Fréttablaðið - 18.08.2011, Qupperneq 26

18. ágúst 2011 FIMMTUDAGUR26
timamot@frettabladid.is
MOSAIK
Ástkær eiginmaður minn, faðir okkar,
tengdafaðir og afi,
Björn Baldvin
Höskuldsson
byggingarverkfræðingur,
Álfaskeiði 73, Hafnarfirði,
lést á líknardeild Landspítalans þriðjudaginn 16.
ágúst. Útför hans fer fram frá Hafnarfjarðarkirkju
þriðjudaginn 23. ágúst kl. 13.00. Þeim sem vilja
minnast hans er bent á Krabbameinsfélagið eða
líknardeild Landspítalans í Kópavogi.
Sigrún Arnórsdóttir,
Höskuldur Björnsson, Auður Þóra Árnadóttir,
Arnór Björnsson, Bára Jóhannsdóttir,
Baldvin Björnsson, Helga Rúna Þorleifsdóttir,
Þórdís Ragnhildur Björnsdóttir, Michael Teichmann
og barnabörn.
40 ára afmæli
Í dag, 18.8. 2011, fagnar
Haraldur (Harry) Kristinsson 40 ára
afmæli sínu.
Í tilefni þessara tímamóta tekur
hann á móti vinum og vandamönnum á
heimili sínu, Skólatröð 4, Kópavogi,
laugardaginn 20. ágúst
næstkomandi.
Ástkær faðir okkar, tengdafaðir, afi og
langafi,
Guðmundur Þ. Björnsson
Norðurbrún 1, áður Þangbakka 8,
Reykjavík,
andaðist á Landspítalanum í Fossvogi mánudaginn
15. ágúst. Útförin verður auglýst síðar.
Sigríður Kristinsdóttir Torfi Þorsteinsson
Margrét Guðmundsdóttir Ásmundur Karlsson
Birna Guðmundsdóttir Eyjólfur Ó. Eyjólfsson
Konráð Guðmundsson Rósa Björg Ólafsdóttir
Kolbrún Jónsdóttir
barnabörn og barnabarnabörn
Systir okkar
Jóhanna Hrafnfjörð
ljósmóðir,
lést á Elli- og hjúkrunarheimilinu Grund 15. ágúst.
Jarðarförin verður auglýst síðar.
Hrefna Hrafnfjörð
Kristín Hrafnfjörð
42
Nýtt leikverk um Axlar-Björn, einn fárra fjöldamorðingja
Íslandssögunnar, verður frumsýnt í kvöld í nýju leikhúsi á
Rifi á Snæfellsnesi. Húsið er gamalt fiskvinnsluhús og er
að breytast þessa dagana í leikhús og menningarmiðstöð,
að sögn Kára Viðarssonar leikara sem er öllum hnútum
kunnugur þar á bæ.
Axlar-Björn er kenndur við bæinn Öxl í nágrenni Búða
á Snæfellsnesi og í leikritinu er sagan sögð frá hans hlið.
Kári, sem leikur titilhlutverkið, er líka Snæfellingur, upp-
alinn á Hellissandi og einn af höfundum verksins. Aðrir
leikarar og höfundar eru Ingi Hrafn Hilmarsson, Snædís
Lilja Ingadóttir og Alexander Robert, sem er frá London.
Kári tekur fram að þetta sé allt annað leikrit en Borgar-
leikhúsið verði með á fjölunum eftir áramót.
Margt er enn ógert í leikhúsinu að sögn Kára en sýn-
ingarsalirnir tveir eru þó tilbúnir. „Þetta verður frábær
aðstaða,“ segir hann. „Planið er að húsið verði aðsetur
alhliða menningarstarfsemi og hingað komi leikhópar,
danshópar og aðrir listamenn sem leigi það. Það er hópur
fólks úr bæjarfélaginu sem kemur að þessu framtaki. Við
fengum frumkvöðlastyrk Evrópu unga fólksins til að koma
því í kring.“
Þó að sýningin um Axlar-Björn sé bönnuð innan tólf ára
segir Kári hana ekki bara grafalvarlega, heldur hressa og
skemmtilega inni á milli. Stappfullt er á frumsýningu og
eftir hana verða bara þrjár sýningar, á morgun, laugardag
og sunnudag. Allar hefjast klukkan 20. „Ég mæli með því
að fólk dissi Menningarnótt og komi í menningarsetrið að
Rifi í staðinn,“ segir Kári hress. gun@frettabladid.is
Glænýtt leikrit – glænýtt leikhús
FRUMSÝNA Í KVÖLD Kári Viðarsson og Snædís Lilja Ingadóttir leika í
sýningunni um Axlar-Björn:.
Hjónin Sigurður Oddur Ragnarsson
og Guðbjörg Ólafsdóttir á Oddsstöð-
um í Lundarreykjadal hafa skipulagt
hestaferðir síðastliðin tuttugu ár. „Við
fórum út í þetta vegna erfiðleika í loð-
dýrarækt,“ segir Sigurður, sem sam-
hliða hestaferðunum er með hrossa- og
sauðfjárrækt.
