Fréttablaðið - 18.08.2011, Síða 12

18. ágúst 2011 FIMMTUDAGUR12 12
hagur heimilanna
Smiðsbúð 6 210 Garðabæ Sími 564 5040
Sitness
Kr. 39.900,-
Góðir fyrir bakið!
Veltikollar og hnakkstólar
w
w
w
.h
ir
zl
an
.i
s
Body Balance
Kr. 39.900,-
Bonanza
Kr. 65.900,-
svart leður
Falsaður varningur snýst
ekki bara um Gucci-töskur
og Rolex-úr. Lyf sem
almenningur kaupir til
dæmis á netinu geta einn-
ig verið fölsuð og þar með
lífshættuleg. Það sama má
segja um varahluti í til
dæmis bíla og vélar. Þetta
segir Ásdís Kristmunds-
dóttir, sviðsstjóri hjá Einka-
leyfastofunni.
„Okkar tilgangur er að vekja fólk
til umhugsunar um að falsað-
ar vörur geti víða verið. Þær eru
almennt ódýrari en ekta varan og
það getur verið freistandi að kaupa
þær á erfiðum tímum en sam tímis
hættulegt. Sum fölsuð lyf eru lyf-
leysur eða innihalda eiturefni.
Önnur innihalda virka lyfjaefnið
en í of litlu eða of miklu magni,“
bendir Ásdís á.
Í tengslum við alþjóðlega ráð-
stefnu í Hörpu í dag um hugverka-
rétt hefur verið opnuð vefsíðan
www.falsanir.is. Á síðunni er bent
á að í sumum tilfellum innihaldi
fölsuð lyf götumálningu, gólflakk,
koffín, amfetamín og morfín. Talið
er að stór hluti þeirra lyfja sem
seld eru í gegnum netið sé falsað-
ur og bjóða mörg ólögleg netapótek
upp á margar ólíkar tegundir lyfja,
eins og til dæmis stinningarlyf,
grenningarlyf, fúkkalyf, krabba-
meinslyf og lyf gegn kólesteróli.
Á vefsíðunni segir jafnframt
að fjöldi alvarlegra tilfella komi
árlega upp í Evrópu vegna neyslu,
notkunar eða meðhöndlunar á föls-
uðum varningi eins og til dæmis
lyfjum, matvælum, snyrtivörum
og leikföngum.
„Viðskipti með falsaðan varning
eru sú ólöglega starfsemi sem hvað
mest hefur vaxið í heiminum á síð-
ustu árum. Þetta er neðanjarðar-
hagkerfi sem stjórnað er af skipu-
lögðum glæpasamtökum. Þessi
starfsemi er á heimsvísu talin vera
orðin sambærileg við viðskipti með
fíkniefni,“ segir Ásdís.
Hún segir bæði einstaklinga og
fyrirtæki flytja inn falsaðan varn-
ing til Íslands. „Þetta er allt milli
himins og jarðar. Snyrtivörur, lyf,
fatnaður, skór, íhlutavörur í tölv-
ur og símar svo eitthvað sé nefnt.
Tollurinn er að verða meðvitaðri
um hvaða vörur geti verið falsað-
ar og fargar þeim ef í ljós kemur
að svo sé.“
Á alþjóðlegu ráðstefnunni í
Hörpu í dag verður meðal annars
fjallað um ólöglegt niðurhal kvik-
mynda og tónlistar sem og eftirlík-
ingar hönnunar.
Fölsuð lyf og leikföng
eru hættulegar vörur
Minna var keypt af fötum á hefðbundnum sumarútsölum
í júlí síðastliðnum heldur en í fyrra, samkvæmt fréttatil-
kynningu frá Rannsóknasetri verslunarinnar. Í tilkynning-
unni segir að þannig haldi áfram samdráttur í fataverslun
sem staðið hafi síðastliðin ár. Fataverslunin dróst saman
um 10,9 prósent í júlí miðað við sama mánuð í fyrra á föstu
verðlagi og um 10,7 prósent á breytilegu verði á sama tímabili. Verð á fötum
var 0,3 prósentum hærra en í sama mánuði fyrir ári.
