Fréttablaðið - 18.08.2011, Side 74

18. ágúst 2011 FIMMTUDAGUR50
golfogveidi@frettabladid.is
Við byrjum allir á
sama skori, svo það
er aldrei að vita.
ÓLAFUR BJÖRN LOFTSSON
600 MILLJÓNIR eru til skiptanna til keppenda en verðlaunaféð á Wyndham
mótinu er alls 5,2 milljónir dala.
1.700 SJÁLFBOÐALIÐAR vinna að framkvæmd mótsins á hverju ári.
Ólafur Björn Loftsson, fyrrver-
andi Íslandsmeistari úr Nes-
klúbbnum, varð fyrsti íslenski
kylfingurinn til að tryggja sér
keppnisrétt á móti á PGA-móta-
röðinni með sigri á hinu sterka
Cardinal áhugamannamóti á
sunnudag. Ólafur hefur með sigr-
inum ekki aðeins skrifað nýjan
kafla í íslenska golfsögu heldur
er það mat manna að árangur
hans geti haft djúpstæðari þýð-
ingu fyrir íslenskt golf þegar til
framtíðar er litið.
Ólafur hefur nú dvalið á móts-
svæðinu við æfingar síðan á
mánudag og segir það ótrúlega
reynslu að undirbúa sig fyrir
golfmót í þeim félagsskap sem
hann hefur verið í undanfarna
daga. „Það verður að viðurkenn-
ast að það var magnað að slá á
æfingasvæðinu við hliðina á John
Daly. Það er erfitt að einbeita sér
að æfingunum og setj-
ast ekki einfaldlega
niður til að fylgjast
með þessum snilling-
um sem maður hefur
litið upp til frá barns-
aldri,“ segir Ólafur
hlæjandi.
Ólafur vill ekki gera
mikið úr árangri sínum
en hlakkar mikið til að
byrja að spila. „Við
byrjum allir á sama
skori, svo það er aldrei að vita.“
Mótið, sem hefst í dag, er
haldið á velli Sedgefield-golf-
klúbbsins í Greensboro í Norður-
Karólínu. Eins og gefur að skilja
hefur Ólafur lagt áherslu á að
spila nokkra æfingahringi til
að kynnast vellinum sem and-
stæðingar hans, margir hverj-
ir, hafa spilað margoft í gegnum
árin. Ólafur segist undirbúa sig
á sama hátt og fyrir önnur golf-
mót. „Ég reyni, þó erfitt sé, að
líta á þetta sem hvert annað mót.
En þetta er draumi líkast að fá
að spila á meðal þeirra bestu. Það
stendur upp úr og gaman að fá að
kynnast því hvernig þetta gengur
fyrir sig.“
Jón Ásgeir Eyjólfsson, for-
seti Golfsambands Íslands,
ætlar að verða vitni að þess-
um tímamótum í íslensku
golfi og fór utan í gær.
„Með þessu er brotið blað
í íslenskri golfsögu. Um
þetta dreymir tugþús-
undir kylfinga án þess
að ná þessu takmarki
nokkru sinni. Þetta er
stórkostlegt og ég hef
fylgst með Ólafi frá
því að hann var strákur.
Hann á þetta skilið fyrir
mikla vinnu. Þýðing þessa
er kannski ekki síst að hér
hefur íslenskur kylfingur sýnt
að þetta er mögulegt og eyðir
kannski efanum úr huga annarra
íslenskra kylfinga.“
Þorsteinn Hallgrímsson, fyrr-
verandi Íslandsmeistari í golfi og
golfkennari, tekur undir með for-
seta GSÍ. „Þetta sýnir okkur hvað
íslenskir kylfingar geta. Ólafur
er frábær fyrirmynd.“
Þorsteinn segir að háskólagolf-
ið í Bandaríkjunum hjálpi Ólafi
mikið, en þar er hann að spila
reglulega við áþekkar aðstæður.
Um mótið segir Þorsteinn að
um stórkostlegt tækifæri sé að
ræða. „Ólafur hefur allt að vinna.
Það eina sem gæti háð honum er
högglengdin en á móti kemur að
hann er frábær í stutta spilinu.
Vonandi tekst honum að leika
vel. Það er ekki sjálfgefið þegar
þú lendir kannski í ráshópi með
Davis Love eða John Daly. Ein-
hver myndi óska sér þess að vera
frekar í hópi áhorfenda þó að ég
viti að það á ekki við um Ólaf,“
segir Þorsteinn. svavar@frettabladid.is
„Gaman að æfa með Daly“
■ Sedgefield-golfklúbburinn geymir
mikla sögu enda gestgjafi eins grón-
asta viðburðar á PGA-mótaröðinni
frá stofnun hennar, eða Wyndham
Championship. Stofnað var upp-
haflega til mótsins árið 1938 undir
heitinu Greater Greensboro Open,
og var Sedgefield-klúbburinn gest-
gjafinn í yfir fjóra áratugi samfleytt.