Fyrsta ferðin var farin árið 1991 um
Borgarfjörð með finnskum hópi. Árið
1993 fóru þau í samstarf við Eldhesta.
Á þeim tímapunkti hófu þau að fara
ferðir um Snæfellsnes og Löngufjörur
hvert sumar, sem þau gera enn í dag.
„Þetta er líkt og annað sem vindur upp
á sig. Byrjar í grasrótinni og stækkar
smám saman. Frá árinu 2006 höfum við
verið ein í þessu en verið með marga
tengiliði,“ segir Sigurður.
Þátttakendur í ferðunum eru nær
allir af erlendu bergi brotnir. Stærstu
hóparnir koma frá Danmörku og Sví-
þjóð en einnig hefur komið fólk frá
Austurríki, Þýskalandi og Noregi. Lagt
er upp í nokkrar ferðir yfir sumarið og
þetta árið var ákveðið að fara sérstaka
afmælis ferð frá Oddsstöðum umhverfis
Langjökul. „Við höfum mikið riðið út á
Snæfellsnes, vestur á Dali, um Borgar-
fjörð, austur í Árnessýslu og stundum
farið í Rangársýslu. Okkur langaði að
fara nýja leið með hópana okkar. Margir
koma ár hvert og vildum við leyfa þeim
að fara um ókunna stigu,“ svarar Sig-
urður spurður um afmælisferðina sem
farin var dagana 19. júlí til 10. ágúst.
Þrír hópar með Norðmönnum, Dönum og
Svíum skiptu með sér ferðinni. Nokkrir
Íslendingar riðu síðan með allan tímann.
„Þetta eru yfirleitt vanir reiðmenn
sem eiga íslenska hesta úti,“ segir Sig-
urður um erlendu þátttakendurna, sem
uppgötva með ferðunum hvað íslenski
hesturinn er fær um. „Þeir verða oft
undrandi á hvað hann er fótviss og fær
um að fara grófa stíga. Þeim finnst
við einnig ríða mjög hratt og lengi á
hverjum hesti. Þeir bjóða ekki sínum
hestum svona mikla töltreið heldur eru
hestarnir þeirra vafðir í bómull.“
Hjónin sjá um alla skipulagningu og
Guðbjörg stjórnar allri matseld, eða
eins og Sigurður segir: „Hún er pott-
urinn og pannan á bak við allan mat-
inn.“ Þeim til aðstoðar eru ýmist börnin
þeirra eða aðrir sem ríða með í ferð-
unum, hjálpa til við matinn eða flytja
hann milli skála. Sigurður Kristjáns-
son og Garðar Halldórsson hafa tekið
þátt í ferðunum í mörg ár og hafa yfir-
leitt riðið með í hálfan mánuð. „Í ferð-
inni kringum Langjökul voru þeir
með allan tímann og stýrðu söngnum
í ferðinni, enda báðir í Karlakór Kjal-
nesinga,“ segir Sigurður um þá félaga
hans, sem syngja aðallega íslensk lög en
taka einnig undir með norrænu ferða-
félögunum. „Það eru alltaf skemmtileg-
ar sögur í okkar ferðum,“ segir hann að
lokum, staddur á Lýsuhóli í miðri hesta-
ferð um Snæfellsnesið og Löngufjörur.
hallfridur@frettabladid.is
SIGURÐUR ODDUR OG GUÐBJÖRG: HAFA SKIPULAGT HESTAFERÐIR Í TUTTUGU ÁR
Alltaf skemmtilegar sögur
FRÁBÆR FERÐ Guðbjörg og Sigurður Oddur eru hér stödd í Skógarnesi í Eyjahreppi.
Listmálarinn Svavar Guðnason opnaði
sýningu á verkum sínum þennan dag
árið 1945 í Listamannaskálanum við
Kirkjustræti. Það var fyrsta sýning á Íslandi
með abstraktmálverkum eingöngu og
með henni innleiddi hann óhlutbundið
myndmál í íslenska myndlist. Landsmenn
rak í rogastans þegar svo framandleg list
eftir Íslending blasti við; ýmist varð fólk
ofsahrifið eða örvita af hneykslun.
Svavar var Hornfirðingur og komst í
kynni við málaralistina á uppvaxtarárum
sínum. Hann fór að mála fyrir alvöru 1934
og hélt ári síðar til Danmerkur. Þar lærði
hann um tíma við málaradeild Kræstens
Iversen í Konunglegu akademíunni í Kaup-
mannahöfn og varð virkur í hópi róttækra
myndlistarmanna sem meðal annars voru
kenndir við Cobra.
Verk hans í Listamannaskálanum 1945
voru því ávöxtur nýsköpunar í myndlist.
Heimild: Wikipedia
ÞETTA GERÐIST: 18. ÁGÚST 1945
Listviðburður sem markaði tímamót
EDWARD NORTON leikari er 42 ára.
„Ég hef engan áhuga á því að gera kvikmyndir fyrir fjöldann
heldur fyrst og fremst fyrir sjálfan mig.“