Bent er á að eftir því sem næsti verði komist virðist breyting hafa orðið í
fatainnkaupum þar sem ráðdeild og hagkvæmni neytenda ráði meiru en áður.
Meðal þess sem fatakaupmenn merkja er að neytendur halda sig ekki endilega
við þekkt vörumerki heldur kaupa þeir frekar þau merki sem eru ódýrari.
Velta skóverslunar jókst um 2,6 prósent í júlí á föstu verðlagi og um 3,7
prósent á breytilegu verðlagi miðað við sama mánuð í fyrra. Verð á skóm
hækkaði um 1,1 prósent frá júlí í fyrra.
■ Verslun
Minni fataverslun en í fyrra
Magnús R. Einarsson hefur marga fjöruna sopið í
tónlistarlífi Íslendinga og leikið með ekki ómerkari
hljómsveitum en Brimkló, Ríó Tríói, Þokkabót og
fleirum. „Ég var líka fenginn í Spilverk þjóðanna
eftir að Egill Ólafsson fór, ég var svona Egilsígildi.
Það var erfitt að fylla það skarð enda tókst það
ekki,“ segir hann í gamansömum tón.
En Magnús hefur líka ýmislegt reynt í við-
skiptum. Fréttablaðið fékk hann til að rekja bestu
og verstu kaupin. Hann byrjar á óförunum. „Ég lét
einu sinni glepjast af tölvuauglýsingu og fór því af
stað og ætlaði að kaupa þessa tölvu. Þá kom í ljós
að hún var ekki til svo ég varð að bíða og af þessu
hlutust alls konar ónot. Þegar ég fékk hana loksins
kom í ljós að hún var sérlunduð og ósamvinnuþýð
svo við náðum aldrei saman. Kostaði hún þó 150
þúsund sem þóttu nú heldur betur
peningar á þessum tíma, um 1995.
En ég hafði svo heppnina með mér
þegar ég var að vinna á Nýja-Sjálandi
en þá sagðist kollegi minn vera með
fiðlu eina uppi á háalofti hjá sér. Hafði afi
hans átt gripinn. Ég fór að líta á og sá
strax að þetta var fín fiðla og þá spurði
félaginn hvort ég vildi ekki kaupa
hana. Ég kvaðst ekki vita hvað hann
vildi fyrir hana en þá bauð hann mér
hann gripinn á 20 dollara. Ég setti í
hana nýja strengi og lagfærði hana
lítillega en síðan seldi ég hana á …
nei, heyrðu, það er best að fara
ekkert út í það.“
NEYTANDINN: MAGNÚS R. EINARSSON, ÚTVARPSMAÐUR OG TÓNLISTARMAÐUR
Keypti sérlundaða tölvu
Vegna fjármálakreppunnar hefur
flugfarþegum sem ferðast á við-
skiptafarrými fækkað hjá flug-
félögum víða um heim. Þar með
hefur heimsóknum í betri stofur á
flugvöllum einnig fækkað.
Þess vegna hafa ýmis fyrirtæki
komið upp betri stofum á flug-
völlum sem venjulegir farþegar
geta keypt aðgang að. Sumar betri
stofur eru fyrir farþega ákveðinna
flugfélaga en að öðrum hafa allir
aðgang að.
Fyrirtækið No.1 Traveller, sem
rekur betri stofur á Stansted, Gat-
wick og Heathrow í London, býður
upp á meira en þægileg húsgögn
og mat. Í nýrri risastórri betri
stofu á Heathrow er sérstakur
kvikmyndasalur þar sem sýndar
eru breskar kvikmyndir. Þar verð-
ur einnig hægt að fara í nudd og
klippingu. Aðgangur að framan-
greindum betri stofum kost-
ar 2.800 til 4.700 krónur í hvert
skipti.