Sagan geymir meistara eins og Sam
Snead, Gary Player, Byron Nelson
og Ben Hogan, svo fáeinir af frægari
kylfingum fortíðarinnar séu nefndir.
■ Árið 2008 var mótið haldið að nýju
á Sedgefield eftir gagngerar endur-
bætur á vellinum þar sem upphafleg
hönnun vallarins var höfð í hávegum.
Endurbæturnar kostuðu nokkur
hundruð milljónir króna. Það ár setti
Carl Pettersson met þegar hann lék
völlinn á níu undir pari eða 61 höggi.
Völlurinn hefur aldrei verið leikinn á
jafn lágu skori frá upphafi. Pettersson
vann mótið en meistari síðasta árs
var Indverjinn Arjun Atwal, sem
reyndar komst inn á mótið vegna
forfalla.
■ Goðsögnin Sam Snead varð fyrst til
að sigra á Wyndham Championship
árið 1939. Hann vann síðar mótið
sjö sinnum til viðbótar, oftast allra.
Átta sigrar hans á mótinu er met
sem stendur enn sem flestir sigrar á
einum viðburði á mótaröðinni.
■ Sex kylfingar hafa unnið Wyndham-
mótið og eitt af fjórum stórmótum
ársins sama ár. Þeirra frægastir eru
Sandy Lyle árið 1988. Sam Snead
árin 1946 og 1949 og Byron Nelson
árið 1945.
■ Þessir kylfingar verða meðal annarra
þekktra kylfinga með á mótinu:
Trevor Immelman, Ian Poulter, Angel
Cabrera, Paul Casey, Anthony Kim,
Webb Simpson, Vijay Singh, Justin
Leonard, Brandt Snedeker, Ben Curtis,
John Daly, Davis Love III, Henrik
Stenson, David Duval, Ernie Els, Jim
Furyk, David Toms, Lucas Glover,
Rocco Mediate, Camilo Villegas, Retief
Goosen, Boo Weekley og Bill Haas.
Einn af virtari viðburðum PGA-mótaraðarinnar
Ólafur Björn Loftsson, kylfingur úr Nesklúbbnum,
hefur leik á Wyndham Championship-golfmótinu
á PGA-mótaröðinni í dag. „Draumi líkast,“ segir
Ólafur um veru sína á mótssvæðinu. Margir af
sterkustu kylfingum heims eru mættir til leiks.
Mótið er eitt það virtasta á PGA-mótaröðinni.
9. BRAUT Á SEDGEFIELD Völlurinn var endurgerður í upprunalegri mynd fyrir
nokkrum árum. Klúbbhúsið er eitt það glæsilegasta í Bandaríkjunum.
MYND/ANTHONY VINSON SMITH
ÓLAFUR BJÖRN LOFTSSON Ólafur, sem er 24 ára að aldri, varð Íslandsmeistari árið
2009 með eftirminnilegum hætti. Hann stundar háskólanám í Bandaríkjunum, þar
sem hann hefur náð góðum árangri í íþrótt sinni. Hann er sexfaldur klúbbmeistari
Nesklúbbsins. FRÉTTABLAÐIÐ/GVA
MEÐ SIGURLAUNIN Ólafur
vann öruggan sigur á Cardinal-
áhugamannamótinu og
vann með því keppnisrétt
á Wyndham Champions-
hip. Hér er Ólafur sigurreifur
með verðlaunin sín.
MYND/ÓLAFUR LOFTSSON
SAM SNEAD
CARL PETTERSSON
Keegan Bradley, bandaríski
kylfingurinn sem sigraði í PGA-
meistaramótinu um helgina,
hækkaði sig um 300 sæti á heims-
listanum í golfi með sigrinum,
eins og greint er frá á kylfingur.
is.
Fyrir mótið var hann í 329.
sæti listans en situr nú í því 29.
Þannig náði hann að skáka stór-
stjörnu eins og Tiger Woods sem
er í 33. sæti.
Englendingurinn Luke Donald
er sem fyrr í efsta sæti listans en
hann náði 8. sæti í PGA-meistara-
mótinu. - shá
Ný stjarna komin fram:
Hækkaði sig
um 300 sæti
Golfklúbburinn Dalbúi í Miðdal
við Laugarvatn fékk á dögunum
eitt stykki skóg að gjöf sem ráð-
gert er að gróðursetja við völl
klúbbsins. Um er að ræða 300
gróskumiklar trjáplöntur – greni,
furu og lerki.
Það er Félag vélstjóra og málm-
tæknimanna sem gefur trén
sem eru úr skógrækt Erlends
Haralds sonar, prófessors við
félagsvísindadeild Háskóla
Íslands, sem hefur um langt ára-
bil staðið í mikilli skógrækt við
sumarbústað sinn í Snorrastaða-
hlíð. - shá
Golfklúbburinn Dalbúi:
Dalbúi fékk
gefins skóg
KEEGAN BRADLEY Hefur verið frábær á
sínu fyrsta ári á mótaröðinni.
NORDICPHOTOS/GETTY IMAGES