruvættið. Myndina
tók Árni B. Stefánsson árið 1993, en hann hefur
haft forystu um verndun hellisins. MYND/ÁBS
Býrð þú í leiguhúsnæði?
Já 22,2%
Nei 77,8%
SPURNING DAGSINS Í DAG
Ert þú með bílalán?
Segðu þína skoðun á Vísi.is
DAGVISTUN Nokkuð er um laus pláss hjá dag-
foreldrum víðs vegar um borgina, sér í lagi í
úthverfunum, að sögn Kristbjargar Jónsdóttur,
stjórnarmanns í Félagi dagforeldra. Sem fyrri dag-
inn er slíka vistun síst að fá í Mið- og Vesturbæ.
„En það eru auðvitað alltaf einhverjir dagforeldr-
ar sem eru með allt fullt og biðlista. Og húsnæðið í
101 er dýrt og óhentugt,“ skýrir Kristbjörg.
Síðustu ár hefur reglulega verið greint frá því að
slegist sé um pláss hjá dagforeldrum í Reykjavík.
Kristbjörg segir að aðgerðir Reykjavíkurborgar síð-
asta árið hafi stuðlað að breyttri stöðu, því borgin
fjölgaði dagforeldrum mikið og auglýsti sérstaklega
eftir þeim.
Einnig hafi fjölgun á atvinnuleysisskrá auðveldað
borginni að finna fólk til vinnu.
Kristbjörg varar fólk við því að styðjast um of við
heimasíður þjónustumiðstöðva borgarinnar, þegar
athugað er hvort pláss séu laus. Síðurnar séu misvel
uppfærðar. Hún mælir með síðum eins og Barna-
landi eða Blandi.is.
Þar hefur mátt finna auglýsingar frá dagmæðrum
bæði í Mið- og Vesturbæ í vikunni.
- kóþ
Aðgerðir Reykjavíkurborgar hafa skilað árangri að sögn dagforeldris:
Pláss laus hjá dagforeldrum
BARNAPÖSSUN Aðgerðir Reykjavíkurborgar, sem og erfiðara
atvinnuástand, hafa skilað því að auðveldara er að finna dag-
foreldra. FRÉTTABLAÐIÐ/PJETUR
KJÖRKASSINN