Dvöl í betri stofunni reLAX á
alþjóðaflugvellinum í Los Ange-
les í Bandaríkjunum kostar 1.700
krónur á klukkustund en 5.700
fyrir allan daginn. Allir flugfar-
þegar hafa aðgang að stofunni.
Á Kastrup-flugvellinum í Kaup-
mannahöfn var í júlí síðastliðnum
opnuð betri stofa fyrir alla far-
þega. Aðgangurinn kostar 3.700
krónur.
Á Gardermoen í Ósló kostar
aðgangur að betri stofu fyrir alla
5.300 krónur. - ibs
Flugfarþegar á almennu farrými geta nú keypt sér hvíldarsæti á flugvöllum:
Fá aðgang að betri stofum
Einfalt er að staðla þyngd á ýmsum kjötvörum, eins og niður-
sneiddu áleggi og pylsum, samkvæmt þeim upplýsingum sem
Neytendasamtökin hafa aflað sér. Á vefsíðu samtakanna, www.
ns.is, segir að þeim hafi borist efasemdir frá neytendum um að
mögulegt væri að staðla þyngdina. Jafnframt bárust efasemdir um
að um nákvæma vigtun væri að ræða. Neytendasamtökin benda á
að Neytendastofa hafi eftirlit með að vogir vigti rétt.
Færst hefur í vöxt að kjötiðnaðarstöðvar staðli þyngd á vörum
sínum í kjölfar ákvörðunar Samkeppniseftirlits um að óheimilt sé
að forverðmerkja vörur.
■ Matvæli
Einfalt að staðla þyngd á kjötvörum
Verðmerkingar í sérverslunum í miðborg Reykjavíkur eru langt frá því sem telst
viðunandi samkvæmt könnun Neytendastofu í júlí síðastliðnum. Farið var í 202
verslanir og reyndust 136 þeirra vera með verðmerkingar í ólagi eða 67 prósent.
Verðmerkingar í sýningargluggum voru almennt verri en inni
í verslunum, að því er segir í frétt á vefsíðu Neytendastofu.
Fatabúðir, skartgripaverslanir og verslanir sem selja íslenskt
handverk komu verst út úr skoðun stofnunarinnar. Í sam-
bærilegri skoðun í Kringlunni og Smáralind fyrir jól fengu
52 prósent verslana áminningu vegna verðmerkinga. Þeir
sem fara ekki eftir ábendingum um úrbætur á verðmerk-
ingum eru sektaðir. Neytendur geta komið ábendingum á
framfæri á vefslóðinni www.neytendastofa.is.
■ Verslun
Ófullnægjandi verðmerkingar í miðborginni
GÓÐ HÚSRÁÐ fötin þurr í flýti
Fljótleg leið til að þurrka þvott
Á GATWICK-FLUGVELLINUM Aðgangur
að betri stofunum þar kostar 20 pund.
FRÉTTABLAÐIÐ/VALLI
FALSAÐAR VÖRUR „Viðskipti með
falsaðan varning eru sú ólöglega
starfsemi sem hvað mest hefur
vaxið í heiminum á síðustu
árum,“ segir Ásdís Kristmunds-
dóttir hjá Einkaleyfastofunni.
Ef þér liggur á að fá þurr föt geturðu próf-
að að setja hreint þykkt bómullarhand-
klæði með blauta þvottinum í þurrkarann.
Þar sem handklæðið er þurrt dregur það í sig
rakann og þvotturinn þornar fyrr. Ef magn þvottar-
ins er mikið geturðu bætt við fleiri handklæðum.
30% KÍLÓVERÐ Á SMJÖRI hefur hækkað um 30 prósent frá því árið 2007, þegar það var 403 krónur. Verðið er 559 krónur í dag.